Azərbaycan Dövlət İqtisad Universiteti

Təhsil naziri: Azərbaycana kreativ düşüncəli peşəkarlar lazımdır

81
(Yenilənib 19:21 24.12.2015)
ADİU-nun 85 illik yubileyində rektor deyib ki, hədəfləri 5 il sonra Top-1000 universitetlər sırasına yüksəlməkdir.

BAKI, 24 dek-Sputnik. Azərbaycan Dövlət İqtisad Universitetinin (UNEC) yaranmasının 85 illik yubileyinə həsr edilən tədbir keçirilib.

Sputnik-in məlumatına görə, tədbir iştirakçıları öncə UNEC-in tələbə və əməkdaşlarının əl işlərindən ibarət rəsm, karikatura və kitab sərgisi ilə tanış olublar.

Ümummilli Lider Heydər Əliyevin 2002-ci ildə universitetə gəlişi zamanı "Fəxr edirəm ki, bizim ali təhsilimiz var" fikri ilə çıxışına başlayan UNEC-in rektoru, professor Ədalət Muradov bildirib ki, universitetin 85 illik şərəfli yolunda iqtisad elminə mühüm töhfələr verən və xidmətlər göstərən qocaman professorlarımızın böyük əməyi var.

Müəllim potensialının artırılmasının universitetin strateji hədəfi olduğunu deyən rektor, bu potensialın təkmilləşdirilməsi istiqamətində xeyli işlər görüldüyünü vurğulayıb. Rektor, həmçinin son iki ildə universitetdə əmək haqqının 3 mərhələdə artırılması və hazırda pedaqoji heyətin orta əməkhaqqı göstəricisinin ali təhsil müəssisələri arasında ən yüksək olduğunu söyləyib. Qeyd edib ki, əməkhaqqı artımı son hədd deyil, əməkdaşların maaşlarının da artırılması istiqamətində işlər gedir.

Universitetdə görülən işlərdən danışan rektor bildirib ki, UNEC müəllimlərinin ekspert qismində də fəaliyyət göstərməsinə təkan vermək üçün "UNEC ekspert" jurnalı təsis edilib. Növbəti ilin birinci rübündə jurnal işıq üzü görəcək.

"Ölkə Prezidenti İlham Əliyevin qarşıya qoyduğu vəzifəni — Azərbaycan Dövlət İqtisad Universitetinin dünya səviyyəli universitetə çevrilməsini icra etmək üçün bütün gücümüzü səfərbər edəcəyik" deyən rektor, əlavə edib ki, UNEC-in 90 illik yubileyində "QS" reytinqində Top-1000 universitetlər sırasına yüksəlməyə çalışacağıq.

Təhsil naziri Mikayıl Cabbarov isə çıxışında ali təhsilin inkişafına özünəməxsus töhfələr verən İqtisad Universitetinin ölkənin sosial-iqtisadi problemlərinin həlli sahəsində əhəmiyyətli rolu olduğunu bildirib. Nazir qeyd edib ki, qarşılaşdığımız iqtisadi çətinliklər şəraitində Azərbaycan iqtisadiyyatına bilikli, kreativ düşüncəli və qoloballaşan dünyada biznes mühitini yaxşı bilən peşəkarlar lazımdır.

"Dünya təcrübəsi göstərir ki, istənilən dövlətin inkişaf səviyyəsini yüksək məhsul yaradan insan resursları müəyyən edir. İqtisad Universitetinin belə kadrlar hazırlamaq üçün gördüyü işlər təqdirəlayiqdir. İnanıram ki, 85 yaşlı İqtisad Universitetinin əsas amalı ali təhsilin beynəlxalq standartlara uyğunlaşmasıdır" — deyə nazir bildirib.

M.Cabbarov deyib ki, bu gün ali təhsilin beynəlmiləlləşməsi qlobal prosesdir. Eyni zamanda, təhsildə elmi potensialın qorunub saxlanılması və eləcə də gənc elmi pedaqoji kadrların hazırlanması ön öndə duran məsələlərdən biridir: "Bu baxımdan UNEC-də həyata keçirilən "Gənc müəllimlər" layihəsi bizi çox sevindirir. 121 gənc müəllim işə qəbul edilib ki, onların da əksəriyyəti Avropa, ABŞ, Kanada kimi ölkələrin nüfuzlu universitetlərinin məzunlarıdır. Bu proses davam etdirilməli və digər ali təhsil müəssisələrini də əhatə etməlidir. İnanıram ki, xaricdə təhsil alan gənc mütəxəssislərin elmi pedaqoji fəaliyyətə cəlb edilməsi, təhsildəki problemlərin həllinə əsaslı surətdə kömək edəcək".

