Müqtəda Əs Sədr - İraq şiələrinin lideri

Şiə lider Türkiyəni müharibə ilə hədələdi

161
(Yenilənib 18:28 12.12.2015)
İraq Ankaradan öz hərbçilərini Mosuldan geri çağırmağı tələb edir.

BAKI, 12 dek-Sputnik. İraqdakı şiə liderlərdən biri Müqtəda Əs Sədr Türkiyəni işğalçı adlandırıb və onu müharibə ilə hədələyib. 

Sputnik Türkiyənin "Hürriyət" qəzetinə istinadən xəbər verir ki, Əs Sədr "Türkiyə işğalı qapıdadır" deyə bildirib.

İraqın Nəcəf şəhərindəki Kufə məscidindəki xütbəsində camaata xitab edən Əs Sədr Amerika işğalına qarşı döyüşdüklərini vurğulayıb: "Türk işğalı qapıdadır. Bəzi qruplar buna qarşı həm hərbi, həm də başqa yollarla döyüşür. Bu qruplar əgər vəzifələrini yerinə yetirə bilməsələr, biz müdaxilə etməyə və Türkiyə ilə də savaşmağa hazırıq".

İraqın paytaxtı Bağdad başda olmaqla bu gün Bəsrə, Meysan və Babildə sui-qəsdçilər əleyhinə təşkil edilən izdihamlı nümayişlərdə Türkiyənin Mosula əsgər göndərməsinə də etiraz bildirilib. Ankaradan öz hərbçilərini geri çağırmaq tələb olunub.

Bəsrə vilayətinin Məclisinin toplantısında Türkiyə mallarının boykot edilməsi barədə qərar çıxarılıb. Bundan əlavə Məclis, təşkil edəcəyi tenderlərə Türkiyə firmalarını buraxmamaq barədə qərar qəbul edib.

Məclis Bəsrədə keçirilən 70 firma və 10 ölkənin qatıldığı beynəlxalq sərgiyə Türkiyənin sponsorluğunu da ləğv edib. Türkiyənin sponsorluq edən şirkəti sərginin bir Misir şirkəti tərəfindən təşkil etdiyini bildirib.

Sabah Bəsrədə şiə milislərin başçılığı altında nümayişin keçirilməsi planlaşdırılır.

161
Teqlər:
Kufə, Nəcəf, lider, şiə, Misir, Babil, Meysan, Bəsrə, Mosul, Türkiyə, Müqtəda Əs Sədr, İraq
Eldar Qasımov və Nigar Camal, arxiv şəkli

"Avroviziya-2021"-də Azərbaycandan olan səsverməni elan edəcək şəxslərin adları açıqlanıb

3
(Yenilənib 12:04 18.05.2021)
Eldar və Nigar yarışmanın qaydalarına əsasən, mayın 22-də final gecəsi iştirakçıların taleyini həll edəcək jüri ballarını İctimai Televiziyanın canlı efirində səsləndirəcəklər. Verilən xallar müsabiqə iştirakçılarının aktivinə əlavə olunacaq.

BAKI, 18 may — Sputnik. İctimai Televiziya və Radio Yayımları Şirkəti "Avroviziya-2021" mahnı müsabiqəsində Azərbaycandan olan səsverməni elan edəcək şəxslərin adlarını açıqlayıb. Sputnik Azərbaycan xəbər verir ki, məşhur mahnı müsabiqəsində iştirakçılara ölkəmizdən münsiflər tərəfindən veriləcək səsləri 10 il əvvəl, 2011-ci ildə 221 xalla birinci olaraq "Avroviziya"nı Azərbaycana gətirən Eldar Qasımov və Nigar Camal elan edəcəklər.

Eldar və Nigar yarışmanın qaydalarına əsasən, mayın 22-də final gecəsi iştirakçıların taleyini həll edəcək jüri ballarını İctimai Televiziyanın canlı efirində səsləndirəcəklər. Verilən xallar müsabiqə iştirakçılarının aktivinə əlavə olunacaq.

