Almaniya Bundestaqının iclası. Arxiv şəkli

Almaniya bundestaqı qondarma "erməni soyqırımı"nı tanıdı

267
(Yenilənib 15:33 02.06.2016)
"1915-1916-cı illərdə Osmanlı imperiyasında ermənilərin və digər xristian azlıqların soyqırımının anılması" adlanan sənəd Bundestaqın hakim çoxluğunun və "Yaşıllar" partiyasının təşəbbüsü ilə müzakirəyə çıxarılıb.

BAKI, 2 may-Sputnik. Bundestaqın deputatları "Ermənilərə qarşı genosid" haqqında qətnaməni qəbul edib. Qətnamədə 1915-ci ildə Osmanlı imperiyasında baş verən hadisələr "ermənilərə qarşı cinayət" kimi qiymətləndirilib.

Qətnamə deputatların əksəriyyətinin səsini qazanıb. Alman deputatlardan sadəcə biri qətnamənin "əleyhinə" səs verib, bir nəfər isə səsvermədən imtina edib.
"1915-1916-cı illərdə Osmanlı imperiyasında ermənilərin və digər xristian azlıqların soyqırımının anılması" adlanan sənəd Bundestaqın hakim çoxluğunun və "Yaşıllar" partiyasının təşəbbüsü ilə müzakirəyə çıxarılıb.

"Birinci dünya müharibəsi zamanı Osmanlı imperiyasında ermənilərin məhv edilməsi erməni xalqının minillik tarixində böyük faciəvi nəticələrə səbəb olan fəlakət idi. Deportasiya və kütləvi qırğın qeyri-rəsmi rəqəmlərə görə 1 milyondan artıq erməninin həyatı bahasına başa gəlib. Müstəqil tarixçilərin, parlament və beynəlxalq təşkilatların nümayəndələri bu hadisələri ermənilərin təqibi və soyqırımı hesab edirlər." — deyə sənəddə bildirilir.

Daha əvvəl Türkiyə bəyan etmişdi ki, əgər Almaniya "soyqırım"la bağlı qətnaməni qəbul etsə, iki ölkə arasında münasibətlər zədələnəcək.

Almaniyanın Tagesspiegel qəzeti məlumat yayıb ki, Ankara öz səfirini Berlindən geri çağıra bilər.

Ermənilər 1915-1922-ci illərdə Osmanlı imperiyasında guya 1,5 milyon erməninin kütləvi şəkildə məhv edildiyini iddia edirlər. Onların iddiaları əsasında bir sıra ölkələr qondarma soyqırımı qəbul ediblər. Bu istiqamətdə ilk addımı 1965-ci ildə Uruqvay atıb. Ondan sonra 28 ölkə, o cümlədən, Rusiya, Fransa, Belçika, Niderland, Argentina, Polşa, Kanada, İtaliya, Braziliya və Vatikan da qondarma soyqırımı tanıyıb. Bu saxta qərarı Avropa Parlamenti və Ümumdünya Kilsələr Şurası, həmçinin ABŞ-ın 50 ştatından 44-ü verib.

Türkiyə isə ermənilərin soyqırımla bağlı saxta iddialarını rədd edir. Qeyd olunur ki, 1915-ci il hadisələrinin qurbanları daha çox türklər olublar, nəinki ermənilər.

Ermənistan isə israrla Osmanlı imperiyasına qarşı qətnamələrin qəbuluna nail olmaqdadır.

267
Mövzu:
Almaniyanın qondarma "erməni soyqırımını" tanıması (10)
Türkiyənin Xarici İşlər naziri Mövlud Çavuşoğlu, arxiv şəkli

Çavuşoğlu Rusiyaya gedəcək

5
"Biz turizm nazirimizlə Rusiyaya gedəcəyik. Ancaq koronavirus göstəriciləri aşağı olan halda. İndi mənası yoxdxur. Biz inandırıcı görükməyəcəyik".

BAKI, 20 aprel - Sputnik. Türkiyə Xarici işlər naziri Mövlud Çavuşoğlu bildirib ki, ölkəsində koronavirusla bağlı vəziyyət normallaşan kimi uçuşların bərpasının müzakirəsi üçün Rusiyaya gedəcək.

Sputnik Azərbaycan-ın məlumatına görə, Türkiyədə ötən cümə günü pandemiya başlayandan bəri sutka ərzində ən yüksək yoluxma (63082), bu həftənin çərşənbə axşamı isə sutka ərzində ən çox ölüm (346) faktı qeydə alınmışdı. Türkiyədə ağır pandemiya şəraitinə görə Rusiya bu ölkə ilə aprelin 15-dən iyunun 1-dək aviaəlaqəni dayandırıb.

"Türkiyədə koronavirusa yoluxma hallarının artması səbəbindən Rusiya uçuşları məhdudlaşdırdı. İki ölkənin prezidentləri bunu müzakirə etdilər və belə bir qərar alındı, burada siyasət yoxdur. Ancaq biz əlavə məhdudiyyətlər tətbiq etdik. Əgər onları pozsaq, nəticə əldə edə bilmərik, o zaman bizim turizm risk altına düşər", - Çavuşoğlu Habertürk kanalının efirində deyib.

Onun sözlərinə görə, tezliklə Rusiyadan olan nümayəndələr turizm sahəsində təhlükəsizliyi qiymətləndimək üçün Türkiyəyə gələcəklər. 

"Sonra isə biz turizm nazirimizlə Rusiyaya gedəcəyik. Ancaq koronavirus göstəriciləri aşağı olan halda. İndi mənası yoxdxur. Biz inandırıcı görükməyəcəyik. Ramazan ayı ərzində bu göstəriciləri azaltmalıyıq", - Çavuşoğlu əlavə edib.

5
Teqlər:
səfər, Rusiya, Türkiyə, Mövlüd Çavuşoğlu
Yanğın şlanqı, arxiv şəkli

Bakının mərkəzində çaxnaşma: dördmərtəbəli binada yanğın oldu

7
(Yenilənib 00:19 21.04.2021)
Nazirliyin Dövlət Yanğından Mühafizə Xidmətinin yanğından mühafizə bölmələri yanğının baş verdiyi ünvana cəlb olunublar.

BAKI, 21 aprel - Sputnik. Bakının mərkəzində yanğın olub.

Sputnik Azərbaycan bildirir ki, Fövqəladə Hallar Nazirliyinin (FHN) "112" qaynar telefon xəttinə Bakı şəhəri, Nəsimi rayonu, 28 May küçəsi 4 ünvanında yerləşən dördmərtəbəli binada yanğın olması barədə məlumat daxil olub.

Nazirliyin Dövlət Yanğından Mühafizə Xidmətinin yanğından mühafizə bölmələri yanğının baş verdiyi ünvana cəlb olunublar. Yanğın söndürülüb.

 

7
Teqlər:
yanğın, Bakı