Milli Məclis

DSMF-nin 2016-ci il üçün büdcə layihəsi müzakirə edilib

234
(Yenilənib 22:10 12.10.2015)
Fondun sədri Elman Mehdiyev bildirdi ki, növbəti ildə qurumun büdcəsinin gəlirləri və xərclərin 3.78,6 milyon manat səviyyəsində planlaşdırılır. Bu da 2015-ci il büdcəsindən 0,7% çoxdur.

BAKI, 7 okt — Sputnik. 2016-cı ildə Azərbaycanda yaşayış minimumu 136 manat, ehtiyac meyarı isə 105 manat təşkil edəcək.

Sputnik xəbər verir ki, bunu Milli Məclisin Sosial siyasət komitəsinin sədri Hadı Rəcəbli bu gün komitənin iclasında Dövlət Sosial Müdafiə Fondunun (DSMF) 2016-ci il büdcəsinin müzakirəsi zamanı deyib.

Onun sözlərinə görə, növbəti ildə həm yaşayış minimumu, həm də ehtiyac meyarında artım olacaq: “Əgər 2006-cı ildə yaşayış minimumu 64 manat, 2015-ci ildə 131 manat olubsa, 2016-cı ildə bu rəqəm 136 manat olacaq. Ehtiyac meyarı 2006-cı ildə 30 manat idisə, 2016-ci ildə bu rəqəm 105 manat təşkil edəcək. Bu da 3 dəfə artım deməkdir”.

Sənaye və iqtisadiyyat nazirinin müavini Sevinc Həsənova çıxışında bildirdi ki, cari ildə ölkədə orta aylıq əmək haqqı 458 manat təşkil etdiyindən yaşayış minimumu və ehtiyac meyarı tələblərə cavab verir. “Amma növbəti ildə orta aylıq əmək haqqı 474,5 manat proqnozlaşdırıldığından yaşayış minimumu və ehtiyac meyarında da müəyyən artım olacaq. Düzdür, biz istəyirik ki, ölkədki yaşayış minimumu inkişaf etmiş ölkələrdəki səviyyədə olsun, amma indiki halda hələ bunu etməyə imkanımız yoxdur. Ancaq bu, bizim fəaliiyətimizin prioritet istiqamətlərindədndir.”

Komitədə eyni zamanda  DSMF-nin 2016-ci il üçün büdcə layihəsi müzakirə edildi. Fondun sədri Elman Mehdiyev bildirdi ki, növbəti ildə  qurumun büdcəsinin gəlirləri və xərclərin 3.78,6 milyon manat səviyyəsində planlaşdırılır. Bu da  2015-ci il büdcəsindən 0,7% çoxdur.


234
Bakıda buludlu hava, arxiv şəkli

İstirahət gününün havası açıqlandı

4
(Yenilənib 12:41 23.01.2021)
Havanın temperaturu Abşeron yarımadasında gecə 1-3 dərəcə isti, gündüz 6-8, Bakıda gecə 1-3 dərəcə isti, gündüz 6-8 dərəcə isti olacaq.

BAKI, 23 yanvar — Sputnik. Bakıda və Abşeron yarımadasında yanvarın 24-də havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

Milli Hidrometeorologiya Xidmətindən Sputnik Azərbaycan-a verilən məlumata görə, mülayim cənub-qərb küləyi əsəcək. Havanın temperaturu Abşeron yarımadasında gecə 1-3 dərəcə isti, gündüz 6-8, Bakıda gecə 1-3 dərəcə isti, gündüz 6-8 dərəcə isti olacaq. Atmosfer təzyiqi normadan yüksək 770 mm civə sütunu təşkil edəcək, nisbi rütubət gecə 70-80 faiz, gündüz 50-55 faiz olacaq. Azərbaycanın rayonlarında hava şəraitinin əsasən yağmursuz keçəcəyi gözlənilir. Ayrı-ayrı yerlərdə duman olacaq. Qərb küləyi əsəcək. Havanın temperaturu gecə 1-6 dərəcə şaxta, gündüz 7-10 dərəcə isti, dağlarda gecə 5-10 dərəcə şaxta, gündüz 0-5 dərəcə isti olacaq. Gecə və səhər dağlıq və dağətəyi rayonlarda yolların buz bağlayacağı ehtimalı var.

Tibbi-meteoroloji proqnoza gəlincə, yanvarın 24-də meteoroloji amillərin mülayim tərəddüdü gözlənilir ki, bu da meteohəssas insanlar üçün əsasən əlverişlidir.

4
Gənclər və İdman naziri Azad Rəhimov, arxiv şəkli

Gənclər İdman naziri Azad Rəhimovdan xəbər var

34
(Yenilənib 12:02 23.01.2021)
Presviterian Veyl Kornell Hospitalın nümayəndəsi "Report"a açıqlamasında A.Rəhimovun bu hospitalda müalicə olunduğunu və başqa xəstəxanaya köçürüldüyünü təsdiqləyib.

BAKI, 23 yanvar - Sputnik. Səhhətində problemlər yaranan Azərbaycanın gənclər və idman naziri Azad Rəhimov hazırda ABŞ xəstəxanalarının birində müalicə olunur.

"Report" xəbər verir ki, nazir əvvəlcə Nyu-Yorkun Presviterian Veyl Kornell Hospitalına yerləşdirilib.

Ancaq həmin xəstəxanada aparılan müalicə nəticə verməyib və A.Rəhimovun durumu daha da ağırlaşıb. Bu səbəbdən nazir bir müddət əvvəl onkoloji xəstələrin müalicə olunduğu başqa bir hospitala köçürülüb.

Presviterian Veyl Kornell Hospitalın nümayəndəsi "Report"a açıqlamasında A.Rəhimovun bu hospitalda müalicə olunduğunu və başqa xəstəxanaya köçürüldüyünü təsdiqləyib.

Qeyd edək ki, Azad Rəhimov 1964-cü ildə Bakıda doğulub. O, 2006-cı ildə gənclər və idman naziri təyin edilib.

34