Qulu Məhərrəmli

Televiziyalara qanunsuz sponsorluq edənləri yüksək cərimələr gözləyir

353
(Yenilənib 16:51 17.12.2015)
Qulu Məhərrəmli: "Qanunsuz sponsorluq edənlərə böyük məbləğdə cərimələrin qoyulması bütün hallarda özəl televiziyaların bir çox proqramlarının bağlanmasına gətirib çıxardacaq .

Bakı, 17 dek-Sputnik. Azərbaycanda Kütləvi İnformasiya Vasitələrinə qanunsuz sponsorluq edənlər böyük məbləğdə cərimə olunacaqlar. Bununla bağlı məsələ yeni hazırlanan İnzibati Xətalar Məcəlləsində əksini tapıb.

Telejurnalist, professor Qulu Məhərrəmli Sputnik-ə açıqlamasında deyib ki, bütün məsələlərin qanunla tənzimlənməsi çox gözəldir: "Bizim özəl televiziyaların bir çoxu sponsor köməyi olmadan o verlişləri ərsəyə gətirə bilməz. Bu verlişlər əsasən istehsal, prodüser studiyalarından gəlir. O studiyalarda sponsorun köməyi ilə yazılır, hazırlana bilir. İndiki halda qanunsuz sponsorluq edənlərə böyük məbləğdə cərimələrin qoyulması bütün hallarda özəl televiziyaların bir çox proqramlarının bağlanmasına gətirib çıxardacaq. Çox təəssüf ki, bizdə televiziyaların çoxunda maliyyə qaynaqları şəffaf deyil. Yəni, burada prodüser bir element, bir həlqədir. Əgər biz bütünlüklə bu məsələni həll etmək istəyiriksə, özəl televiziyaların maliyyə mənbələrinin şəffaflığını təmin etməliyik. O zaman bütün məsələlərə aydınlıq gələcək və sponsorluq məsələsi də bunun içində bir detal kimi həll olunacaq. Mövqeyim bundan ibarətdir ki, bütün məsələlər qanun çərçivəsində tənzimlənməlidir".

Sözügedən layihəyə əsasən, teleradio verilişlərinin hazırlanmasında sponsorluqla bağlı "Teleradio və radio yayımı haqqında" qanunun və "Kütləvi informasiya vasitələri haqqında" qanunun tələblərinin pozulmasına görə, fiziki şəxslər 1 000 manatdan 1500 manatadək, vəzifəli şəxslər 2 500 manatdan 3 500 manatadək, hüquqi şəxslər isə 8 000 manatdan 10 000 manatadək miqdarda cərimə ediləcəklər.

İnzibati Xətalar Məcəlləsinin hazırda qüvvədə olan 188-ci maddəsinə əsasən, reklamı qadağan olunmuş məhsulların istehsalçıları və onların satışını həyata keçirən şəxslər tərəfindən kütləvi informasiya vasitələrinə (televiziya və radio yayımı istisna olmaqla) sponsorluğa görə 30 manatdan 50 manatadək miqdarda cərimə tətbiq edilir. Yeni hazırlanan layihədə isə televiziya və radio yayımı ilə bağlı istisna ləğv olunub və cərimələrin bütün KİV-lərə şamil edilməsi nəzərdə tutulub.

Məcəllə layihəsi qəbul olunarsa, 2016-cı ilin mayın 1-də qüvvəyə minəcək.

353
İşğal olunmuş ərazilərimizdə Ermənistan SQ hərbçisi, arxiv şəkli

Qarabağ separatçıları əraziləri itirdiklərini etiraf etdilər

93
Azərbaycan Ordusunun uğurlu əməliyyatı nəticəsində Füzuli–Cəbrayıl istiqamətində Qaraxanbəyli, Şərvənj, Kənd Horadiz, Nüzgar, Yuxarı Abdurrəhmanlı, Aşağı Abdurrəhmanlı, Böyük Mərcanlı kəndləri azad edilib. Həmçinin Murovda əhəmiyyətli yüksəklik alınıb

BAKI, 27 sentyabr - Sputnik. İşğal olunmuş Dağlıq Qarabağdakı separatçılar Azərbaycan ordusunun əks-hücumu nəticəsində bir sıra ərazilərin əllərindən çıxdığını etiraf ediblər.

Sputnik Azərbaycan bildirir ki, bazar günü separatçı rejimin başçısı Araik Arutyunyan mətbuat konfransında bildirib ki, Dağlıq Qarabağda tam miqyaslı müharibə gedir.

“Talış istiqamətində və cənubda mövqelər itirmişik, onlarla ölü və yaralı var”, - o deyib.

Sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub.

Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli və Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki əhali arasında həlak olan və yaralananlar var. Mülki infrastruktur obyektlərinə ciddi ziyan dəyib.

Mülki əhali və hərbi qulluqçular arasında itkilər və yaralılar barədə məlumat dəqiqləşdirilir.

Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

Müdafiə Nazirliyinin mətbuat katibi, polkovnik-leytenant Anar Eyvazov isə açıqlamasında qeyd edib ki, Azərbaycan Ordusunun uğurlu əməliyyatı nəticəsində bir sıra kəndlərimiz azad edilib. A.Eyvazov bildirib ki, hazırkı məlumata görə, Füzuli–Cəbrayıl istiqamətində Qaraxanbəyli, Şərvənj, Kənd Horadiz, Nüzgar, Yuxarı Abdurrəhmanlı, Aşağı Abdurrəhmanlı, Böyük Mərcanlı kəndləri azad edilib. Bundan əlavə, Ağdərə rayonu və Murovdağ istiqamətlərində düşmən postları darmadağın edilib, hakim yüksəkliklər nəzarətə götürülüb.

93
Teqlər:
itki, etiraf, Qarabağ separatçıları, qondarma rejim, erməni təxribatı, cəbhə, Dağlıq Qarabağ münaqişəsi
Əlaqədar
Azərbaycan Ordusu daha bir kəndi erməni işğalından azad edib
Murov dağı silsiləsindəki əhəmiyyətli yüksəklik azad olunub
Ermənistan ordusunun mərmiləri Tərtərdə evləri viran etdi - FOTO
Ermənistan ordusunun öldürdüyü beş nəfərin adları açıqlandı
BMT baş katibi də narahat oldu - Qarabağa görə
İtaliya parlamenti, arxiv şəkli

İtaliya parlamentariləri Ermənistanın təxribatını pislədilər

19
İtalyan senator bildirib ki, münaqişənin həlli BMT Təhlükəsizlik Şurasının müvafiq qətnamələrini əsas götürərək Azərbaycanın ərazi bütövlüyü və beynəlxalq səviyyədə tanınmış dövlət sərhədlərinin toxunulmazlığı prinsiplərinə tam hörməti özündə ehtiva etməlidir

BAKI, 27 sentyabr - Sputnik. İtaliya Senatının Xarici əlaqələr daimi komissiyasının üzvü, iqtidar “5 Ulduz Hərəkatı” partiyasından olan senator Canluka Ferra yerli mətbuata açıqlamasında Ermənistan tərəfindən Azərbaycan silahlı qüvvələrinin mövqelərinə hücumlar vaxtı Azərbaycanın mülki əhalisinin yaşadığı məntəqələrin atəşə tutmasını Cenevrə konvensiyalarının pozulması kimi qiymətləndirib.

Azərbaycan Respublikasının İtaliyadakı Səfirliyindən Sputnik Azərbaycan-a verilən məlumata görə, italyan senator bildirib ki, münaqişənin həlli BMT Təhlükəsizlik Şurasının müvafiq qətnamələrini əsas götürərək Azərbaycanın ərazi bütövlüyü və beynəlxalq səviyyədə tanınmış dövlət sərhədlərinin toxunulmazlığı prinsiplərinə tam hörməti özündə ehtiva etməlidir.

İtalyan senator, habelə Azərbaycan və Ermənistan arasındakı münaqişənin kəskinləşməsindən və yeni böhranın Avropanın kandarında beynəlxalq müdaxilə riskini artırmasından narahatlığını ifadə edib. Canluka Ferra Ermənistan tərəfindən işğal edilmiş Azərbaycan ərazilərində vəziyyətin daha da pisləşməməsi üçün uzun müddətdir ki, durğun vəziyyətdə olan effektiv danışıqların bərpa edilməsinə dəstəyini ifadə edib, Avropa İttifaqınin diplomatik kanallardan istifadə edərək toqquşmaların dayandırılmasına zəmanət verə biləcəyinə ümid etdiyini deyib.

İtalyan senatorun açıqlaması İtaliyanın "İl Tempo", "Agenzia Nova", "Politicamente Corretto", "Adnkronos", "Fortune İtalia", "Maxim İtalia", "Notize Yahoo", "Libero Quotidiano", "TW News" kimi kütləvi informasiya vasitələri tərəfindən dərc edilib.

İtaliyanın "Agenzia Nova" xəbər agentliyinə açıqlamasında İtaliya Parlamentində İtaliya-Azərbaycan Dostluq Assosiyasının sədri, Liqa partiyasından olan deputat Rossana Boldi son saatlar Azərbaycan və Ermənistan arasında silahlı toqquşmaların artmasından böyük narahatlığını ifadə edib.

Deputat ümidvar olduğunu bildirib ki, İtaliya Minsk Qrupunun üzvü kimi dövlətlərin ərazi bütövlüyü və beynəlxalq səviyyədə sərhədlərinin toxunulmazlığı prinsiplərinə hörmətə əsaslanaraq, eləcə də BMT Təhlükəsizlik Şurasının 1993-cü il qətnamələrindən irəli gələrək Dağlıq Qarabağ probleminin sülh yolu və danışıqlar vasitəsilə həlli məqsədilə öz səylərini gücləndirəcək.

19
Teqlər:
parlament, İtaliya, erməni təxribatı, cəbhə xətti, ön cəbhə, Dağlıq Qarabağ münaqişəsi
Əlaqədar
BMT baş katibi də narahat oldu - Qarabağa görə
Ermənistan ordusunun öldürdüyü beş nəfərin adları açıqlandı
Azərbaycan XİN: Ermənistan rəsmisinin irqçi və şovinist açıqlamasını pisləməyə çağırırıq
Baş Prokurorluq: Ermənilərin son təxribatı ilə bağlı 4 maddə üzrə cinayət işi başlanıb
Azərbaycan Ermənistana qarşı tribunalın yaradılması üçün müraciət edəcək