Rıza Sarraf

Rza Zərrabın istintaqını Wall Street-i oyundankənar vəziyyətə salan prokuror aparır

57
(Yenilənib 15:38 22.03.2016)
Preet Bharara Wall Street, Bank of America,Hedge fon cinayətlərini çözmüş prokurordur.

BAKI, 22 mart-Sputnik. Martın 19-da ABŞ-ın Mayami ştatında Federal Təhqiqat Bürosu tərəfindən dələduzluq, bank saxtakarlığı və çirkli pulların yuyulmasında təqsirləndirilərək həbs olunmuş iranlı iş adamı Rza Zərrabın istintaqını Preet Bharara aparır.

Preet Bharara
© AP Photo / Kathy Willens
Preet Bharara
Sputnik-in məlumatına görə, ABŞ-lı prokuror Preet Bharara, sadəcə iş adamları deyil, diplomat, siyasətçi və bankirlərlə bağlı korrupsiya cinayətlərinin istintaqını aparması ilə məşhur olan bir hüquqşünasdır.

Adı 17-25 dekabrda korrupsiya ittihamında hallanan Rza Zərrab Nyu Yorkun (New York) cənub dairəsinin prokuroru Bhararanın ittihamnaməsi əsasında saxlanılıb.
Zərrabın adının yer aldığı 21 səhifəlik ittihamnaməni hazırlayan Bharara, öz hüquq təhsilini Harvard və Kolumbiya Universitetlərinin Hüquq fakültələrində alıb.

Bharara, 2009-cu ildə Nyu York prokuroru olandan sonra silah və narkotik ticarəti ilə bağlı ittiham olunanlara qarşı mübarizəsi ilə məşhurlaşıb. Bu prokurorun ictimaiyyət arasında məşhurlaşması isə daha çox Amerika Bankını (Bank of America) ipoteka ilə bağlı hökuməti aldatmaqda günahlandırması ilə bağlıdır.

BBC Türkcə-nin verdiyi məlumata görə, daxildən ötürülən məlumatlar əsasında formalaşdırılmış qanunsuz maliyyə bazarı ilə bağlı məsələləri araşdıran Bharara və onun komandası Maliyyə şirkəti Galleon Group-un idarə heyətinin üzvləri Raj Rajaratnam, Rajat Gupta və Anil Kumar da daxil olmaqla 60 nəfər haqqında iddia qaldırıb. O iddialara əsasən Raj Rajaratnam 14 il həbs cəzası alıb.

Bharara o haqda demişdi: "Dairə prokurorluğumuz şirkət cinayətlərinin üstünə getməkdə lider rol oynamağa davam edib. Bu prosesdə aqressiv istintaq metodları və daha əvvəl heç görülməmiş taktikalar tətbiq edilib."

Bhararanın korrupsiyaya qarşı mübarizəsi haqqında Taym (Time) jurnalı yazmışdı ki, "Prokuror Preet Bharara indidən Wall Street-in məşhur adlarını oyundankənar vəziyyətə saldı. O, hələ yeni başlayır."

TIME: Wall Street'i suç üstü yakalayan adam
© Photo : TIME
TIME: Wall Street'i suç üstü yakalayan adam

Digər tərəfdən Bhararanın böyük uğur kimi qiymətləndirdiyi o çəkişmələrdə qanuni sərhədləri aşdığı iddia edilirdi. Mart ayının əvvəlində isə Bharara tərəfindən dindirilən Hedge fon-un rəhbəri David Ganek-in şikayəti məhkəmə tərəfindən qəbul edilib. Prokuror Bhararanın vəzifəsindən sui-istifadə etmək və konstitusion haqları pozmaq ittihamları ilə mühakimə olunmasının önü açılıb.

Qeyd edək ki, ABŞ Federal Təhqiqat Bürosu R.Zərrabla yanaşı, İran vətəndaşları Kamelia Cəmşidi və Hüseyn Nəcəfzadə də saxlayıb. Onlar İran hökumətinin xeyrinə ABŞ-a qarşı dələduzluq edərək 100 milyonlar dollarlıq bank əməliyyatları aparmaqda ittiham edilirlər. Prokurorluq onların hər birinə ABŞ-a qarşı dələduzluq ittihamı ilə 5, İrana qarşı sanksiyaları pozduqları üçün 20, bank saxtakarlığı üçün 30 və çirkli pullarının yuyulması səbəbi ilə 20 il olmaqla ümumilikdə 75 il azadlıqdan məhrum etmə cəzası təyin olunmasını istəyib.

Rza Zərrab Türkiyədə 17 dekabr 2014-cü il tarixində aparılan rüşvət əməliyyatlarında saxlanılaraq 70 gün həbsdə yatıb. Sonra azadlığa buraxılıb. Onun İrandakı iş ortağı Babək Zəncani bir müddət əvvəl həbs olunaraq ölüm cəzasına məhkum edilib. B. Zəncani İran dövlətinə 2,8 milyard dollar ziyan vurmaqda təqsirləndirilir.

