politoloq Elxan Şahinoğlu \ Политолог Эльхан Шахиноглы

"İran-Ərəb gərginliyi məzhəb savaşına səbəb olacaq"

70
(Yenilənib 12:23 05.01.2016)
Elxan Şahinoğlu: "Bütün bu gərginliyin fonunda iki ölkənin hərbi qarşıdurmaya gedəcəyini düşünmürəm"

BAKI, 5 yan — Sputnik. Səudiyyə Ərəbistanında şiə din alimi Ayətullah Nemrin edam edilməsi İranla bu ölkə arasındakı münasibətləri daha da gərginləşdirib. Rəsmi Tehranın sözügedən edama sərt reaksiya göstərməsi, Səudiyyə Ərəbistanına nota verməsi İran vətəndaşlarını sakitləşdirməyə kifayət etməyib. Onlar Tehrandakı Səudiyyə səfirliyini atəşə verərək iki ölkə arasındakı gərginliyi ən pik həddə çatdırıblar. Hadisədən sonra Riyad rəhbərliyi İranla bütün əlaqələri kəsdiyini açıqlamaqla birlikdə, hər iki ölkə qarşılıqlı olaraq bir-birilərini terrorçulara dəstək verməklə təqsirləndirdi.

Məsələ bununla da sonlanmadı, son olaraq körfəz ölkələri də bir-bir İranla diplomatik əlaqələri dondurduğunu açıqladı. Öz növbəsində İranın ali dini lideri Xameneyi şiə alimi Nemrin edamından sonra "müqəddəs intiqamın" başladığını və Səudiyyə Ərəbistanı rəhbərliyinin Allahın qəzəbinə düçar olacağını söylədi.

Mövzunu Sputnik-ə şərh edən politoloq Elxan Şahinoğlu, Ərəb-İran gərginliyinin məzhəb qarşıdurmasına səbəb olacağını deyib: "Onsuz da Suriya məsələsinə görə regionda məzhəb qarşıdurması var idi. Səudiyyə Ərəbistanı ilə İran arasında baş verənlər məzhəb savaşını daha da arzuolunmaz səviyyəyə çatdıra bilər. Necə ki, dünən İraqda biz bunun şahidi olduq. Ardıcıl iki məsciddə partlayış baş verməsi məhz bu gərginlikdən qaynaqlanır".

Şahinoğlunun sözlərinə görə, iki dövlətin bir-biri ilə aktiv müharibəyə keçməsi mümkün görünmür: "Bütün bu gərginliyin fonunda iki ölkənin hərbi qarşıdurmaya gedəcəyini düşünmürəm, lakin bu proses Suriyadakı böhrana birbaşa təsir edəcək".

70
Teqlər:
Səudiyyə Ərəbistanı, İran, Elxan Şahinoğlu, Elxan Şahinoğlu, Səudiyyə Ərəbistanı, İran
Mövzu:
İran - Səudiyyə Ərəbistanı qarşıdurması (10)
Əlaqədar
İranlı general Suriyada öldürülüb
İrandan Türkiyəyə tarixi zərbə
Xameneyi Bəşər Əsədi İrana dəvət etdi
İran Səudiyyə Ərəbistanı günahlandırır
Səudiyyə Ərəbistanı Yəmənə qoşun yeritdi
Səudiyyə Ərəbistanı: İran-Qərb razılığı Yaxın Şərqi alt-üst edəcək
Türkiyə Prezidenti Rəcəb Tayyib Ərdoğan, arxiv şəkli

Ərdoğan: "Azərbaycanın yanında olduğumuz üçün günahlandırıldıq"

1
“İndi eşidirəm ki, bəzi amerikalılar çıxıb İlham qardaşıma zəng edib deyir ki, biz sizin yanınızda kimin olduğunu bilirik, Ərdoğan var, Türkiyə var".

BAKI, 25 oktyabr - Sputnik. “Qafqazda öz ərazilərini müdafiə edən azərbaycanlı qardaşlarımızın yanında olduğumuz üçün suçlandırıldıq”.

Sputnik Azərbaycan “Report”a istinadla xəbər verir ki, bu sözləri Türkiyə Prezidenti Rəcəb Tayyib Ərdoğan deyib.

“İndi eşidirəm ki, bəzi amerikalılar çıxıb İlham qardaşıma zəng edib deyir ki, biz sizin yanınızda kimin olduğunu bilirik, Ərdoğan var, Türkiyə var. Və? Biz Türkiyəyə də, yeri gələrsə, sanksiya tətbiq edəcəyik. Sən kiminlə rəqs etdiyinin fərqində deyilsən! Sanksiyan nədirsə, gecikmə, et!”, - o vurğulayıb.

1
İtaliyada epdimioloji vəziyyət

İtaliyada sabahdan yeni qadağalar tətbiq olunacaq

8
İtaliyada bu günə qədər 504 min 509 nəfər koronavirusa yoluxub, 37 min 210 nəfər vəfat edib. 264 min 117 nəfər isə xəstəlikdən sağalıb.

BAKI, 25 oktyabr - Sputnik. İtaliyada epidemioloji vəziyyətin pisləşməsi səbəbindən oktyabrın 26-dan məhdudiyyətlər artırılır.

Sputnik Azərbaycan “Qafqazinfo”ya istinadla məlumat verir ki, bu gün İtaliya Baş Nazirinin Mətbuat xidməti tərəfindən açıqlanan yeni qaydalara uyğun olaraq bütün kinoteatr, teatr, idman zalları və hovuzlar bağlanacaq.

Restoran və barlar işə davam edəcək, lakin vaxt məhdudiyyəti ilə - axşam saat 6-dək.

Qeyd edək ki, İtaliyada bu günə qədər 504 min 509 nəfər koronavirusa yoluxub, 37 min 210 nəfər vəfat edib. 264 min 117 nəfər isə xəstəlikdən sağalıb.

8