Azərbaycan Dövlət İqtisad Universitetinin əsasını qoyan və inkişafında xidməti olanları ehtiramla yad edən M.Cabbarov müstəqil Azərbaycanın davamlı inkişafı naminə kollektivin gənc iqtisadçı kadrların yetişdirilməsi istiqamətində bundan sonra da uğurla çalışacaqlarına ümidvar olduğunu bildirib.

M.Cabbarov çıxışını bu sözlərlə yekunlaşdırıb: "Bu gün Azərbaycan Respublikasının Prezidenti İlham Əliyevin ad günüdür. Mən bütün təhsil ictimaiyyəti adından cənab Prezidenti təbrik edirəm. Hesab edirəm ki, bizim ölkə başçısı üçün edə biləcəyimiz ən böyük töhvə öz işimizə vicdan və peşəkarlıqla yanaşmağımızdır".

UNEC-in 85 illik yubileyi münasibəti ilə təhsil naziri Mikayıl Cabbarovun əmri ilə universitetin bir qrup əməkdaşı "Qabaqcıl təhsil işçisi" döş nişanı və fəxri fərmanla təltif edilib.

Beynəlxalq Türk Akademiyasının rəhbəri, professor Darhan Kıdıralı yubiley münasibəti ilə UNEC-in professor-müəllim heyətini təbrik edib. Bu günlərdə UNEC-də təsis edilən Türk Dünyası İqtisadçılar Birliyinin əhəmiyyətindən söz açan D.Kıdıralı bildirib ki, türk dünyası iqtisadçıları arasındakı əməkdaşlıq əlaqələrinin qurulması və inkişaf etdirilməsi bu ölkələrin gələcək iqtisadi inkişafına mühüm töhfələr verəcək.

UNEC-in Azərbaycan tarixi kafedrasının müdiri, professor Hidayət Cəfərov universitetin kecdiyi 85 illik tarixi yola nəzər salıb.

Sonra UNEC-də yeni yaradılan diskurs.az — virtual iqtisadi forumun təqdimatı keçirilib. Tədbirdə universitetin tarixini əks etdirən "UNEC-85 fakt" filmi nümayiş etdirilib. Yubiley tədbiri UNEC-in Yaradıcılıq Mərkəzinin üzvlərinin ifası ilə davam edib.

81
Əlaqədar
Universitetlərdə tələbələrə yeni fənlər tədris ediləcək
Dörd universitet rektoru dəyişəcək
Bizim universitetlərin dünya reytinqinə düşməsi mümkündürmü?
Qadın qızıl məmulata baxır, arxiv şəkli

Lombardlardakı girovu bağlayanlar peyda olublar - Onların vətəndaşa xeyri nədir?

0
(Yenilənib 21:47 23.11.2020)
"Bank olmayan kredit təşkilatlarının faizləri banklarla müqayisədə çox bahadır. Amma lombardlarla müqayisədə ucuzdur. Bu, borcun alınaraq daha baha qiymətə satılmasıdır".

Zülfiyyə Quluyeva, Sputnik Azərbaycan

BAKI, 23 noyabr — Sputnik. "Lombardda qızılınız var? Zəng edin, çıxartmağa kömək edək!"

Son vaxtlar bu cür elanlara avtobus dayanacaqlarında tez-tez rast gəlinir. Hətta vətəndaşlar arasında bu elanlara maraq göstərənlər də az deyil. Xüsusilə lombardda qızılı olan şəxslər bu tip elanlar vasitəsilə lombarda qoyduğu girovu çıxartmağın onlar üçün nə dərəcədə təhlükəli olub-olmadığı ilə maraqlanırlar. Sputnik Azərbaycan əhalinin geniş marağına səbəb olan bu tip elanların izinə düşüb.

Apardığımız kiçik araşdırma zamanı bəlli oldu ki, bu cür elanlarla vətəndaşlara lombarddakı qızılını çıxartmağa kömək təklif edənlər bank olmayan kredit təşkilatlarıdır. Elanda göstərilən nömrələrdən biri ilə əlaqə saxlayaraq bu köməyin hansı formada, hansı şərtlər qarşılığında edildiyini öyrənməyə çalışdıq.

Özünü "Brand kredit" təşkilatının nümayəndəsi kimi təqdim edən Taleh Kərimov Sputnik Azərbaycan-a açıqlamasında bildirdi ki, onların məqsədi müştəri cəlb etməkdir:

"Bəzi vətəndaşlar lombarda qoyduğu qızılını faiz yüksək olduğu üçün çıxarda bilmir. Nəticədə lombard girov saxladığı qızılı satır. Biz isə vətəndaşlara lombardlara qoyduqları qızılı çıxartmağa kömək edirik. Vətəndaşın lombarda olan borcunu ödəyirik, onunla yenidən müqavilə bağlayırıq. Tutaq ki, vətəndaşın lombarda 1300 manat borcu var. Biz onun lombarda olan bu borcunu ödəyirik. Ona həmin məbləğdə yeni kredit ayırırıq. Vətəndaş o məbləği bizə faiz hesablanmaqla 6, 12, yaxud da 18 ay ərizində ödəyir.

