Hillari Klinton

Prezidentliyə namizəd UNO-ları araşdıracağına söz verdi

1953
(Yenilənib 11:44 05.01.2016)
Hillari Klinton prezident seçilərsə, "51-ci bölgə" ilə bağlı bütün gizlinləri ortaya çıxaracağını bəyan edib

BAKI, 5 yan-Sputnik. ABŞ-da, xüsusilə respublikaçı namizəd Donald Tramp (Donald Trump) sayəsində bir xeyli mübahisə yaradan prezidentlik yarışında verilən vədlərə daha biri də əlavə edilib. Sputnik-in məlumatına görə, ABŞ prezidentliyinə namizədlər arasında ən güclülərdən biri sayılan Hillari Klinton (Hillary Clinton), 8 ildən sonra verdiyi ilk eksklüziv müsahibəsində gündəlik siyasi məsələləri bir kənara qoyaraq UNO-lardan (Uçan Naməlum Obyekt) danışıb. Demokrat namizəd və sabiq dövlət katibi Hillari Klinton yadplanetlilərin dünyanı və Yer planetini ziyarət etmiş ola biləcəyini söyləyib, prezident seçilərsə, mübahisəli "51-ci bölgə"ni dərindən araşdıracağına söz verib.

Nyu Hempşirdəki (New Hampshire) seçki mitinqindən sonra "The Conway Daily Sun" qəzetinə müsahibə verən Hillari Klinton, əri və keçmiş ABŞ prezidenti Bill Klintonun 2014-cü ildə bir televiziya proqramında yadplanetlilərlə bağlı dediyi sözlərin xatırladılması ilə əlaqədar bildirib: "Ola bilər ki, yadplanetlilər bizi ziyarət ediblər. Dəqiq bilmirik".

Bill Klinton, Cimmi Kimmelin (Jimmy Kimmel) aparıcılıq etdiyi proqramda demişdi ki, "əgər yad planetlilər tərəfindən ziyarət edilsə, buna təəccüblənməyəcək".

Digər tərəfdən özünü UNO ilə maraqlananlara və elm adamlarına sevdirmək üçün manevr edən Hillari Klinton, prezident seçiləcəyi təqdirdə yadplanetlilərlə bağlı bütün məlumatları ortaya qoyacaqlarını və məsələnin kökünü araşdıracağını söyləyib. Bununla yanaşı Klinton, yadplanetlilərin ziyarət etdiyi söylənən, kinolara mövzu olan "51-ci bölgə"yə (Nevada ştatındakı gizli hərbi hissə) də gedəcəyini bildirib. Klinton buradan bəhs edərkən əvvəl "54-cü bölgə" desə də, sonradan səhvini başa düşüb düzəldib.

Baxmayaraq ki, Bill Klinton Kimmelin proqramında "51-ci bölgə"ni araşdırdığını, amma yadplanetlilərin izini tapmadığını demişdi.

1953
Əlaqədar
Hillari Klinton seçki kampaniyası üçün 45 milyon dollar ianə toplayıb

İlham Əliyev: "Milli iradəmizin zəfər çaldığı gün - 20 Yanvar"

17
1990-cı il yanvarın 19-dan 20-nə keçən gecə Sovet İttifaqı Kommunist Partiyası Mərkəzi Komitəsinin baş katibi Mixail Qorbaçovun əmri ilə qoşun hissələri Bakıya və Azərbaycanın bir neçə rayonuna yeridilib.

BAKI, 20 yanvar - Sputnik. Prezident İlham Əliyevin "Facebook" səhifəsində 20 Yanvar faciəsinin 31-ci ildönümü ilə əlaqədar paylaşım edilib.

Sputnik Azərbaycan-ın məlumatına görə, paylaşımda deyilir: "Milli iradəmizin zəfər çaldığı gün - 20 Yanvar".

17
Аллея Шехидов в Баку

20 Yanvar faciəsindən 31 il ötür

9
(Yenilənib 00:10 20.01.2021)
Yanvar faciəsi ümumxalq hüznü olmaqla yanaşı, həm də Azərbaycan xalqının iradəsinin sarsılmazlığını, mətinliyini göstərdi.

BAKI, 20 yanvar - Sputnik. Azərbaycanda 1990-cı il yanvarın 20-də baş vermiş faciədən 31 il keçir.

