Rəcəb Tayyib Ərdoğan

Ərdoğanın bəyanatı Avropada hay-küy qopardı

4948
(Yenilənib 11:22 25.05.2016)
Mətbuat Türkiyə Prezidentinin "Danışıqlarda nəticə alınmazsa, parlamentimizdən miqrasiya sazişinin tətbiqi ilə bağlı qərar çıxmaz" açıqlamasını Avropaya təhdid kimi qiymətləndirib

BAKI, 25 may — Sputnik. Türkiyə prezidenti Rəcəb tayyib Ərdoğanın, Avropa İttifaqı ilə aparılan viza danışıqları ilə bağlı verdiyi açıqlama Avropada böyük əks-səda doğurub. "Avropa İttifaqı üzrə nazirlərimiz görüşəcəklər. Bu danışıqlarda nəticə alındı, alındı. Alınmadığı təqdirdə qüsura baxmasınlar. Türkiyə Respublikasının parlamentindən miqrasiya sazişinin tətbiqi ilə bağlı qərar, qanun çıxmaz", —deyə Ərdoğan bildirib.

Türkiyə və Avropa İttifaqının bayraqları. Arxiv şəkli
© AP Photo / Murad Sezer

Almaniya mətbuatı Türkiyə Prezidentinin Dünya Humanitar Zirvəsinin bağlanışında vizaların qaldırılması ilə bağlı dediyi sözləri təhdid olaraq qiymətləndirib. "Spiegel" online qəzeti yazıb ki, Türkiyə Prezidenti Avropa Birliyinin (AB) vizaların ləğvi ilə bağlı addım atmayacağı təqdirdə, miqrasiya sazişini qüvvəyə mindirmək istəmir.

"Rəcəb Tayyib Ərdoğan, viza danışıqlarında irəliləyiş olmazsa, Türkiyə parlamentinin miqrasiya sazişini təsdiqləməyəcəyini ifadə edib", — deyə qəzet yazır.

"Zeit" qəzeti isə yazıb ki, Ərdoğanın bir daha AB-yə təzyiq etdiyini yazıb: "Ərdoğan zirvənin bağlanışında AB üzvlərinə xəbərdarlıq etdi: əgər AB viza ilə bağlı addım atmazsa, AB-Türkiyə razılaşması qüvvəyə minməyəcək".

İsveçrənin "Blick" qəzeti də, prezident Ərdoğanın Dünya Humanitar Zirvəsinin bağlanışındakı çıxışını Avropaya təhdid olaraq qiymətləndirib. "Blick"in yorumuna görə, Avropa Birliyi ilə Türkiyə arasındakı anlaşılmazlıq artmaqdadır: "Ərdoğan, viza ilə bağlı addım atılmazsa, sazişdən imtina ilə təhdid edir".

Qəzet, bu arada Türkiyədən Yunanıstana gedən qaçqınlara mane olunduğunu da diqqətə çatdırıb.

4948
Teqlər:
"Blick", "Zeit", "Spiegel", Almaniya mətbuatı, viza danışıqları, Avropa İttifaqı, Rəcəb Tayyib Ərdoğan, Türkiyə prezidenti
Əlaqədar
Ərdoğan hədəfinə yaxınlaşır: sultanlıq, yoxsa siyasi sabitlik?
Merkel: "Ərdoğana açıq şəkildə dedim ki..."
Obama Ərdoğana söz verdi
Putin Ərdoğan haqqında: "Yardım əli uzatmağa hazırıq"
Obama ilə Ərdoğan Ağ Evdə görüşdülər
"Obama-Ərdoğan görüşündə Yaxın Şərqin gələcək konturları müəyyənləşəcək"
Dieqo Armando Maradona

Maradonanın həkimi ittihamlara cavab verdi

15
(Yenilənib 23:55 29.11.2020)
Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər

BAKI, 29 noyabr - Sputnik. Argentina millisinin sabiq oyunçusu Dieqo Armando Maradonanın həkimi Leopold Luke futbolçunun ölümü barədə ittihamlara reaksiya verib.

Sputnik Azərbaycan xarici mətbuata istinadən bildirir ki, həkim baş verənlərdə heç kimi, o cümlədən də özünü günahkar bilmir. O həmçinin istintaqla əməkdaşlıq etməyə hazır olduğunu da deyib. Luke vurğulayıb ki, Maradonanın evindəki tibbi heyət futbolçunun alkoqol asılılığından müalicəsi ilə məşğul idi və ürəktutmasının qarşısını ala bilmədi.

Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər.

​Maradona noyabrın 25-də 60 yaşında dünyasını dəyişib. Ölümə səbəb üərk çatışmazlığı səbəbindən ağciyərdə kəskin şişkinlik yaranması olub.

Dieqo Maradona "Barselona", "Napoli", "Nyuells Old Boyz"  klublarında oynayıb. Argentina millisi ilə 1986-cı ildə dünya çempionu olub. Futbol tarixində ən parlaq oyunçulardan hesab olunur.

15
Teqlər:
axtarış, ittiham, həkim, ölüm, Dieqo Armando Maradona
Микрофон

Uşaq "Avroviziya"sının qalibi bəlli oldu - VİDEO

16
(Yenilənib 23:14 29.11.2020)
Müsabiqənin finalında 12 ölkənin: Almaniya, Belarus, Gürcüstan, Qazaxıstan, İspaniya, Malta, Niderland, Polşa, Rusiya, Serbiya, Ukraynanın və Fransanın təmsilçiləri iştirak ediblər

BAKI, 29 noyabr - Sputnik. Fransanı təmsil edən Valentina Trünel J'imagine mahnısı ilə beynəlxalq "Uşaq Avroviziyası-2020" müsabiqəsinin qalibi olub.

Sputnik Azərbaycan bildirir ki, müsabiqənin finalı Polşada telekörpü formatında keçirilib. Valentina peşəkar münsiflər heyəti və tamaşaçıların səsi ilə 200 xal toplayıb.

İkinci yerə Qazaxıstan təmsilçisi Karakat Başanova, üçüncü yerə isə İspaniyadan Solea layiq görülüblər.

Rusiya təmsilçisi Sofya Feskova 88 xalla 10-cu yeri tutub. Müsabiqənin finalında 12 ölkənin: Almaniya, Belarus, Gürcüstan, Qazaxıstan, İspaniya, Malta, Niderland, Polşa, Rusiya, Serbiya, Ukraynanın və Fransanın təmsilçiləri iştirak ediblər.

İştirakçıların nəticələri peşəkar münsiflər heyəti və tamaşaçıların müsabiqənin saytındakı səsverməsi ilə təyin olunub. Böyüklərin "Avroviziya"sından fərqli olaraq, burada tamaşaçılar öz ölkələrinə səs verə bilirdilər. Ancaq bu zaman tamaşaçılar minimum üç bəyəndikləri iştirakçıya səs verməli idilər.

16
Teqlər:
Fransa, final, müsabiqə, Polşa, Uşaq Avroviziyası, uşaqlar