Əgər kredit müqaviləsi 12 aylıq bağlanarsa, aylıq ödəniş 138 manat 50 qəpik təşkil edir. Borc 12 aydan tez ödənilirsə, növbəti ayların faizi silinir. Beləcə, vətəndaş 12 aya 362 manat pul itirir. Lombardlarda isə bu, daha yüksəkdir. Bunun üçün vətəndaş bizim ofisə şəxsiyyət vəsiqəsi və girov aktı ilə yaxınlaşır. Biz onun lombarddakı borcunu bağlayırıq, qızılı yenidən qiymətləndirilir və müqavilə bağlanılır. Borc azaldıqca müştəri qızıldan hissə-hissə götürür. Bizim faizimiz lombardlarla müqayisədə aşağıdır. Həm vətəndaş qazanır, həm də biz".

© Sputnik / Zulfiyya Guluyeva
Binanın divarında "Lombardda qızılınız var? Zəng edin, çıxartmağa kömək edək!" yazısı

İqtisadçı Samir Əliyev Sputnik Azərbaycan-a açıqlamasında bildirib ki, lombardlar vətəndaşları çox çarəsiz duruma salır: "Vətəndaşlara əlimyandıda qalanda pul götürmək üçün ən asan variant lombarda müraciət etməkdir. Çünki lombard vətəndaşdan ancaq girov tələb edir. Bu girovun qarşılığında götürdüyü pulu necə ödəyəcəyi lombardı maraqlandırmır. Çünki lombardlar girovu çox aşağı qiymətlə qiymətləndirirlər. Hətta müştəri pulu ödəmədikdə onlar çox rahatlıqla girovu özlərinə götürürlər. Buna görə də vətəndaşlar lombardlardan yaxalarını qurtarmaq istəyirlər. Bazarda belə bir tələbat olduğunu görən bank olmayan kredit təşkilatları isə lombardda girovu olan vətəndaşı özünə müştəri kimi cəlb edir. Əslində bununla problemi öz üzərinə götürmüş olur. Çünki lombarddan pul götürüb ödəyə bilməyən şəxslər problemli müştəri hesab olunurlar. Amma ortada girov olduğundan, bank olmayan kredit təşkilatları bu məsuliyyətin altına girirlər. Burada onların əsas məqsədi müştəri cəlb etmək, pul qazanmaqdır. Düzdür, bank olmayan kredit təşkilatlarının faizləri banklarla müqayisədə çox bahadır. Amma lombardlarla müqayisədə ucuzdur. Bu, borcun alınaraq daha baha qiymətə satılmasıdır".

S.Əliyevin sözlərinə görə, lombarddan qızılını çıxartmağa kömək edən kredit təşkilatı ilə yeni müqavilə bağlamaq vətəndaş üçün digər tərəfdən də sərfəlidir:

"Çünki lombardlara nəzarət yoxdur. Onların fəaliyyəti qanunla tənzimlənmir. Bank olmayan kredit təşkilatları isə Mərkəzi Bankın lisenziyası əsasında fəaliyyət göstərir. Onlarda lombardlar kimi qəflətən bağlanaraq girovun batması mümkün deyil".

İqtisadçı bildirir ki, lombardların faizi çox baha, aylıq 5 faiz olur. Kredit təşkilatlarının isə faizi bir qədər aşağı - aylıq 1 faiz civarında olur: "Bu gün lombardlarla müqayisədə kredit təşkilatlarının faizi aşağıdır".

Bank məsələləri üzrə hüquqşünas Əkrəm Həsənov isə Sputnik Azərbaycan-a açıqlamasında bildirib ki, bəzən vətəndaşlar lombardlardan çox etibarsız olduğu üçün imtina edirlər: "Bəzi insanlar çətin duruma düşəndə girov qoyub lombarddan pul götürürlər. Amma az müddət sonra səhv etdiyini anlayır, lombardda girovun hər an batma ehtimalının olduğunu anlayır. Çünki əksər hallarda lombardlar bir ay fəaliyyət göstərir, qızılı yığıb ofisi bağlayırlar. Buna görə də, vətəndaşlar lombardlardan girovu çıxartmaq istəyirlər. Bank olmayan kredit təşkilatları da bunları nəzərə alaraq lombard müştərilərini özünə yönəldir. Onların kredit faizləri lombardlarla müqayisədə qismən aşağıdır. Həmçinin lombard girovu müştəri borcu ödəyəndə asanlıqla satır və yaxud özününküləşdirir. Bank olmayan kredit təşkilatı isə məhkəmə qərarı olmadan həmin girovu sata bilmir. Üstəlik, lombardla müqayisədə müştərinin ödədiyi məbləğ girov satılarkən nəzərə alınır. Bütün bunlara görə bank olmayan kredit təşkilatları lombardlarla müqayisədə daha etibarlı və sərfəlidir".

