Lənkəran Dəmiryol Vağzalının qarşısında təşkil olunmuş kənd təsərrüfatı məhsullarının satış yarmarkası

Lənkəran camaatı bayram yarmarkasına axışıb

48
(Yenilənib 21:42 17.03.2016)
Novruz Bayramı ilə əlaqədar Lənkəran Dəmiryol Vağzalının qarşısında 09:00-dan başlayaraq ərzaq məhsullarının satış yarmarkası keçirilib.

Rahim Zakiroğlu-Sputnik Azərbaycan

BAKI, 17 mart-Sputnik. Hər il olduğu kimi bu il də Novruz Bayramı ilə əlaqədar Lənkəran Dəmiryol Vağzalının qarşısında 09:00-dan başlayaraq ərzaq məhsullarının satış yarmarkası keçirilib.Yarmarkanın təşkilatçısı Lənkəran Şəhər İcra Hakimiyyəti başçısının Sosial-İqtisadi məsələlər üzrə müavini İlkin Rəhimov Sputnik-ə bildirib ki, yarmarkada 38-ə yaxın rayonda, o cümlədən, ətraf rayonlarda və paytaxt Bakı şəhərində fəaliyyət göstərən firmaların ərzaq məhsulları satışa çıxarılıb. Ümumilikdə yarmarkaya 485 ton ərzaq məhsulunun çıxarılması nəzərdə tutulub. Qiymətlər isə hazırkı bazar qiymətləri ilə müqayisədə 20-25 faiz ucuzdur. 

İlkin Rəhimov, Lənkəran Şəhər İcra Hakimiyyəti başçısının müavini
© Sputnik / Rahim Zakiroglu
İlkin Rəhimov, Lənkəran Şəhər İcra Hakimiyyəti başçısının müavini

Yarmakada böyük canlanma olub. Lənkəran Şəhər İcra Hakimiyyətinin başçısı Taleh Qaraşov da yarmarkaya baş çəkərək təşkilatçılığın vəziyyəti və satışa çıxarılan məhsulların qiymətləri ilə maraqlanıb.

Sakinlərin bir hissəsi yarmarkada qiymətlərin bazarda olan qiymətlərdən elə də çox fərqlənmədiyini, digər hissəsi isə qiymətlərdən razı olduğunu, bazar qiymətləri ilə yarmarka qiymətləri arasında böyük fərq hiss edildiyini deyiblər.

Arzuman Zəkiyev adlı rayon sakini Sputnik-in əməkdaşına deyib: "Qiymətlərdə elə də fərq yoxdur. Yumurta bazara baxanda cəmi 1 qəpik ucuzdur, başqa məhsullarda da 2-3 qəpik fərq var. Yağ burada başqa yerlərə nisbətən 30-50 qəpik ucuzdur, çayın qiymətində isə fərq yoxdur."

Lənkəran rayonu, Aşağı Nüvədi qəsəbəsinin sakini Hüseynova Bənövşə ucuzluqdan razı qaldığını deyib: "Qoz ləpəsi, şirniyyat, toyuq, fındıq almışam. Bura bazardan çox ucuzdur. Fındıq bazarda 9 manatadır, burda isə 5 manata, toyuq hər yerdə 3 manatdır, burada 2 manat 60 qəpik, qoz ləpəsi bazarda 12 manata satılır burdan isə 7 manata aldım. Qiymətlər sərfəlidir deyə, fikrim var ki, bayram bazarlığını buradan edim."

Rayon sakini Ədalət Xalıqov isə yarmarkanın təşkilindən razı qaldığını deyib. "Alma, fındıq və ədədlə satılan şirniyyatlar almışam. Alma bazarda 2 manatdır, buradan 1 manat 50 qəpiyə aldım. Aldığım bu şirniyyatın bir ədədi bazarda 45 qəpiyədir, buradan 30 qəpiyə almışam. Fındıq da 5 manatadır" — deyə Xalıqov bildirib.

Qeyd edək ki, yarmarka axşam saatlarına qədər davam edəcək.

48
Teqlər:
Lənkəran Şəhər İcra Hakimiyyəti, Lənkəran, yarmarka, bazar
Əlaqədar
Alıcısız və laboratoriyasız bayram yarmarkaları
Bakıda, Sumqayıtda və Abşeron rayonunda Novruz yarmarkaları keçiriləcək
Bayramla bağlı yarmarkalara nəzarət gücləndirilib
Yarmarkaların bərpası üçün BŞİH-lə danışıqlar aparılır

Azərbaycanda hansı yol hərəkəti qaydaları daha çox pozulur

2
(Yenilənib 19:23 01.12.2020)
Ölkə üzrə ən çox hansı yol hərəkəti qaydalarının daha çox pozulması ilə bağlı statistika açıqlanıb. Siyahıda birinci yeri icazə verilən sürət həddinin aşılması ilə əlaqədar qayda pozuntuları tutur.
İnfoqrafika: Azərbaycanda yol hərəkəti qaydalarının pozulması ilə bağlı statistika
© Sputnik / Elnur Salayev

Azərbaycanın yol polisi əməkdaşları bu ilin yanvar-sentyabr ayları ərzində ölkə yollarında sürücülərin yol hərəkəti qaydalarını pozması ilə bağlı təxminən üç milyon fakt qeydə alıblar. Dövlət Statistika Komitəsinin verdiyi məlumata görə, qayda pozuntularının üçdə biri icazə verilən sürət həddinin aşılması ilə əlaqədardır.

