Taleh Bağırov - “Müsəlman birliyi hərəkatı” təşkilatının sədri

Məhkəmə Taleh Bağırovun şikayətini rədd etdi

51
Apellyasiya Məhkəməsi Nərimanov rayon Məhkəməsinin Taleh Bağırov barəsində 4 ay müddətinə həbs qətimkan tədbiri seçilməsi qərarını qüvvədə saxlayıb.

BAKI, 2 dek-Sputnik. Bakı Apellyasiya Məhkəməsində "Müsəlman Birliyi" adlı hərəkatın həbsdə olan rəhbəri Taleh Bağırovun apellyasiya şikayətinə baxılıb.

Sputnik xəbər verir ki, məhkəmə şikayəti təmin etməyib.

Taleh Bağırov noyabrın 26-da hüquq-mühafizə orqanlarının əməkdaşlarının Bakının Nardaran qəsəbəsində keçirdikləri xüsusi əməliyyat zamanı saxlanılıb. Nərimanov rayon Məhkəməsinin qərarı ilə onun barəsində 4 ay müddətinə həbs qətimkan tədbiri seçilib. Həmin qərarla razılaşmayan Bağırov vəkili vasitəsi ilə şikayət verərək qərarın ləğv olunmasını istəyib.

Bağırov Cinayət Məcəlləsinin 214.2.1-ci (Terrorçuluq, qabaqcadan əlbir olan bir qrup şəxs, mütəşəkkil dəstə və ya cinayətkar birlik (cinayətkar təşkilat) tərəfindən törədildikdə), 220.2-ci (Kütləvi iğtişaş, hakimiyyət nümayəndəsinin qanuni tələblərinə fəal şəkildə tabe olmamağa və kütləvi iğtişaşlara, habelə vətəndaşlara qarşı zorakılıq etməyə çağırışlar etmə) 278-ci (Hakimiyyəti zorla ələ keçirmə və ya onu zorla saxlama), 279.3-cü (Qanunvericiliklə nəzərdə tutulmayan silahlı birləşmələri və ya qrupları yaratma, adamların həlak olmasına və ya digər ağır nəticələrə səbəb olduqda), 281.2-ci (Dövlət əleyhinə yönələn açıq çağırışlar, təkrar və ya bir qrup şəxs tərəfindən törədildikdə), 283.2.3-cü (Milli, irqi, sosial və ya dini nifrət və düşmənçiliyin salınması mütəşəkkil dəstə tərəfindən törədildikdə), 315.2-ci (Hakimiyyət nümayəndəsinə qarşı həyat və sağlamlıq üçün təhlükəli olan zor tətbiq etmə) maddələri ilə ittiham olunur.

51
Teqlər:
cinayət məcəlləsi, Nardaran, Nərimanov rayon Məhkəməsi, Bakı Apellyasiya Məhkəməsi, Müsəlman birliyi, Taleh Bağırov, Azərbaycan