Nobel Sülh Mükafatı - 2015-Tunis milli dialoq Kvarteti

Bu ilin Nobel Sülh Mükafatı sahibinə təqdim edildi

22
Kaci Kullmann Five: "Builki təltif hazırda mövcud olan müharibə və qarşıdurma şəraitində əsl sülh mükafatını təcəssüm edir.

BAKI, 10 dek-Sputnik. Norveçin paytaxtı Oslo Şəhər Ratuşasında keçirilən mərasimdə bu ilki Nobel Sülh mükafatı laureatı olan "Tunis milli dialoq Kvarteti" təşkilatının fəallarına bu ölkənin Kralı V Haraldın iştirakı ilə üzərində Nobelin təsvir edildiyi qızıl medal, diplom və pul mükafatları təqdim olunub.

Tədbirdə Norveç Kral ailəsi, ölkənin Baş naziri, hökumət üzvləri də iştirak ediblər.

Mərasimdə çıxış edən Norveçin Nobel Komitəsinin rəhbəri Kaci Kullmann Five deyib: "Builki təltif hazırda mövcud olan müharibə və qarşıdurma şəraitində əsl sülh mükafatını təcəssüm edir. Biz təlatümlü dövrdə yaşayırıq, Şimali Afrika, Yaxın Şərq və Avropada milyonlarla insan müharibədən əziyyət çəkir, terrordan və zülmdən qaçmağa məcburdur. Əgər hər bir ölkə Tunisdə dialoqa, tolerantlığa, demokratiyaya və bərabər hüquqlara zəmin yaratsaydı daha az insan qaçmağa məcbur olardı".

Qeyd edək ki, "Kvartet" bu mükafata 2011-ci ildə Tunisdə baş verən inqilabdan sonra ölkədə milli dialoqun və plüralist demokratiyanın yaradılmasına töhfəsinə görə layiq görülüb.

"Kvartet"ə Tunis vətəndaş cəmiyyətinin dörd mühüm təşkilatı daxildir. Tunis vətəndaşları, siyasi partiyaları və hakimiyyət orqanları arasında dialoq məhz bu təşkilat sayəsində mümkün olub. Təşkilat 2013-cü ildə yaradılıb və geniş əhatəli milli dialoq sayəsində Tunisdə zorakılıq dalğasını dayandıra bilib.

Mükafatlandırma mərasimindən sonra qonaqlar üçün rəsmi bayram ziyafəti təşkil olunub.

22
Teqlər:
Baş nazir, Norveç Kral ailəsi, Kvartet, Tunis, Avropa, Yaxın Şərq, Şimali Afrika, Tunis milli dialoq Kvarteti, Oslo Şəhər Ratuşası, Norveçin Nobel Komitəsinin rəhbəri Kaci Kullmann Five, Oslo, Norveç
Ukrayna Prezidenti Vladimir Zelenski, arxiv şəkli

Zelenskidən Putinə təklif: Donbasda görüşək

2
Bundan öncə Zelenski bildirib ki, Kiyevi beynəlxalq tərəfdaşları dəstəkləyirlər və onlar Ukraynanın cənub-şərqindəki vəziyyətə görə Moskvaya qarşı daha sərt sanksiyalar hazırlayırlar.

BAKI, 20 aprel - Sputnik. Ukrayna Prezidenti Vladimir Zelenski rusiyalı həmkarı Vladimir Putinə Donbasda görüşməyi təklif edir. 

Sputnik Azərbaycan bu barədə RİA Novosti-yə istinadən məlumat verir. 

"Cənab Putin, mən sizə Donbasın müharibə gedən istənilən nöqtəsində görüşməyi təklif etməyə hazıram", - Ukrayna lideri söyləyib.

Bundan öncə Zelenski bildirib ki, Kiyevi beynəlxalq tərəfdaşları dəstəkləyirlər və onlar Ukraynanın cənub-şərqindəki vəziyyətə görə Moskvaya qarşı daha sərt sanksiyalar hazırlayırlar.

Donbasda münaqişə 7 ildir ki, davam edir. 

2
Teqlər:
Donbas, görüş, Vladimir Putin, Vladimir Zelenski
ABŞ Dövlət Departamenti, arxiv şəkli

ABŞ Dövlət Departamenti Rusiyanı "təcavüzkar" adlandırdı

4
(Yenilənib 23:14 20.04.2021)
Ned Prays təsdiq edib ki, Vaşinqtonda "RF-in Ukraynaya qarşı davam edən aqressiv hərəkətlərindən narahatdırlar". 

BAKI, 20 aprel - Sputnik. ABŞ Dövlət Departamenti Rusiya-Ukrayna sərhədindəki vəziyyət kontekstində Rusiyanı "təcavüzkar" kimi nəzərdən keçirir və Kiyevin gərginliyi təhrik edəcək addımlar atmasının hansısa əlamətini görmür. 

Sputnik Azərbaycan RİA Novosti-yə istinadən bildirir ki, bunu Amerikanın diplomatik idarəsinin rəsmi nümayəndəsi Ned Prays söyləyib.

"İcazə verin, fikrimi aydın izah edim: bu situasiyada Rusiya aqressordur. Biz Ukraynanın təxribatla məşğul olması, yaxud gərginlik yaratdığının hansısa əlamətini sezməmişik. Bizim gördüyümüz  Rusiyanın dezinformasiya kampaniyasıdır: əslində Kremlin gördüyü işləri Ukraynanın boynuna atmaq", - Prays brifinqdə deyib.

O təsdiq edib ki, Vaşinqtonda "RF-in Ukraynaya qarşı davam edən aqressiv hərəkətlərindən narahatdırlar". 

Son günlər qərb ölkələri Rusiya ilə Ukrayna sərhədində baş verən gərginlikdən narahatlıqlarını ifadə edirlər. Rusiya Prezidentinin sözçüsü Dmitri Peskov isə bəyan edib ki, Rusiya öz ordusunu öz ərazisi daxilində və öz bildiyi kimi hərəkət etdirir. Onun sözlərinə görə, bu heç kimə təhdid yaratmır və heç kimi narahat etməməlidir.

4