Hüseyn Avni Karslıoğlu, Türkiyənin Almaniyadakı səfiri

Türkiyə Almaniyadakı səfirini geri çağırdı

35
(Yenilənib 16:05 02.06.2016)
Türkiyə Böyük Millət Məclisi Almaniyada qondarma "erməni soyqırımı"nın tanınmasına qarşı bəyanat hazırlayır

BAKI, 2 iyun — Sputnik. Türkiyənin hakim Ədalət və İnkişaf Partiyası (AKP), Almaniyanın 1915-ci il hadisələrini "soyqırımı" olaraq tanımasını qınamaq məqsədilə Böyük Millət Məclisinə (TBMM) təklif verəcək. Sputnik milliyet-ə istinadla xəbər verir ki, TBMM Almaniyaya qarşı bəyanat hazırlayır.

Onu da bildirək ki, Almaniyada qondarma "erməni soyqırımı" qərar layihəsinin qəbul edilməsindən sonra Türkiyə Berlindəki səfiri Hüseyin Avni Karslıoğlunu Ankaraya geri çağırıb.

35
Teqlər:
qondarma "erməni soyqırımı", Türkiyə Böyük Millət Məclisi, Ədalət və İnkişaf Partiyası, AKP, Almaniya
Mövzu:
Almaniyanın qondarma "erməni soyqırımını" tanıması (10)
Əlaqədar
Avropada həyat dayandı
Almaniya bundestaqı qondarma "erməni soyqırımı"nı tanıdı
Diqqətlər Almaniyada: Türk dünyası əleyhinə radikal qərar verilə bilər
Bundestaqda kritik iclas başladı
Lampa, arxiv şəkli

İşğaldan azad edilən rayonlarda tezliklə öz işığımız yanacaq

1
(Yenilənib 20:15 21.10.2020)
Hazırda “Azərenerji” və “Azərişıq” bütün personalı ilə cənab Prezident, Ali Baş Komandan İlham Əliyevin “işə başlayın” əmrini gözləyir

BAKI, 21 oktyabr — Sputnik. “Azərenerji” Açıq Səhmdar Cəmiyyəti işğaldan azad edilən və ediləcək rayonlarımızda yeni 110 kV-luq sistem əhəmiyyətli yarımstansiyaların tikilməsi və quraşdırılması, ikidövrəli yüksək gərginlikli 110 kV-luq elektrik xətlərinin çəkilməsi ilə bağlı layihələndirmə işini tamamlamaqdadır.

İlkin olaraq Füzuli, Cəbrayıl, Zəngilan və Qubadlı rayonlarının hər birində 110 kV-luq sistem əhəmiyyətli 4 yarımstansiyanın tikilməsi və onların arasında 110 kV-luq elektrik xətlərinin çəkilməsi nəzərdə tutulub. "Azərişıq" Açıq Səhmdar Cəmiyyətindən Sputnik Azərbaycan-a verilən xəbərə görə, paralel olaraq “Azərişıq” ASC-də 35 kV-luq yarımstansiyaların tikilməsi ilə bağlı əlaqəli layihələndirmə işləri aparılır. Tikiləcək yarımstansiya və xətlər üçün avadanlıqlarla təchizat və başqa sahələr üzrə işlər görülür. Yarımstansiyalarda, o cümlədən yüksək gərginlikli xətlərdə işlərin ilkin olaraq sürətlə görülməsi və bundan sonra şəhərsalma işləri aparılan zaman paylayıcı elektrik şəbəkəsinin yaradılması planlaşdırılır. Ümumilikdə isə yuxarıda göstərilən 4 rayondan başqa işğaldan azad ediləcək bütün ərazilərimizdəki rayonların elektrik enerji təchizatının qurulması və mövcudların yenilənməsi üçün layihələndirilmə işləri ən sürətli şəkildə aparılır. Məqsəd işğaldan azad edilən rayon və kəndləri ən qısa vaxtda elektrik enerjisi ilə təmin etməkdir. Beləliklə, işğaldan azad edilən rayonlarımızda tezliklə öz işığımız yanacaq.

Hazırda “Azərenerji” və “Azərişıq” bütün personalı ilə cənab Prezident, Ali Baş Komandan İlham Əliyevin “işə başlayın” əmrini gözləyir.

1

Ordumuz daha bir neçə kəndi qəsəbəni işğaldan azad edib - Prezident

85
(Yenilənib 20:51 21.10.2020)
Cəbrayıl, Füzuli və Zəngilan rayonlarının bir neçə kəndi və qəsəbəsi Ermənistan silahlı qüvvələrindən təmizlənib

BAKI, 21 oktyabr - Sputnik. Azərbaycan Ordusu daha bir neçə yaşayış məntəqəmizi erməni işğalından azad edib.

Sputnik Azərbaycan xəbər verir ki, bu barədə Prezident İlham Əliyev "Twitter" səhifəsində bildirib.

"Rəşadətli Azərbaycan ordusu Füzuli rayonunun Gecəgözlü, Aşağı Seyidəhmədli, Zərgər kəndlərini, Cəbrayıl rayonunun Bələnd, Papı, Tulus, Hacılı, Tinli kəndlərini işğaldan azad etmişdir. Eşq olsun Azərbaycan Ordusuna! Qarabağ Azərbaycandır!"

Dövlət başçısı Zəngilan rayonunun bəzi kəndlərinin də azad olunduğu xəbərini verib: "Rəşadətli Azərbaycan Ordusu Zəngilan rayonunun Mincivan qəsəbəsi, Xurama, Xumarlı, Sarıl, Babaylı, Üçüncü Ağalı, Hacallı, Qırax Müşlan, Üdgün, Turabad, İçəri Müşlan, Məlikli, Cahangirbəyli, Baharlı kəndlərini işğaldan azad etmişdir. Eşq olsun Azərbaycan Ordusuna! Qarabağ Azərbaycandır!"

85
Teqlər:
Zəngilan, Füzuli, Cəbrayıl, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
XİN: "Ermənistan rəhbərliyi məsuliyyətsiz bəyanatları ilə öz xalqını uçuruma sürükləyir"
Ermənistan döyüşlərə ASALA üzvlərini də cəlb edir
Xudafərin körpüsünün dünyada tanınması ilə bağlı əhəmiyyətli addım atılacaq
Hikmət Hacıyevdən Paşinyana cavab: Münaqişənin danışıqlar yolu ilə həllini dəstəkləyirik
Paşinyandan etiraf: Azərbaycan bizim kapitulyasiyamızdan başqa heç nəyə razı deyil