Bildirçin yetişdirilməsi

Azərbaycanda tələbələrə bildirçin yetişdirmək sənəti necə öyrədilir

214
(Yenilənib 14:05 02.03.2016)
Azərbaycan Dövlət Aqrar Universitetində (ADAU) ölkəmizdə ilk dəfə olaraq elmi əsaslarla işlənib hazırlanmış Bildirçin Yetişdirilməsi üzrə Tədris Mərkəzi yaradılıb.

BAKI, 2 mart-Sputnik. Azərbaycan Dövlət Aqrar Universitetində (ADAU) ölkəmizdə ilk dəfə olaraq elmi əsaslarla işlənib hazırlanmış Bildirçin Yetişdirilməsi üzrə Tədris Mərkəzi yaradılıb.

Sputnik AZƏRTAC-a istinadla xəbər verir ki, son dövrlərdə qlobal miqyasda ekoloji tarazlığın pozulması ilə ətraf mühit xeyli dəyişikliyə məruz qalıb, insanlar arasında bir sıra xəstəliklərin sayı artıb. Aparılan müşahidələr və tədqiqatlar göstərir ki, şəkərli diabet, qan təzyiqi və allergik xəstəliklərin yaşında cavanlaşma qeydə alınır. Bu baxımdan bildirçin yumurtası radioaktiv şüalanmaya və allergik xəstəliklərə qarşı qiymətli vasitə hesab olunur.

Strateji sahələrdən hesab edilən kənd təsərrüfatının inkişafına nail olmaq, insanları ekoloji cəhətdən təmiz qida məhsulları ilə təmin etmək, eləcə də göstərilən problemlərin həllinə kömək məqsədilə 2015-ci ildə Azərbaycan Dövlət Aqrar Universitetində (ADAU) ölkəmizdə ilk dəfə olaraq elmi əsaslarla işlənib hazırlanmış Bildirçin Yetişdirilməsi üzrə Tədris Mərkəzi yaradılıb.

ADAU-nun dosenti, Bildirçin Yetişdirilməsi üzrə Tədris Mərkəzinin direktoru Mahir Hacıyev bildirib ki, bildirçin il ərzində 300-330 yumurta verir. 10-12 qramlıq bildirçin yumurtası radioaktiv şüalanmaya və allergik xəstəliklərə qarşı qiymətli vasitədir. Onun tərkibində çoxlu miqdarda vitaminlər, amin turşuları və mikroelementlər var, xolesterin isə ümumiyyətlə yoxdur. Odur ki, göstərilən keyfiyyətlərinə görə bildirçin yumurtası olduqca qiymətli və müalicəvi əhəmiyyətə malik qida maddəsidir. Yaşlı nəslin əksəriyyəti, uşaqların isə 80 faizə yaxını müxtəlif allergik xəstəliklərdən əziyyət çəkirlər. Bu quşların yumurtalarını uşaqların yemək rasionunda istifadə etdikdə onların orqanizmindəki radioaktiv maddələrin xaric olunmasına səbəb olur.

Mahir Hacıyev qeyd edib ki, bildirçinin yumurtası ilə bərabər, əti də sağlamlıq üçün qiymətlidir. Bildirçin əti pəhrizlik xüsusiyyətlərinə malik olduğu üçün alternativ qida kimi insanlar arasında ona tələbat ildən-ilə artır.

Hazırda ADAU-nun Tədris Mərkəzində 10 minə yaxın bildirçin bəslənilir. Mərkəz müvafiq ixtisaslarda təhsil alan tələbələrə tədris prosesinin nəzəri hissəsini mənimsətməklə yanaşı, onların laboratoriya və eksperimental təsərrüfatda praktiki biliklərini zənginləşdirməkdə də böyük rol oynayır. Bildirçin Yetişdirilməsi üzrə Tədris Mərkəzinin fəaliyyətinin əsas istiqaməti müasir və intensiv texnologiya əsasında döşəmə və qəfəs şəraitində bildirçinlərin yetişdirilməsi, bəslənməsi, quşlardan yumurta alınmasında müəyyən tədqiqatların aparılması, onların ətlik xüsusiyyətlərinin öyrənilməsi və yüksək nəticələrin əldə edilməsidir.

Bildirçin yetişdirmə üzrə təsərrüfat sahəsi ölkəmiz üçün yeni olsa da, qədim dövrlərdən Çində və Yaponiyada əhali bildirçin bəsləməklə məşğul olub. Lakin bu quşların yetişdirilməsi prosesinə XX əsrdən başlanılıb. Keçmiş sovetlər məkanında isə bildirçinin sənaye əsasında yetişdirilməsi 1960-cı illərə təsadüf edib.