İkinci yeri nəqliyyat vasitəsini düzgün saxlamamaq və ya səhv yerə park etməklə bağlı cərimələr tutur - 20,7%. Üçüncü yerdə isə yol işarələri və ya nişanlarının tələblərinə əməl etməməklə bağlı qayda pozuntuları durur.

Qeyd etmək lazımdır ki, koronavirus pandemiyası 2020-ci il üzrə yol hərəkəti qayadalarının pozulması statistikasına da öz təsirini göstərib. Tutulan protokolların 4.1%-i nəqliyyatda sanitar-gigiyena və karantin rejimini pozanların payına düşür.

Ümumilikdə sürücülər qayda pozuntuları ilə bağlı dövlət xəzinəsini 93,2 milyon manat həcmində cərimə ödəməli olublar.

Yol hərəkəti qaydalarının pozulması halları ilə bağlı statistika Sputnik Azərbaycan-ın İnfoqrafikasında daha geniş şəkildə öz əksini tapıb.

2
Maliyyə hesabatı, arxiv şəkli

Şəhid ailələri qazilərə ödəniləcək müavinətlərlə bağlı açıqlama verildi

16
(Yenilənib 19:52 01.12.2020)
Talıbov deyib ki, bəzi sosial şəbəkə istifadəçilərinin şəhid ailələri və müharibə əlillərinin yalnız təqaüdlə təmin edildiyi barədə fikirləri məlumatsızlıqdan irəli gəlir.

BAKI, 1 dekabr - Sputnik. Azərbaycanın ərazi bütövlüyü uğrunda döyüşlərdə şəhid olmuş qəhrəmanlarımızın ailələri və bu döyüşlərdə sağlamlığını itirmiş insanlarımız cənab Prezidentin tapşırığına uyğun olaraq hərtərəfli sosial təminat sistemi ilə əhatə olunublar.

Sputnik Azərbaycan xəbər verir ki, bu barədə Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsinin müdiri Fazil Talıbov məlumat verib.

Onun sözlərinə görə, bəzi sosial şəbəkə istifadəçilərinin şəhid ailələri və müharibə əlillərinin yalnız təqaüdlə təmin edildiyi barədə fikirləri isə məlumatsızlıqdan irəli gəlir. Onlar digər sosial ödənişlərlə (pensiya, müavinət) və sosial proqramlarla da əhatə olunurlar:

- Şəhidin vərəsələrinə sığorta ödənişi (11 min manat) verilir.
- Müharibə əlillərinə sığorta ödənişi (I dərəcə əlilliyi olan şəxslərə 8800 manat, II dərəcə əlilliyi olan şəxslərə 6600 manat, III dərəcə əlilliyi olan şəxslərə 4400 manat) ödənilir.

Əlavə olaraq, şəhid ailəsi üzvlərinə və müharibə əlillərinə:
- Əmək stajından asılı olaraq pensiya və ya müavinət ödənilir (orta məbləğ 400 manat);
- Onların əmək pensiyasının sığorta hissəsinə əlavə (55-110 manat) ödənilir;
- Prezidentin aylıq təqaüdü (210-300) ödənilir;
- Şəhid ailələrinin üzvlərinin və müharibə əlillərinin övladları və özləri təhsil haqqı ödəməkdən azad olunur;
- Protez və reabilitasiya vasitələri ilə pulsuz təmin olunurlar;
- Sanator-kurort müalicəsi üçün ildə 1 dəfə pulsuz göndərişlərlə təmin olunurlar;
- Aktiv məşğulluq proqramlarında (özünüməşğulluq, ödənişli ictimai işlər və s.) onlara üstünlük verilir;
- Onların məşğulluğunun təmin edilməsi üçün bütün işəgötürənlər üçün (dövlət və özəl) məcburi kvota müəyyən edilib;
- Şəhid ailəsi üzvləri və müharibə əlilləri üçün vergi, əmək qanunvericiliyində və s. üçün bir sıra güzəştlər də nəzərdə tutulub.

Ən önəmlisi isə mənzil şəraitinin yaxşılaşdırılmasına ehtiyacı olan şəhid ailələri və Qarabağ müharibəsi əlillərinə mənzillər və fərdi evlər, habelə müharibə əlillərinə avtomobillər dövlət tərəfindən təqdim edilir. İndiyədək bu kateqoriyadan olan şəxslərə 9000-ə yaxın mənzil və fərdi ev, habelə 7000-ədək avtomobil verilmişdir. Bu proqram hazırda uğurla davam etdirilir.

Beləliklə, şəhid ailələri və müharibə əlilləri mənzil və avtomobil təminatı, habelə birdəfəlik sığorta ödənişi ilə yanaşı, orta hesabla aylıq əsasda 700 manat sosial ödəniş alırlar. Bu ödənişlərin daha da təkmilləşdirilməsi, onların sosial müdafiəsinin daha da yaxşılaşdırılması istiqamətində mütəmadi iş aparılır.

16