Əhməd Davudoğlu - Türkiyənin baş naziri

Əhməd Davudoğlu Vladimir Putinə cavab verdi

95
(Yenilənib 12:25 19.12.2015)

BAKI, 19 dek-Sputnik. Türkiyənin baş naziri Əhməd Davudoğlu Rusiya prezidenti Vladimir Putinin dekabrın 17-də keçirdiyi illik mətbuat konfransında Türkiyənin ünvanına işlətdiyi ifadələri ciddi qəbul etmədiyini deyib. O, "KQB günləri geridə qaldı" — deyə ironik şərh verib.

Sputnik Türkiyənin "Hürriyət" qəzetinə istinadən xəbər verir ki, bunları Davudoğlu Brüsseldə 10 Avropa Birliyi lideri ilə görüşdən dönərkən jurnalistlərə deyib.

Putinin ünvanına sərt ifadələr işlədən Davudoğlu onu keçmişdə qalmaqda ittiham edib:

"Bir ay əvvəl belə günlərdə Putin heç belə bir açıqlama verərdi? Birdən-birə Türkiyənin müsəlman ölkə olduğunu, islamlaşmaya doğru getdiyini, ABŞ-la yaxşı münasibətlərdə olduğunu xatırlatdı. Bir fikri ciddi qəbul etmək üçün gərək o fikir konyuktur şərtlərdən kənar olsun. Putinin bu barədə dediyi heç bir sözü ciddi qəbul etmirəm. Bir ay əvvəl lazımsız hesab edilən şeylər indi deyilirsə, özü də belə uşaq tövrü ilə, buna nə deyəsən? Əvvəllər belə hərəkətləri qiyamçılar edərdilər, indi Rusiya edir. Hələ indi Putinin ağlına Türkiyənin daxilində müxalifət formalaşdırmaq gəlib. Belə şeylər dünyada ironik təbəssüm yaradır. Hörmətli prezidentimizin ailəsi ilə bağlı iddiaları gündəmə gətirərkən, dedim ki, bu bir sovetsayağı təbliğatdır. Amma indi Putinin simasında Rusiya adından danışan bir sovet düşüncəsi gördüm. Deyəsən, Putin KQB günlərində qalıb. Amma KQB də, sovet təbliğatı da keçmişdə qaldı. Bunlar ciddi qəbul ediləcək, müasir dövrün ruhuna uyğun açıqlamalar deyil. Mən buna sadəcə təbəssümlə yanaşıram və ciddi qəbul etmirəm."

95
Teqlər:
Vladimir Putin, KQB, Rusiya prezidenti Vladimir Putin, Əhməd Davudoğlu, Türkiyə
Əlaqədar
Türkiyə MTŞ Rusiyaya qarşı cavab tədbirlərini müzakirə edib
"Su-24"ün Türkiyə sərhəddini pozmadığına dair sübutlarımız var
Rusiya faktoru Türkiyə ilə İsraili yaxınlaşdırdı
Yusuf Çınar: Deyəsən Putin Türkiyənin NATO üzvü olduğunu unudub
Vladimir Putin: Atatürk yəqin ki, qəbirdə çevrilir
Rəcəb Tayyib Ərdoğan: Vladimir Putin məni yaxşı tanıyır

Cəbhəboyu ərazilərdə raket, top mərmiləri dronlar zərərsizləşdirildi

2
Aparılmış əməliyyat-axtarış tədbirləri zamanı 9 ədəd partlamamış hərbi sursat (PHS), 2 ədəd hərbi məqsədlər üçün istifadə olunan meteoroloji radiopelenqator və 31 ədəd partlamış mərmi qalıqları aşkar olunub.

BAKI, 25 oktyabr — Sputnik. Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Bərdə, Beyləqan, Füzuli, Goranboy, Naftalan və Tərtər rayonları ərazisinə mərmilərin düşməsi barədə Daxili İşlər Nazirliyinin ″102″ Xidməti-Zəng mərkəzi sistemindən 34 və Fövqəladə Hallar Nazirliyinin Böhran Vəziyyətlərində İdarəetmə Mərkəzindən 1 müraciət daxil olub.

