CƏMİYYƏT
Cəmiyyətin həyatında baş verən aktual hadisələr

Bakıda partlayış olub

© youtube.comPartlayış
Partlayış - Sputnik Azərbaycan
Abunə olmaq
Yanğınsöndürənlər hadisə yerində bir qadının cəsədini tapıblar.

BAKI, 30 noy-Sputnik. Bakının Yasamal rayonunda vətəndaşa məxsus ümumi sahəsi 60 kv.m olan taxta konstruksiyadan ibarət kafedə maye qaz balonunun sızması nəticəsində yanğınla nəticələnən partlayış hadisəsi baş verib.

Sputnik Fövqəladə Hallar Nazirliyinin saytına istinadən xəbər verir ki, yanğın nəticəsində kafenin yanar konstruksiyaları və ona bitişik "Qeyri-standart avadanlıqları zavodu"nun istehsalat sexinin dam örtüyü 5 kv.m, tavan hissəsi 1 kv.m sahədə yanıb.

Yanğının kəşfiyyatı zamanı 1936-cı il təvəllüdlü Əsli Əhməd qızı Qasımovanın cəsədi yanğınsöndürənlər tərəfindən aşkarlanaraq aidiyyəti üzrə təhvil verilib. Bitişik sexin qalan hissəsi və digər obyektlər yanğından mühafizə olunub.

Yanğın saat 11:30-da yanğınsöndürənlər tərəfindən söndürülüb.
Hadisə ilə əlaqədar müvafiq qurumlar tərəfindən təhqiqat aparılır.

Xəbər lenti
0