Roket krüvazörü

Qara dənizdə rus-türk münaqişəsi baş verib

20
Türkiyə bayrağı altında üzən naməlum gəmi Rusiyaya məxsus "Çernomorneftqaz" qazma qurğusunun yerdəyişməsinə mane olub.

BAKI, 14 dek-Sputnik. Türkiyə bayrağı altında üzən naməlum gəmi Rusiyaya məxsus "Çernomorneftqaz" qazma qurğusunun yerdəyişməsinə mane olub.

Sputnik-in xəbərinə görə, qazma qurğusunun yerdəyişməsi zamanı türk bayrağı altında üzən ticarət gəmisi istiqamətini dəyişməyərək qəza vəziyyəti yaradıb.
Guya türk gəmisinin kapitanı radiomübadilə zamanı çağırışlara cavab verməyib. Rusiya Federal Təhlükəsizlik Xidmətinin Sərhəd Xidmətinin keşikçi kateri və Qara dəniz donanmasının raket kateri türk bayrağı altında üzən gəmini kursunu dəyişməyə məcbur ediblər.

Rusiya Müdafiə Nazirliyinin açıqlamasına əsasən dekabrın 13-də Egey dənizində Rusiyaya məxsus hərbi gəmi Türkiyə balıqçı gəmisinə xəbərdarlıq atəşi açıb.

20
Teqlər:
bayraq, türk, Egey dənizi, Rusiya Müdafiə Nazirliyi, Qara dəniz, Qara dəniz donanması, Rusiya, Çernomorneftqaz, Rusiya Federal Təhlükəsizlik Xidmətinin Sərhəd Xidməti, Türkiyə
Əlaqədar
Rusiyanın hərbi gəmiləri İstanbulda
Rusiya sualtı gəmisi Aralıq dənizinin Suriya sahillərinə çatıb
Arxeoloji qazıntılar, arxiv şəkli

Yeddi min ilin sirri - Polşada qədim xəndəklər aşkar edilib

9
(Yenilənib 23:51 06.07.2020)
Polşada daha əvvəl buna bənzər tapıntı aşkarlanmayıb. Ancaq Slovakiyada, Çexiyada, Macarıstanda və digər ölkələrdə buna bənzər çıxıntılar - quruluşlar hələ də qalıb.

BAKI, 7 iyul — Sputnik. Arxeoloqlar qrupu Polşanın şimalında naməlum mənşəli xəndəklər sistemi aşkarlayıb. Sputnik Azərbaycan xarici mətbuata istinadla xəbər verir ki, tədqiqatlarla müəyyən edilib ki, hündürlükdən onlar tək şəkil kimi görünürmüş.

Xəndəklər ilk dəfə "Google Maps" və "Google Earth" xəritələrinin köməyi ilə gözə çarpıb. Alimlərin fikrincə, obyektlərin 7 minə yaxın yaşı var.

Polşada daha əvvəl buna bənzər tapıntı aşkarlanmayıb. Ancaq Slovakiyada, Çexiyada, Macarıstanda və digər ölkələrdə buna bənzər çıxıntılar - quruluşlar hələ də qalıb.

Xəndəklər bir mərkəz ətrafında oval şəklində qazılıb və bəzi yerlərdə torpaq "körpülər" qorunub saxlanılıb.

Xəndəklərin eni üç metr, dərinliyi iki metrdir. Ən böyüyünün diametri 85 metr təşkil edir. Yəqin ki, qədim tayfalar onları sümük alətlərinin köməyi ilə qazıblar, bu da çox səy və vaxt tələb edib. Arxeoloqların sözlərinə görə, gil torpaqlarda müasir avadanlıqlarla belə qaıntı aparmaq çətindir.

Elm adamları bu quruluşların ritual məna kəsb etdiyini düşünürlər. Ancaq burada hansı ayinlərin keçirildiyi hələ müəyyən edilməyib. İçəridə olan qədim kömür izləri burada hansısa tikilinin olduğunu və sonradan yandığını sübut edir.

9
London, arxiv şəkli

Fərdi sanksiyalar! Britaniya rusiyalılara səudiyyəlilərə qarşı "müharibəyə" başlayır

4
(Yenilənib 23:01 06.07.2020)
Bəzi rusiyalılara Birləşmiş Krallığa daxil olmaq qadağan ediləcək və onların Britaniya banklarındakı hesabları dondurulacaq.

BAKI, 6 iyul — Sputnik. Böyük Britaniyanın Xarici İşlər naziri Dominik Raab bazar ertəsi "Maqnitski düzəlişi" çərçivəsində insan hüquqlarının pozulmasına görə barəsində sanksiyalar tətbiq ediləcək Rusiya və Səudiyyə Ərəbistanı vətəndaşlarının adlarını açıqlayacaq.

Sputnik Azərbaycan xəbər verir ki, bu barədə "Financial Times" qəzeti nazirin özünə istinadən məlumat yayıb.

Nəşrin məlumatına görə, bəzi rusiyalılara Birləşmiş Krallığa daxil olmaq qadağan ediləcək və onların Britaniya banklarındakı hesabları dondurulacaq. "Financial Times" yazır ki, sanksiya siyahısında "işgəncə icraçılarının, qatillərin və təcavüzkarların" adları olacaq.

Raabın qara siyahısına, Londonun fikrincə, 2009-cu ildə hüquqşünas Sergey Maqnitskinin ölümündə əli olan şəxslərin adları da daxil ediləcək. Nəşrin məlumatına görə, sanksiyalar dərhal qüvvəyə minəcək.

Qəzetin yazdığına görə, siyahıda müxalifətçi jurnalist Camal Qaşıqçının öldürülməsində əli olduğu şübhəli bilinən Səudiyyə Ərəbistanı təbəələrinin də adları olacaq.

4