Sünbül

Dünyada taxıl ehtiyatları artıb

56
2015/16-ci illər mövsümünün sonunda dünyada taxıl ehtiyatlarının həcmi son 29 il ərzində ən yüksək səviyyəyə çata bilər.

BAKI, 22 yan-Sputnik. 2015/16-ci illər mövsümünün sonunda dünyada taxıl ehtiyatlarının həcmi son 29 il ərzində ən yüksək səviyyəyə çata bilər.

Sputnik Report-a istinadla xəbər verir ki, bu barədə Beynəlxalq Taxıl Şurası (IGC) analitiklərinin yenilənmiş proqnozlarında qeyd olunur.
Məlumata görə, taxıl ehtiyatları 455 mln. ton səviyyəsində proqnozlaşdırılır ki, bu da ekspertlərin əvvəlki qiymətləndirməsini 1 mln. ton qabaqlayır və ötən mövsümün göstəricisindən 8 mln. ton çoxdur.

2015/16-cı illər mövsümündə dünyada taxıl istehsalı 1,992 mlrd. ton səviyyəsində gözlənilir ki, bu da IGC-nin əvvəlki qiymətləndirməsindən 4 mln. ton aşağıdır.

56
Teqlər:
taxıl ehtiyatları, taxıl, IGC, Beynəlxalq Taxıl Şurası
Əlaqədar
Azərbaycan Özbəkistandan taxıl ixrac edəcək
Ət, meyvə-tərəvəz, taxıl ucuzlaşıb, yumurta və bal bahalaşıb
Manat, arxiv şəkli

Yardım dayandırılmayıb - Şahmar Mövsümov

4
(Yenilənib 20:07 16.01.2021)
"Bunun üçün vəsaitlər ayrılıb, proses gedir. Məsələ ilə İqtisadiyyat Nazirliyi məşğul olur" - Prezidentin köməkçisi

BAKI, 16 yanvar — Sputnik. Sahibkarlara dəymiş ziyanın ödənilməsi ilə bağlı tədbirlər planı üzrə proseslər davamlı olaraq həyata keçirilir. Sputnik Azərbaycan-ın məlumatına görə, bunu jurnalistlərə açıqlamasında Prezidentin köməkçisi, Prezident Administrasiyasının İqtisadi Məsələlər və innovativ inkişaf siyasəti şöbəsinin müdiri Şahmar Mövsümov bildirib.

Ş.Mövsümov deyib ki, müxtəlif sahələr və istiqamətlərdə sahibkarlara yardım nəzərdə tutulub:

"Bunun üçün vəsaitlər ayrılıb, proses gedir. Məsələ ilə İqtisadiyyat Nazirliyi məşğul olur. Ümumilikdə zərərçəkmiş sahələrdə çalışanlara yardım heç vaxt dayandırılmayıb".

4
Həbsxana, arxiv şəkli

Penitensiar xidmətin məhkumun ölümü ilə bağlı açıqlaması: "Tibbi ekspertizanın rəyi var"

6
(Yenilənib 19:58 16.01.2021)
"Digər cəzaçəkmə müəssisələrində olduğu kimi, bu müəssisədə də tam sabitlikdir, iş öz ahəngi ilə gedir" - Mehman Sadıqov

BAKI, 16 yanvar - Sputnik. Ədliyyə Nazirliyinin Penitensiar Xidməti sosial şəbəkələrdə 13 saylı cəzaçəkmə müəssisəsində məhkumun döyülərək öldürülməsi və müəssisədə məhbuslara telefonla əlaqə qadağasının qoyulması ilə bağlı yayılan iddialara münasibət bildirib. 

Sputnik Azərbaycan APA-ya istinadən bildirir ki, Penitensiar Xidmətin şöbə rəisi Mehman Sadıqov sosial şəbəkələrdə yayılan həmin məlumatların yalan olduğunu deyib: "Röyal adlı həmin məhkum ürək-damar çatışmazlığından vəfat edib. Bununla bağlı məhkəmə-tibbi ekspertizasının rəyi də var. Müəssisədə heç bir əməliyyat keçirilməyib. Telefon danışıqlarına da hər hansı bir qadağa, yaxud məhdudiyyət qoyulmayıb. Bu cür böhtan xarakterli məlumatlar əvvəllər də yayılıb. Bu da məhkumların narahatlığına səbəb olur. Digər cəzaçəkmə müəssisələrində olduğu kimi, bu müəssisədə də tam sabitlikdir, iş öz ahəngi ilə gedir”. 

Qeyd edək ki, sosial şəbəkələrdə Röyal adlı məhkumun 13 saylı cəzaçəkmə müəssisəsində döyülərək öldürülməsi və həmin müəssisədə məhbuslara telefonla əlaqə qadağasının qoyulması ilə bağlı məlumatlar yayılıb. 

6