Yük maşını qəzası

Yol qəzaları ilə bağlı dəhşətli rəqəmlər

71
11 ayda 816 nəfər həlak olub, 2069 nəfər xəsarət alıb.

BAKI, 9 dek-Sputnik. Azərbaycanda 11 ay ərzində baş vermiş yol-nəqliyyat hadisələri ilə bağlı statistika açıqlanıb.

Sputnik Baş Dövlət Yol Polisi İdarəsinin ictimaiyyətlə əlaqələr şöbəsinin rəisi Kamran Əliyevə istinadən xəbər verir ki, 11 ay ərzində respublikanın avtomobil yollarında 2033 yol-nəqliyyat hadisəsi qeydə alınıb. Baş vermiş qəzalarda 816 nəfər həlak olub, 2069 nəfər xəsarət alıb.

Bu müddət ərzində 837 qəza piyadaların vurulması nəticəsində baş verib. Nəticədə 302 piyada ölüb, 612 nəfər isə müxtəlif dərəcəli bədən xəsarətləri alıb.

Ötmə qaydalarının pozulması və qarşıdan gələn avtomobilin nəqliyyat zolağına çıxması nəticəsində 753 qəza qeydə alınıb. Nəticədə 294 nəfər dünyasını dəyişib, 870 nəfər yaralanıb.

11 ayda 571 qəza sürət həddinin aşılması nəticəsində baş verib. Həmin qəzalarda 267 nəfər ölüb, 465 nəfər isə yaralanıb.

Dəmiryolu keçidlərinin keçilməsi ilə bağlı baş verən 3 qəzada bir nəfər ölüb, 5 nəfər xəsarət alıb.

Sərxoş vəziyyətdə avtomobilin idarə edilməsi nəticəsində 48 qəza baş verib. Nəticədə 24 nəfər həlak olub, 61 nəfər yaralanıb.

Qeyd olunan dövr ərzində 75 qəza avtobus sürücüləri tərəfindən törədilib. Nəticədə 28 nəfər ölüb, 87 nəfər xəsarət alıb.

Yük avtomobilləri tərəfindən baş verən 122 qəzada 68 ölüm, 110 yaralanma faktı qeydə alınıb.

Uşaqların iştirakı ilə baş verən qəzalarda 64 azyaşlı ölüb, 195 uşaq xəsarət alıb.

K. Əliyev bildirib ki, ötən ilin müvafiq dövrü ilə qəzaların sayı 396 fakt, ölənlərin sayı 207 nəfər, xəsarət alanların sayı isə 383 fakt azalıb.

71
Teqlər:
sürücü, uşaqlar, yol qəzası, qəza, avtomobil qəzası, avtomobil, yol-nəqliyyat hadisələri, Baş Dövlət Yol Polisi İdarəsinin ictimaiyyətlə əlaqələr şöbəsinin rəisi Kamran Əliyev, Baş Dövlət Yol Polisi İdarəsi, Kamran Əliyev, Azərbaycan
Türkiyə Böyük Millət Məclisi

Türkiyənin parlament partiyaları bəyanat yaydı: Azərbaycanın yanında olmağa davam edəcəyik

0
Türkiyənin parlament partiyaları birgə bəyanat yaydı: "Ermənistan sadəcə bölgədə sülhün qarşısında olduğunu göstərib. Beynəlxalq ictimaiyyəti Azərbaycanın yanında durmağa çağırırıq".

 

BAKI, 28 sentyabr — Sputnik. Türkiyə Böyük Millət Məclisində (TBMM) təmsil olunan 5 siyasi partiyadan 4-ü - Ədalət və İnkişaf Partiyası (AKP), Cümhuriyyət Xalq Partiyası (CHP), Milliyyətçi Hərəkat Partiyası (CHP) və İyi Partiya Ermənistanın Azərbaycana qarşı növbəti hərbi təxribatı ilə bağlı birgə bəyanat yayıb.

Sputnik Türkiyə-nin məlumatına görə, bəyanatda Ermənistanın Azərbaycana qarşı hücumları pislənilib:

"Ermənistanın hücumlarını ən güclü şəkildə qınayırıq. Türkiyə Azərbaycanın yanında olmağa davam edəcək. Ermənistan sadəcə bölgədə sülhün qarşısında olduğunu göstərib. Beynəlxalq ictimaiyyəti Azərbaycanın yanında durmağa çağırırıq".

Qeyd edək ki, Xalqların Demokrat Partiyası (HDP) bəyanatı imzalamayıb.

0
Əlaqədar
Türkiyə XİN Qarabağdakı təxribatla bağlı bəyanat yaydı
Ərdoğan: "Türkiyə Azərbaycanın yanındadır. Artıq hesab vaxtı gəldi"
Ərdoğan Əliyevə zəng etdi: "Türkiyə Azərbaycanın yanındadır"
 Distant təhsil, arxiv şəkli

Distant təhsil bir müddət dayandırılsın - ekspert səbəbi açıqladı

9
(Yenilənib 18:30 28.09.2020)
VPN texnologiyadan istifadə edərkən trafik digər bir tanınmayan şirkət üzərindən ötürüldüyündən həm ölkənin informasiya təhlükəsizliyi üçün və həm də fərdi məlumatların təhlükəsizliyi üçün müəyyən risklər yaranır.

BAKI, 28 sentyabr — Sputnik. "İnternetə və bəzi sosial media resuslarına tətbiq olunan məhdudiyyətlərlə bağlı ali və orta təhsil pilləsində distant təhsilin bir müddət dayandırılması doğru olardı".

Sputnik Azərbaycan xəbər verir ki, bu barədə Azərbaycan İnternet Forumunun prezidenti Osman Gündüz danışıb.

O, qeyd edib ki, bu həm də "WhatsApp"dan istifadə edən valideynlərin, müəllimlərin və təhsil alanların kütləvi olaraq VPN yükləməsinin qarşısını alardı.

"VPN texnologiyadan istifadə edərkən trafik digər bir tanınmayan şirkət üzərindən ötürüldüyündən, həm ölkənin informasiya təhlükəsizliyi üçün və həm də fərdi məlumatların təhlükəsizliyi üçün müəyyən risklər yaranır. Ümid edirəm, Təhsil Nazirliyi bunları nəzərə alaraq zəruri tədbirlər görəcək" - Osman Gündüz qeyd edib.

9