214
Teqlər:
Bildirçin, Tədris Mərkəzi, Azərbaycan Dövlət Aqrar Universiteti
Əlaqədar
Yumurtanın qiymətini qaldıran “Giləzi Quşçuluq” MMC-nin vəzifəli şəxsləri həbs edilib
Koronavirusa yoluxanan xəstələrin müalicə aldığı hospital, arxiv şəkli

COVID-19-la bağlı dəhşətli proqnoz: iki milyon insan ölə bilər

13
(Yenilənib 23:42 25.09.2020)
Eyni zamanda Rayan qeyd edib ki, xəstəxanaya yatırılan xəstələr arasında ölüm göstəriciləri azalır. Onun sözlərinə görə, insanların bundan belə də ölməməsi üçün bəşəriyyətin əvvəlki 9 aydan özünə dərs götürməsi gərəkdir.

BAKI, 25 sentyabr — Sputnik. Ümumdünya Səhiyyə Təşkilatı (ÜST) effektiv vaksin əldə edilib bəşəriyyət üçün əlçatan olana qədər COVID-19-dan 2 milyondan çox insanın öləcəyini istisna etməyib.

Sputnik Azərbaycan RİA Novosti-yə istinadən bildirir ki, bu barədə ÜST-ün səhiyyə sahəsində fövqəladə hallar üzrə proqramının direktoru Maykl Rayan mətbuat konfransında deyib.  

“Sözsüz ki, bunu təsəvvür etmək çətindir, ancaq bu, mümkün ola bilər. Çünki biz 9 ay ərzində bir milyon insan itirmişik. Yaxın 9 ay ərzində vaksinin peyda olacağına da ayıq başla yanaşırıq”, - Rayan effektiv vaksin əldə edilib bəşəriyyət üçün əlçatan olana qədər COVID-19-dan 2 milyondan çox insanın öləcəyi ehtimalı ilə bağlı suala cavab verərkən söyləyib.

Onun sözlərinə görə, hazırda problemlər var, xüsusən bunlar peyvəndin maliyyələşdirilməsi, istehsalı və qiymətləndirilməsi ilə bağlıdır.

Eyni zamanda Rayan qeyd edib ki, xəstəxanaya yatırılan xəstələr arasında ölüm göstəriciləri azalır. Onun sözlərinə görə, insanların bundan belə də ölməməsi üçün bəşəriyyətin əvvəlki 9 aydan özünə dərs götürməsi gərəkdir.

13
Teqlər:
vaksin, peyvənd, ölüm, ÜST, dünya, Koronavirus, epidemiya, COVID-19
Mövzu:
Dünyanı cənginə almış bəla
Əlaqədar
Şagirdlər koronavirusa harada yoluxublar? Nazirlikdən cavab
Türkiyədə dəhşət saçan ağcaqanadlar Azərbaycana gələ bilər, amma virus gətirməyəcək
Moskva meri distant iş rejiminə keçməyə çağırıb: Soyuqlar yaxınlaşır, xəstəlik artacaq
Rus virusoloq amerikalı həmkarını təkzib etdi: Denge ilə SARS-CoV-2 qohum deyillər
Təəccüblü kəşf: bu xəstəliyə yoluxmaq koronavirusa qarşı immunitet yaradır
Hərbi təyyarə qəzası

Ukraynada hərbi təyyarə qəzaya uğradı, xeyli ölən var - VİDEO

16
(Yenilənib 23:25 25.09.2020)
İlkin məlumata görə, hadisə yerindən 2 nəfər xəstəxanaya aparılıb. “Onların bədənlərinin 90%-i yanmışdı”, - Tibbi Qəza Mərkəzinin direktoru Viktor Zabaşta deyib.  

BAKI, 25 sentyabr — Sputnik. Ukraynanın Xarkov vilayətində Ан-26 hərbi təyyarəsi qəzaya uğrayıb. Qəzada 22 nəfərin öldüyü, 2-nin sağ qaldığı bildirilir. 4 nəfərin taleyindən xəbər yoxdur. 

Sputnik Azərbaycan RİA Novosti-yə istinadən bildirir ki, Ukrayna Daxili İşlər Nazirliyinin ilkin məlumatına görə, təyyarənin göyərtəsində 23 nəfər olub. Onlardan 18-i kursant, beşi isə ekipaj üzvü olub.

​“Bu axşam Xarkov vilayətində Ukrayna SQ-yə məxsus Ан-26 təyyarəsi qəzaya uğrayıb. Təyyarə eniş zamanı qəzaya düşüb. Ekipaj üzvlərindən başqa, göyərtədə Ukrayna SQ Hərbi Hava Qüvvələrinin Xarkov Universitetinin kursantları da olub. Yaralı və həlak olanlar var, məlumat dəqiqləşdirilir”, - komandanlıq Facebook-da məlumat yayıb.  

Xarkov vilayət başçısı Aleksey Kuçer bildirib ki, qəzadan sağ çıxanlar da var.

İlkin məlumata görə, hadisə yerindən 2 nəfər xəstəxanaya aparılıb. “Onların bədənlərinin 90%-i yanmışdı”, - Tibbi Qəza Mərkəzinin direktoru Viktor Zabaşta deyib.  

​057.ua nəşri yazır ki, təyyarə təlim uçuşunda imiş.

Hadisə yerində xilasedicilər işləyirlər.

16
Teqlər:
ölüm, kursant, qəza, Ан-26 təyyarəsi, Ukrayna