İŞİD-terror

İŞİD-ə qoşulan azərbaycanlıların siyahısı ABŞ-ın əlindədir

730
ABŞ-ın təhlükəsizlik orqanlarına İŞİD terror qruplaşmasına 70 millətin nümayəndəsinin qoşulduğu barədə məlumat daxil olub.

BAKI, 20 aprel-Sputnik. ABŞ-ın təhlükəsizlik orqanlarına İŞİD terror qruplaşmasına 70 millətin nümayəndəsinin qoşulduğu barədə məlumat daxil olub. 

İŞİD-dən qaçan bir nəfər NBC teleşirkətinə yaraqlılarla bağlı 11000 fərdi faylları təqdim edib.

Sputnik-in məlumatına görə, Amerikanın NBC Televiziyasına sızdırılan bu məlumat West Point Terrorizmlə Mübarizə Mərkəzi tərəfindən araşdırılıb. Bunlardan aidiyyatı olmayanlar ayrıldıqdan sonra ortaya 4600-ə qədər adamı əhatə edən bir siyahə çıxıb.

West Point-in hazırladığı sənədə görə, muzdluların yaş həddi 12-dən 70-ə, orta yaş həddi isə 26-27-dir.

İŞİD-ə ən çox Səudiyyə Ərəbistanından (579 nəfər), Rusiyadan (141 nəfər) muzdlu qoşulub. Həmin sənədə görə, Azərbaycandan İŞİD-ə qoşulan muzdluların sayı 122, Türkiyədən qoşulanların sayı isə 243 nəfərdir.

Siyahıda 7 Avropa ölkəsi də var: Fransa (49), Almaniya (38), İngiltərə (26), Avstraliya (11), Kanada (7).
Siyahıda ABŞ-ın adı çəkilmir.

Sənəddəki digər məlumata görə, muzdluların 61 faizi subaydır, 39 faizi isə evli. Evli olan İŞİD-çilərin çoxunun təhsili var. 1371 nəfər muzdlu deyib ki, məktəbi bitirib, 1028 nəfər universitetdə oxuduğunu bildirib.

730
Teqlər:
NBC, terror, West Point, Avropa, Kanada, Fransa, ABŞ, Almaniya, İŞİD
Əlaqədar
İŞİD Türkiyəni raket atəşinə tutdu
İraq ordusu bu şəhəri İŞİD silahlılarından azad edib
İŞİD-i cəlbedici edən nədir?
İstanbulda terror aktı törədən terrorçu İŞİD-lə bağlıdır
İŞİD-in gəlirləri 40% azalıb
Müharibə iştirakçılarının reabilitasiyası

Şəhid müharibə iştirakçılarının ailələrinə dəstək davam edir

3
(Yenilənib 15:07 20.01.2021)
3200-dən çox şəxsə Əmək və Əhalinin Sosial Müdafiəsi Nazirliyi tərəfindən sosial-psixoloji dəstək və reabilitasiya xidməti göstərilib.

BAKI, 20 yanvar — Sputnik. Vətən müharibəsində şəhid olmuş qəhrəmanlarımızın ailə üzvləri, müharibə iştirakçıları, müharibədən zərər çəkənlər, erməni terroruna məruz qalanlardan ibarət olmaqla artıq 3200-dən çox şəxs Əmək və Əhalinin Sosial Müdafiəsi Nazirliyi tərəfindən sosial-psixoloji dəstək və reabilitasiya xidməti ilə əhatə olunub.

Nazirlikdən Sputnik Azərbaycan-a verilən məlumata görə, qeyd olunan kateqoriyalara aid 2500 ailə ilə görüşülüb, psixoloqlardan ibarət qruplar tərəfindən onlardan ehtiyacı olan 1840 ailə ilə fərdi və ailə terapiyası, psixokorreksiya işləri aparılıb. Həmçinin "Onlayn psixoloji dəstək xidməti"nə daxil olmuş 610 zəng üzrə evlərinə gedilməklə psixoloji dəstək tədbirləri görülüb. Eyni zamanda, Nazirliyin reabilitasiya müəssisələrində 20-si şəhidlərin və yaralı hərbçilərin uşaqları, qalanları hərbi qulluqçular olmaqla 300-dən çox şəxsə, Bakı Sağlamlıq Mərkəzində və Sərhəd Qoşunları Hospitalında müalicə olunanlardan 28 hərbi qulluqçuya sosial-psixoloji reabilitasiya xidmətləri göstərilib.

125 hərbi qulluqçu 530-dan çox reabilitasiya vasitəsi, 7 nəfər yaralanmış qazi əlil arabası, 6 hərbçi yüksək texnologiyalı 8 müasir protezlə təmin edilib.

3
Şuşa, arxiv şəkli

Şuşanın göz yaşları: 28 il sonra şəhidləri yad edir

3
(Yenilənib 15:07 20.01.2021)
Tədbirdə şəhidlərin xatirəsi bir dəqiqəlik sükutla yad edildikdən sonra Azərbaycan Respublikasının Dövlət Himni ifa olunub.

BAKI, 20 yanvar — Sputnik. Şuşa şəhərində Azərbaycan Ordusunun hərbi qulluqçuları ilə 20 Yanvar faciəsinin 31-ci ildönümünə həsr olunmuş anım mərasimi keçirilib.

Müdafiə Nazirliyindən Sputnik Azərbaycan-a verilən məlumata görə, tədbirdə şəhidlərin xatirəsi bir dəqiqəlik sükutla yad edildikdən sonra Azərbaycan Respublikasının Dövlət Himni ifa olunub.

Tədbirdə 20 Yanvar faciəsinin tarixi əhəmiyyətindən danışılıb, ümummilli lider Heydər Əliyev və Azərbaycan Respublikası Prezidenti, Silahlı Qüvvələrin Ali Baş Komandanı İlham Əliyevin baş vermiş hadisələr barədə həqiqətlərin dünya ictimaiyyətinə çatdırılması istiqamətində həyata keçirdiyi siyasətin uğurları barədə ətraflı məlumat verilib.

3
Teqlər:
20 Yanvar qətliamı, 20 Yanvar faciəsi, "20 yanvar", Şuşa