beyin mərkəzi

Azərbaycan təşkilatı dünyanın ən güclü 100 beyin mərkəzi sırasında

89
(Yenilənib 15:58 06.01.2016)
Vüqar Bayramov: "Biz bütün qlobal qiymətləndirmələrdə və hesabatlarda regionda top beyin mərkəziyik və bu, bizim üçün prioritet olara qalacaq"

BAKI, 6 yan — Sputnik. Çin Sosial Elmlər Akademiyası (CASS) "Qlobal Beyin Mərkəzlərinin Qiymətləndirilməsi" hesabatını təqdim edib. Sputnik cesd.az-a istinadən xəbər verir ki, iki ili əhatə edən qiymətləndirmə layihəsində dünyanın müxtəlif ölkələrində yerləşən 1575 beyin mərkəzi arasında sorğu keçirilib. Eyni zamanda 1781 beyin mərkəzi ilə bağlı araşdırmalar aparılıb. Tədqiqat nəticəsində dünyanın aparıcı beyin mərkəzləri seçilən qurumlar 31 ölkəni təmsil edir.

Qlobal beyin mərkəzlərində ölkə olaraq ABŞ liderdir. Pekində aparılan tədqiqata görə dünyanın 100 ən güclü beyin mərkəzinin 18-i bu dövlətin payına düşür. Daha sonra 11 aparıcı beyin mərkəzi ilə Almaniya gəlir. Çin və Yaponiya 9 güclü beyin mərkəzləri ilə sonrakı yerləri bölüşürlər. Daha sonrakı yerləri 6 beyin mərkəzi ilə Cənubi Koreya, 5 beyin mərkəzi ilə Belçika, hərəsinə 4 beyin mərkəzi ilə İtaliya və Britaniya, 3 beyin mərkəzi ilə Braziliya, 2 beyin mərkəzi ilə Argentina tutur. Siyahıda Hollandiya, Kanada, Cənubi Afrika, İsveçrə, Hindistan, Polşa, Fransa, Finlandiya, Qırğızıstan, Norveç, İsveç, Türkiyə, İspaniya, Yunanıstan, Sinqapur, İsrail, Azərbaycan, Misir, Avstraliya və beynəlxalq beyin mərkəzləri də yer alıb.

100 ən güclü beyin mərkəzinə malik 31 ölkə arasında Azərbaycan da var. Hesabata görə, Azərbaycanın İqtisadi və Sosial İnkişaf Mərkəzi (İSİM) dünyanın ən güclü 100 beyin mərkəzindən biridir. Çinlilərin araşdırmasına görə, İSİM 134 balla dünyada 57-dir. İSİM dünyada yerləşən 10 minə yaxın beyin mərkəzi arasında ilk ən güclü yüzlüyə daxil olub. Burada dünyanın ən güclü beyin mərkəzi 179 balla ABŞ-ın Karnegi Mərkəzi seçilib.

Qeyd edək ki, İSİM-in rəhbəri iqtisadçı-alim, Sputnik-in ekspertlərindən biri Vüqar Bayramovdur. O, bu barədə Sputnik-ə verdiyi açıqlamada deyib: "Pekində aparılan kifayət qədər sanballı araşdırmanın nəticəsi olaraq İSİM-in adının dünyanın aparıcı beyin mərkəzləri siyahısına daxil edilməsi qürurvericidir. İSİM adətən özünün elmi tədqiqatları ilə dünyanın aparıcı beyin arenalarının diqqətini cəlb edib. Hər il bu mərkəzin hesabatlarına yüzlərlə qlobal təşkilat istinad edir. Dünyanın aparıcı universitetləri, media qurumları mütəmadi olaraq İSİM-in hesabatlarına müraciət edirlər. Biz bütün qlobal qiymətləndirmələrdə və hesabatlarda regionda top beyin mərkəziyik və bunu da qoruyub saxlamaqdan ötrü keyfiyyətli tədqiqat bizim üçün hər zaman prioritetdir və prioritet olaraqda qalacaq".