ANAMA-dan Sputnik Azərbaycan-a bildirilib ki, daxil olmuş 35 çağırış əsasında agentliyin xüsusi mobil çevik əməliyyat qrupları tərəfindən Ağcabədi rayonunun Hacılar, Hüsülü, Muğanlı, Rəncbərlər, Təzəkənd kəndləri, Ağdam rayonunun Alıbəyli kəndi, Quzanlı və Səfərli qəsəbəsi, Bərdə rayonunun Qazaxlar və Təhlə kəndləri, Beyləqan rayonunun Dünyamalılar kəndi, Füzuli rayonunun Alxanlı kəndi, Goranboy rayonunun Təklə kəndi, Naftalan rayonunun Qaşaltı, Tərtər rayonunun Azadqaraqoyunlu, Düyərli, Köçərli, Qazyan, Xoruzlu kəndləri, Şıxarx qəsəbəsi, M.Ə.Sabir və Nizami küçələrinə Daxili İşlər Nazirliyinin əməkdaşları ilə birlikdə 28 operativ və təxirəsalınmaz əməliyyat çıxışı həyata keçirilib.

Aparılmış əməliyyat-axtarış tədbirləri zamanı 9 ədəd partlamamış hərbi sursat (PHS), 2 ədəd hərbi məqsədlər üçün istifadə olunan meteoroloji radiopelenqator və 31 ədəd partlamış mərmi qalıqları aşkar olunub.

Agentliyin partlayış qrupu tərəfindən 2 ədəd raket, 8 ədəd top mərmisi və 2 ədəd dron zərərsizləşdirilib, mina təhlükəsinə dair maarifləndirmə üzrə mütəxəsisslər tərəfindən 14 496 nəfər mülkü şəxs arasında mina təhlükəsizliyinə dair maarifləndirmə təbliğatı aparılıb.

2
Mövzu:
Azərbaycan və Ermənistan arasında müharibə
Azərbaycan Respublikası Müdafiə Nazirliyinin binası

MN: Qoşunlarımız Xocavənd, Qubadlı Laçın ərazisində yeni mövqelərə irəliləyib

65
(Yenilənib 08:25 25.10.2020)
Ermənistanın Kotayk vilayətinin Tsaxkadzor yaşayış məntəqəsindən Dağlıq Qarabağa göndərilən ehtiyatdan çağırılmış hərbi vəzifəlilərin böyük hissəsi bölmələrimizin atəş zərbəsi nəticəsində məhv edilib.

BAKI, 25 oktyabr - Sputnik. Oktyabrın 24-ü gün ərzində və 25-nə keçən gecə cəbhənin Ağdərə, Xocavənd, Füzuli, Hadrut, Qubadlı və Laçın istiqamətlərində döyüş əməliyyatları müxtəlif intensivliklə davam edib. Düşmən qoşunlarımızı atıcı silahlar, tanklar, minaatanlar və toplardan atəşə tutub. Bu barədə Sputnik Azərbaycan Müdafiə Nazirliyinə istinadən məlumat verir.

Azərbaycan Ordusunun bölmələri əməliyyat planına uyğun əsas istiqamətlərdə döyüş fəaliyyətlərini davam etdirərək nəzarətə götürülən əraziləri bir qədər də genişləndirib.

Qoşunlarımız cəbhənin Xocavənd, Qubadlı və Laçın rayonları ərazisində düşmənə atəşlə ciddi zərbə vuraraq onun müqavimətini zəiflədib və müxtəlif istiqamətlərdə yeni mövqelərə irəliləyib.

Azərbaycan Ordusunun bölmələrinin Ermənistan silahlı qüvvələrinin Ağdərə və Xocavənd istiqamətlərində yerləşən bölmələrinin atəşə tutması nəticəsində düşmənin canlı qüvvə baxımından çoxlu sayda ölən və yaralananı var. Onun döyüş sursatının tükəndiyi, artilleriya qurğularının isə sıradan çıxarıldığı məlum olub.

Qubadlı istiqamətinə gətirilən Ermənistan silahlı qüvvələri 543-cü alayının 1-ci taborunun bölmələri şəxsi heyət və hərbi texnikada itkilər verərək geri çəkilib.

Ermənistanın Kotayk vilayətinin Tsaxkadzor yaşayış məntəqəsindən Dağlıq Qarabağa göndərilən ehtiyatdan çağırılmış hərbi vəzifəlilərin böyük hissəsi bölmələrimizin atəş zərbəsi nəticəsində məhv edilib.

Azərbaycan Ordusunun keçirdiyi fəaliyyətlər nəticəsində cəbhənin müxtəlif istiqamətlərində düşmənin xeyli sayda canlı qüvvəsi, eləcə də 2 tank, 2 PDM, 4 D-30 haubitsa topu, 1 2A36 “Qiasint-B” topu, 7 ədəd avtomobil texnikası məhv edilib və sıradan çıxarılıb.

Hazırda cəbhə boyu döyüşlər davam edir. Qoşunlarımız əməliyyat şəraitinə nəzarət edir.

65
Mövzu:
Azərbaycan və Ermənistan arasında müharibə