Qeyd edək ki, lombardlarla bağlı qanun layihəsi artıq Milli Məclisdə iki oxunuşdan keçib. Yaxın zamanda lombardların da fəaliyyəti qanunla tənzimlənəcək.

0
Teqlər:
vətəndaş, müqavilə, faiz, bank, borc, qızıl, lombard, Azərbaycan

Prezident İlham Əliyevin Ağdam səfəri FOTOlarda

1
(Yenilənib 23:04 23.11.2020)
Azərbaycanın dövlət başçısı ilk dəfə olaraq noyabrın 20-də işğaldan azad olunmuş Ağdam şəhərində olub.

Xəbər verildiyi kimi, noyabrın 23-də Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev və Birinci vitse-prezident Mehriban Əliyeva işğaldan azad edilmiş Ağdam şəhərində olublar.

Səfər zamanı Prezident və Birinci xanım Ağdam Cümə məscidində olublar. Həmçinin Prezident İlham Əliyev Ağdamda Azərbaycan bayrağını qaldırıb.

Ağdam rayonu Ermənistan silahlı qüvvələri tərəfindən noyabrın 20-də üçtərəfli bəyanatın şərtlərinə əsasən azad edilib.

Rayon 1993-cü il iyulun 23-də işğal edilmişdi. 

 

1
  • © Official website of President of Azerbaijan Republic

    Prezident İlham Əliyev işğaldan azad edilmiş Ağdam şəhərində dövlət bayrağını qaldırır

  • © Official website of President of Azerbaijan Republic

    Prezident İlham Əliyev işğaldan azad edilmiş Ağdam şəhərində dövlət bayrağını qaldırır

  • © Official website of President of Azerbaijan Republic

    Prezident İlham Əliyev və birinci xanım Mehriban Əliyeva işğaldan azad edilmiş Ağdam şəhərində

  • © Official website of President of Azerbaijan Republic

    Prezident İlham Əliyev işğaldan azad edilmiş Ağdam şəhərində

  • © Official website of President of Azerbaijan Republic

    Prezident İlham Əliyev və birinci xanım Mehriban Əliyeva işğaldan azad edilmiş Ağdam şəhərində

  • © Official website of President of Azerbaijan Republic

    Prezident İlham Əliyev işğaldan azad edilmiş Ağdam şəhərində

  • © Official website of President of Azerbaijan Republic

    Prezident İlham Əliyev və birinci xanım Mehriban Əliyeva işğaldan azad edilmiş Ağdam şəhərindəki Cümə məscidində

  • © Official website of President of Azerbaijan Republic

    Prezident İlham Əliyev və birinci xanım Mehriban Əliyeva işğaldan azad edilmiş Ağdam şəhərindəki Cümə məscidində

  • © Official website of President of Azerbaijan Republic

    Birinci xanım Mehriban Əliyeva işğaldan azad edilmiş Ağdam şəhərindəki Cümə məscidində

  • © Official website of President of Azerbaijan Republic

    Prezident İlham Əliyev və birinci xanım Mehriban Əliyeva işğaldan azad edilmiş Ağdam şəhərindəki Cümə məscidində

  • © Official website of President of Azerbaijan Republic

    Prezident İlham Əliyev işğaldan azad edilmiş Ağdam şəhərindəki Cümə məscidində

  • © Official website of President of Azerbaijan Republic

    Prezident İlham Əliyev və birinci xanım Mehriban Əliyeva işğaldan azad edilmiş Ağdam şəhərindəki Cümə məscidində

  • © Official website of President of Azerbaijan Republic

    Prezident İlham Əliyev və birinci xanım Mehriban Əliyeva işğaldan azad edilmiş Ağdam şəhərindəki Cümə məscidində

  • © Official website of President of Azerbaijan Republic

    Prezident İlham Əliyev və birinci xanım Mehriban Əliyeva işğaldan azad edilmiş Ağdam şəhərində

  • © Official website of President of Azerbaijan Republic

    Prezident İlham Əliyev və birinci xanım Mehriban Əliyeva işğaldan azad edilmiş Ağdam şəhərində