89
Teqlər:
elm, Vüqar Bayramov, iqtisadçı alim, sosial, iqtisadi, təşkilat
Əlaqədar
Vüqar Bayramov "qara piar araşdırmaçıları"nı ifşa etdi
Azərbaycan bayrağı, arxiv şəkli

ƏSA Teatrının kollektivi xalqımızı belə təbrik etdi - VİDEO

1
(Yenilənib 20:16 01.12.2020)
ƏSA Teatrının kollektivi videoçarx vasitəsilə şanlı qələbəmizdə əməyi olan vətəndaşlarımıza, jurnalistlərimizə, polislərimizə, həkimlərimizə, müharibənin əsas qəhrəmanı olan hərbçilərimizə və Ali Baş Komandanımıza təşəkkür ediblər.

BAKI, 1 dekabr — Sputnik. Əlilliyi olan və olmayan aktyorlardan ibarət Azərbaycanın ilk inklüziv teatrı olan ƏSA Teatrı Azərbaycan xalqının İkinci Qarabağ müharibəsindəki tarixi qələbəsi münasibətilə növbəti sosial videoçarx hazırlayıb. Videoçarxda teatrın aktyor heyəti iştirak edib.

Sputnik Azərbaycan xəbər verir ki, İkinci Qarabağ müharibəsi başlayan gündən vətənpərvərlik istiqamətində layihələr həyata keçirən ƏSA Teatrının kollektivi budəfəki videoçarx vasitəsilə şanlı qələbəmizdə əməyi olan vətəndaşlarımıza, jurnalistlərimizə, polislərimizə, həkimlərimizə, müharibənin əsas qəhrəmanı olan hərbçilərimizə və Ali Baş Komandanımıza təşəkkür edərək, qələbə sevincini bölüşüb.

1
Teqlər:
xalq, təbrik, ƏSA Teatrı

Azərbaycanda hansı yol hərəkəti qaydaları daha çox pozulur

3
(Yenilənib 19:23 01.12.2020)
Ölkə üzrə ən çox hansı yol hərəkəti qaydalarının daha çox pozulması ilə bağlı statistika açıqlanıb. Siyahıda birinci yeri icazə verilən sürət həddinin aşılması ilə əlaqədar qayda pozuntuları tutur.
İnfoqrafika: Azərbaycanda yol hərəkəti qaydalarının pozulması ilə bağlı statistika
© Sputnik / Elnur Salayev

Azərbaycanın yol polisi əməkdaşları bu ilin yanvar-sentyabr ayları ərzində ölkə yollarında sürücülərin yol hərəkəti qaydalarını pozması ilə bağlı təxminən üç milyon fakt qeydə alıblar. Dövlət Statistika Komitəsinin verdiyi məlumata görə, qayda pozuntularının üçdə biri icazə verilən sürət həddinin aşılması ilə əlaqədardır.

İkinci yeri nəqliyyat vasitəsini düzgün saxlamamaq və ya səhv yerə park etməklə bağlı cərimələr tutur - 20,7%. Üçüncü yerdə isə yol işarələri və ya nişanlarının tələblərinə əməl etməməklə bağlı qayda pozuntuları durur.

Qeyd etmək lazımdır ki, koronavirus pandemiyası 2020-ci il üzrə yol hərəkəti qayadalarının pozulması statistikasına da öz təsirini göstərib. Tutulan protokolların 4.1%-i nəqliyyatda sanitar-gigiyena və karantin rejimini pozanların payına düşür.

Ümumilikdə sürücülər qayda pozuntuları ilə bağlı dövlət xəzinəsini 93,2 milyon manat həcmində cərimə ödəməli olublar.

Yol hərəkəti qaydalarının pozulması halları ilə bağlı statistika Sputnik Azərbaycan-ın İnfoqrafikasında daha geniş şəkildə öz əksini tapıb.

3