57
Teqlər:
Kolumbiya, Harvard, New York, Mayami, ABŞ, Anil Kumar, Rajat Gupta, Raj Rajaratnam, Galleon Group, Wall Street, Preet Bharara, Time, Bank of America, Rza Zərrab
Aleksandr Myasnikov, arxiv şəkli

Məşhur həkim yenə qorxudur: "Flakətin bir addımlığındayıq"

3
(Yenilənib 14:36 29.11.2020)
"Virusoloqların sözləriylə desək, ciddi epidemiya bizdən bir-iki mutasiya aralıdır. Elə Çinin özündə müntəzəm olaraq quş və donuz qruplərinin mutasiyasını qeydə alırlar"

BAKI, 29 noyabr - Sputnik. Həkim və teleaparıcı Aleksandr Myasnikov dünyada yeni, ölüm göstəricisi yüksək olan pandemiyanın olacağı barədə xəbərdarlıq edib.

Sputnik Azərbaycan bildirir ki, bu barədə Myasnikov özünün Telegram kanalında yazıb.

 

Həkim qeyd edib ki, insanlar COVID-19 kimi epidemiyalara hazır deyillər. Üstəlik, onlara qarşı universal vaksin yoxdur.

"Əgər 35-40 faiz ölüm göstəricisi olan virus yayılsa, o cür vaksinin peyda olmasınadək on milyonlarla insan həlak olacaq. Dediyim odur ki, indi bütün alimlərin gücünü məhz bu cür vaksinin hazırlanmasına yönəltmək lazımdır! İstədikləri qədər pul və vəsaitlə təmin etmək lazımdır. Yoxsa sonra dəfələrlə baha başa gələcək", - o qeyd edib.

Myasnikov deyir ki, bəşəriyyət məhz qrip təhlükəsi altındadır - ya quş, ya da donuz.

"Virusoloqların sözləriylə desək, ciddi epidemiya bizdən bir-iki mutasiya aralıdır. Elə Çinin özündə müntəzəm olaraq quş və donuz qruplərinin mutasiyasını qeydə alırlar, fəlakətin bir addımlığındayıq!" - mütəxəssis yazıb.

3
Teqlər:
pandemiya, mutasiya, Çin, dünya, donuz qripi, Quş qripi, qrip, epidemiya

Dağıdılsa da doğmadır, qəbulumuzdur: azad olunmuş Füzulidən yeni kadrlar - FOTO

9
(Yenilənib 14:36 29.11.2020)
Müzəffər Azərbaycan Ordusu Füzulini çoxillik erməni işğalından azad edib. Şəhərdə, demək olar ki, salamat bina qalmayıb

Füzuli Azərbaycan Ordusunun uğurlu əks-hücumu nəticəsində 2020-ci il oktyabrın 17-də Ermənistan hərbi qüvvələrindən təmizlənib. 27 il ərzində ermənilərin Füzulini nə hala saldığıını Sputnik Azərbaycan-ın fotolentində izləyə bilərsiniz.

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.

Bəyanata görə, Ağdam rayonu 2020-ci il noyabrın 20-də, noyabrın 25-də (ilkin olaraq noyabrın 15-i nəzərdə tutulurdu) Kəlbəcər rayonu Azərbaycana qaytarılıb. Dekabrın 1-də Laçın rayonunun Azərbaycana qaytarılması nəzərdə tutulur. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

9
  • © Sputnik / Aleksey Kudenko

    Füzulidə "Araz" qəzetinin redaksiyasının dağıdılmış binası üstündə Azərbaycan bayrağı.

  • © Sputnik / Aleksey Kudenko

    Füzulidə dağıdılmış binalar.

  • © Sputnik / Aleksey Kudenko

    Füzulidə dağıdılmış binalar. Mərkəzdə - Hərbi Xidmətə Çağırış üzrə Dövlət Xidmətinin binası.

  • © Sputnik / Aleksey Kudenko

    Füzulidə qəbiristanlıqda muğam ifaçısı Ağabala Abdullayevin sınıdırılmış büstü.

  • © Sputnik / Aleksey Kudenko

    Füzulidə azərbaycanlıların qəbiristanlığı.

  • © Sputnik / Aleksey Kudenko

    Füzulidə dağıdılmış binalar.

  • © Sputnik / Aleksey Kudenko

    Füzulidə ağacda çəkmələr.

  • © Sputnik / Aleksey Kudenko

    Füzuli bulağı.

  • © Sputnik / Aleksey Kudenko

    Füzulidə dağılmış binanın qarşısında yanmış avtomobil.

  • © Sputnik / Алексей Куденко

    Azərbaycan polisi "Araz" qəzetinin redaksiyası olan dağılmış binanın yanında.

  • © Sputnik / Aleksey Kudenko

    Füzulidə dağıdılmış binalar.

  • © Sputnik / Aleksey Kudenko

    Füzulidə dağıdılmış binalar.

  • © Sputnik / Aleksey Kudenko

    Füzulidə dağılmış bina.

  • © Sputnik / Aleksey Kudenko

    Füzulidə yolda Azərbaycan polisi.

  • © Sputnik / Aleksey Kudenko

    Füzulidə dağıdılmış yanğından mühafizə bölməsinin binası.