Здание МИД Азербайджанской Республики

XİN: Ölən yaralananlar, şəxsi mülkiyyətə ciddi zərər dəyməsi haqqında məlumatlar var

164
(Yenilənib 21:35 02.04.2016)
Azərbaycanın Xarici İşlər Nazirliyi Qarabağ cəbhəsində baş verənlərə münasibət bildirib.

BAKI, 2 aprel-Sputnik. Azərbaycanın Xarici İşlər Nazirliyi Qarabağ cəbhəsində baş verənlərə münasibət bildirib.

"Azərbaycan Müdafiə Nazirliyinin məlumat verdiyi kimi, aprelin 2-nə gecə Ermənistan ağır silahlardan istifadə etməklə qoşunların təmas xətti boyunca Azərbaycan Silahlı Qüvvələrinin mövqelərini intensiv atəşə tutub, təxribat və həmlələr həyata keçirib. Cəbhə xəttinə yaxın ərazilərdə mülki əhalinin sıx yaşadığı məntəqələr Ermənistan Silahlı Qüvvələri tərəfindən artilleriya atəşinə məruz qalıb. Ermənistan tərəfinin qəsdən törətdiyi məsuliyyətsiz əməllərin nəticəsində mülki şəxslər arasında ölən və yaralananlar və şəxsi mülkiyyətə ciddi zərər dəyməsi haqqında məlumatlar var." — deyə Azərbaycan Xarici İşlər Nazirliyinin mətbuat xidmətinin rəhbəri Hikmət Hacıyev təmas xəttində yaranmış gərginliyə münasibət bildirərkən Report-a deyib.

O qeyd edib ki, beynəlxalq humanitar hüquqa uyğun olaraq, üzərinə götürdüyü öhdəliklərini kobud şəkildə pozaraq, Ermənistan tərəfindən mülki obyektlərin artilleriya atəşinə tutulması beynəlxalq ictimaiyyət tərəfindən kəskin şəkildə qınanılmalıdır. H.Hacıyev həmçinin deyib: "Təcavüzkar və işğalçı dövlət kimi, yaranmış vəziyyətə görə bütün məsuliyyət Ermənistanın üzərinə düşür.

Ermənistan Silahlı Qüvvələrinin vəziyyətin gərginləşdirilməsinə yönəlmiş əməlləri Azərbaycan Respublikasının Kəlbəcər rayonunun 2 aprel 1993-cu il tarixində işğalı tarixi ilə üst-üstə düşür. Kəlbəcərin işğalı ilə əlaqədar BMT Təhlükəsizlik Şurası tərəfindən məxsusi olaraq 822(1993) saylı qətnamə qəbul edilmişdi.

BMT Təhlükəsizlik Şurasının 822 (1993), 853 (1993), 874(1993) və 884(1993) saylı qətnamələrində Ermənistan qoşunlarının tam və qeyd-şərtsiz bütün işğal olunmuş Azərbaycan ərazilərindən çıxarılması tələb olunsa da, Ermənistan tərəfindən Azərbaycan ərazilərinin işğalı, vəziyyətin qəsdən gərginləşdirilməsi və mülki insanların hədəfə alınmasına yönələn təxribatçı əməllər davam etdirilir."

XİN sözçüsünün sözlərinə görə, Azərbaycan tərəfi dəfələrlə bəyan edib ki, Ermənistan silahlı qüvvələrinin işğal edilmiş Azərbaycan ərazilərində mövcudluğu münaqişənin həllinə başlıca maneə olaraq, vəziyyətin gərginləşməsi və insidentlərin baş verməsinin əsas səbəbidir.

"Münaqişənin həllinə nail olmaq və regionda davamlı sülhü bərqərar etmək üçün beynəlxalq ictimaiyyət qəti şəkildə BMT Təhlükəsizlik Şurasının müvafiq dörd qətnaməsinin tələblərinə uyğun olaraq, ilk növbədə Ermənistan silahlı qüvvələrinin işğal olunmuş bütün Azərbaycan ərazilərindən çıxarılmasını rəsmi İrəvandan tələb etməlidir." — H.Hacıyev əlavə edib.

164
Teqlər:
İrəvan, Xarici İşlər Nazirliyi, Azərbaycan Xarici İşlər Nazirliyi, Xarici İşlər Nazirliyinin (XİN) Mətbuat xidmətinin rəhbəri Hikmət Hacıyev, Xarici İşlər Nazirliyinin mətbuat katibi, Ermənistan, BMT, silahlı qüvvələr
Mövzu:
Cəbhə xəttində gərginliyin artması (49)
Əlaqədar
Rusiya Qarabağ cəbhəsində baş verənlərə münasibət bildirib
Cəbhə bölgəsində vəziyyət gərgindir
Cəbhədə növbəti atışma baş verib
Cəbhənin müxtəlif istiqamətlərində yenidən atəşkəs pozulub
Cəbhədə atəşkəs yenə pozulub