1990-cı il yanvarın 19-dan 20-nə keçən gecə Sovet İttifaqı Kommunist Partiyası Mərkəzi Komitəsinin baş katibi Mixail Qorbaçovun əmri ilə SSRİ Müdafiə Nazirliyi, Dövlət Təhlükəsizlik Komitəsi və Daxili İşlər Nazirliyinin qoşun hissələri Bakıya və Azərbaycanın bir neçə rayonuna yeridilib, dinc əhali ağır texnikadan və müxtəlif tipli silahlardan atəşə tutularaq kütləvi qətlə yetirilib. Sovet ordusunun xüsusi təyinatlı dəstələrinin və daxili qoşunların iri kontingentinin Bakını zəbt etməsi xüsusi qəddarlıq və misli görünməmiş vəhşiliklə müşayiət edilib. Fövqəladə vəziyyətin tətbiqi əhaliyə elan olunanadək hərbçilər 82 nəfəri amansızcasına qətlə yetirib, 20 nəfəri ölümcül yaralayıb. Fövqəladə vəziyyət elan edildikdən sonra isə bir neçə gün ərzində Bakı şəhərində 21 nəfər öldürülüb. Fövqəladə vəziyyətin elan olunmadığı rayon və şəhərlərdə - yanvarın 25-də Neftçalada və yanvarın 26-da Lənkəranda daha 8 nəfər qətlə yetirilib.

Beləliklə, qoşunların qanunsuz yeridilməsi nəticəsində Bakıda və ətraf rayonlarında 131 nəfər öldürülüb, 744 nəfər yaralanıb. Həlak olanların arasında qadınlar, uşaqlar və qocalar, həmçinin təcili yardım işçiləri və milis nəfərləri olub.

Qoşunların qanunsuz yeridilməsi həm də dinc əhali arasında kütləvi həbslərlə müşayiət olunub. Əməliyyatların gedişi boyunca paytaxt Bakı və respublikanın digər şəhər və rayonlarından 841 nəfər qanunsuz həbs edilib, onlardan 112-si SSRİ-nin müxtəlif şəhərlərindəki həbsxanalara göndərilib. Hərbi qulluqçular tərəfindən 200 evə, 80 avtomobilə, o cümlədən təcili yardım maşınlarına atəş açılıb, yandırıcı güllələrin törətdiyi yanğınlar nəticəsində külli miqdarda dövlət və şəxsi əmlak məhv edilib.

1990-cı il yanvar qurbanları simvolik olaraq “20 Yanvar şəhidi” adlanır. Ümumilikdə, Azərbaycanın 150 nəfər “20 Yanvar şəhidi” var.

Yanvar faciəsi ümumxalq hüznü olmaqla yanaşı, həm də Azərbaycan xalqının iradəsinin sarsılmazlığını, mətinliyini göstərdi. Sovet ordusunun amansızlığına və qəddarlığına, Bakıda fövqəladə vəziyyət tətbiq edilməsinə baxmayaraq, Azərbaycan xalqı yanvarın 22-də paytaxtın “Azadlıq” meydanında 20 Yanvar şəhidlərinin dəfni ilə əlaqədar matəm yürüşü keçirib. Şəhidlər xiyabanındakı dəfn mərasimində 2 milyona yaxın insan iştirak edib. Xalqın tələbi ilə Azərbaycan SSR Ali Sovetinin fövqəladə sessiyası çağırılıb və Bakı şəhərində fövqəladə vəziyyətin ləğv edilməsi haqqında qərar qəbul edilib, lakin xalqın qəzəbindən qorxuya düşən respublikanın əksər rəhbər vəzifəli şəxsləri həmin sessiyada iştirak etməyib.

1994-cü il martın 29-da 20 Yanvar faciəsinə ali qanunvericilik orqanı – Milli Məclis səviyyəsində ilk dəfə hüquqi-siyasi qiymət verilib.

O vaxtdan 20 yanvar Azərbaycanda hər il Ümumxalq hüzn günü kimi qeyd olunur. Hər il yanvarın 20-də rəsmi şəxslər, sıravi vətəndaşlar Şəhidlər xiyabanında 20 Yanvar faciəsi qurbanlarını ziyarət edirlər.

Xüsusi tədbirlər planına uyğun olaraq, ziyarətçilərin təhlükəsizliyini təmin etmək məqsədilə yanvarın 20-si saat 07:00-dan mərasim başa çatanadək Şəhidlər xiyabanı istiqaməti üzrə küçə və prospektlərdə nəqliyyat vasitələrinin hərəkəti məhdudlaşdırılacaq.

Bu istiqamətdə şəxsi avtomobillərdən mümkün qədər az istifadə edilməsi, ictimai nəqliyyata üstünlük verilməsi tövsiyə olunur.

Yanvarın 20-də Bakı vaxtı ilə saat 12.00-da ölkə ərazisində şəhidlərin xatirəsi bir dəqiqəlik sükutla yad ediləcək, gəmilər, avtomobillər və qatarlar səs siqnalları verəcək. Həmin gün ölkə ərazisində matəm əlaməti olaraq Azərbaycanın dövlət bayraqları endiriləcək.

Dünya ictimaiyyətinin diqqətini Qanlı Yanvar faciəsinə yönəltmək üçün Azərbaycanın xarici ölkələrdəki səfirlikləri, diplomatik nümayəndəlikləri, Azərbaycan icmaları tərəfindən də müvafiq tədbirlər həyata keçirilir.

9