Qeyd edək ki, yarımfinal mərhələləri bu gün və mayın 20-də keçiriləcək mahnı müsabiqəsində təmsilçimiz Samirə Efendi "Mata Hari" adlı bəstə ilə birinci yarımfinalda çıxış edəcək.

Şüarı "Open up!" olan müsabiqənin Azərbaycan üzrə şərhçiləri isə müğənni Murad Arif və aparıcı Hüsniyə Məhərrəmova olacaq.

Müsabiqə İctimai Televiziyanın efirində canlı olaraq yayımlanacaq.

3
Ləki-Qəbələ dəmiryolu ilə hərəkət edəcək Stadler qatarı

Ləki-Qəbələ dəmir yolu istifadəyə hazırdır

14
İlk sərnişinləri jurnalistlər olan dəmir yolu xəttində İsveçrənin "Stadler Rail Group" şirkətinin istehsalı olan dördvaqonlu ikimərtəbəli sürət qatarından istifadə olunacaq. Qatar standart, biznes və birinci sinif vaqonlardan ibarətdir.

BAKI, 18 may — Sputnik, Zülfiyyə Quluyeva. Artıq Ləkidən Qəbələyə qatarla getmək mümkün olacaq. Bu gün qatarla media tur təşkil olunub. Beləliklə, sözügedən qatarın ilk sərnişinləri jurnalistlər olub.

"Azərbaycan Dəmir Yolları" QSC-nin Mətbuat katibliyi şöbəsindən Sputnik Azərbaycan-a verilən məlumata görə, Ləki–Qəbələ birxətli dəmir yolunun tikinti işlərinə 2018-ci ildə başlanılıb. Dəmir yolu xəttinin uzunluğu ox üzrə 42.3 km, yan yollarla birlikdə isə 44.5 km təşkil edir. Ləki – Qəbələ birxətli dəmir yolu xətti çətin dağlıq relyefdə layihələndirildiyinə görə torpaq yatağı yüksək qazma (90m) və tökmələrdən (12m) keçir. Ümumilikdə layihə üzrə 122 ədəd (o cümlədən 7 körpü, 1 yolötürücü, 6 avtomobil alt keçidi, 2 heyvan keçidi və 106 suötürücü boru) süni mühəndis qurğusu, Ağdaş dəmir yolu dayanacağı, Qəbələ dəmir yolu stansiyası, Qəbələ dartı yarımstansiyasının tikintisi və Hacıalı yarımstansiyasının təmir işləri aparılıb.

Bakıdan Qəbələyədək dəmir yolu xətti 311 km, qatarın yolda olma müddəti 3 saat 20 dəqiqə təşkil edir. Dəmir yolu xəttində İsveçrənin "Stadler Rail Group" şirkətinin istehsalı olan dördvaqonlu ikimərtəbəli sürət qatarından istifadə olunacaq. Qatar standart, biznes və birinci sinif vaqonlardan ibarətdir. Vaqonlardakı yerlərin ümumi sayı 363-dür, bunlardan 293-ü standart, 61-i biznes, 9-u isə birinci sinif yerlərdir.

Yağış sularının kənarlaşdırılması və torpaq yatağının dayanıqlığını təmin etmək məqsədilə 16855 paqon metr beton qanov, 430 paqon metr drenaj xətti və 277 paqon metr istinad divarının tikintisi tamamlanıb. Dəmir yoluna paralel olaraq layihə üzrə 10kV-luq sərbəst yan qidalandırıcı elektirik verilişi xətti və kontakt şəbəkəsi quraşdırılıb. Həmçinin rabitə və işarəvermə işləri istismara hazır vəziyyətə gətirilib. Sürətli qatarın təhlükəsizliyini təmin etmək üçün dəmir yolunun təhkim zolağı boyunca 84600 paqon metr metal hasar quraşdırılıb.

14