Məkkədə ölən zəvvarların sayı 717-yə çatıb
(Yenilənib 22:02 12.10.2015)
Hadisə nəticəsində 805 zəvvarın xəsarət aldığı bildirilib.BAKI, 24 sent-Sputnik. Səudiyyə Ərəbistanında Həcc ziyarəti zamanı Mina dağındakı "şeytan daşlama" mərasimində yaranan izdiham nəticəsində ölənlərin sayı 717 nəfərə çatıb.
Sputnik xəbər verir ki, bu barədə Səudiyyə Ərəbistanının Mülki Müdafiə Təşkilatı (MMT) xəbər verib. Hadisə nəticəsində 805 zəvvarın xəsarət aldığı deyilir.
Hazırda xilasetmə işləri davam edir. Yaralılar təcili yardım maşınları və helikopterlər vasitəsilə tibbi yardım məntəqələrinə daşınır.
Bir az əvvəl (MMT) ölənlərin sayının 453-ə, yaralıların sayınısa 719-a çatdığını bildirmişdi.
İzdihamda ölənlərin böyük əksəriyyətinin Afrika müsəlmanları olduğu bildirilib.
Məkkədə faciə baş verən ərazidə təxminə 3 milyon zəvvar olub.
Dünən axşam şeytanı daşlamaq üçün daş toplayan zəvvarlar bu gün səhər Mina dağına yola düşüblər. Onlar səhər saatlarında böyük şeytanın daşlanması əməlini yerinə yetiriblər. Günorta namazına yaxın böyük izdiham yaşanıb. Zəvvarların sıxlıqda bir-birini itələməsi nəticəsində onlardan bəziləri yıxılıb, nəticədə bədbəxt hadisə baş verib.
Adi karandaşla canlı kimi görünən qəhrəmanlarımız: bunlar 14 yaşlı uşağın əl işidir - FOTO
(Yenilənib 23:32 16.01.2021)
Yardımlıdan olan yeniyetmə Vətən müharibəsi şəhidlərinin portretlərini sadə karandaşla yaradır. O inanır ki, gələcəkdə məşhur fırça ustası olacaqBAKI, 16 yanvar - Sputnik, Kəmalə Əliyeva. Akademik təhsilinin olmamasına rəğmən, on dörd yaşlı Səməd İskəndərli karandaşla unikal əsərlər yaradır. O, daha çox Qarabağ müharibəsinin qəhrəmanlarının portretlərini çəkir. Sputnik Azərbaycan bildirir ki, gənc rəssam üçün hazırda ən böyük çətinlik işləmək üçün şəraitin olmaması və rassam ləvazimatlarının yoxluğudur.
Посмотреть эту публикацию в Instagram
Səməd Yardımlı rayonunun Sırıq kəndində yaşayır. O, rəsmlə uşaqlıqdan maraqlanır. Maliyyə problemlərinə görə ailəsi ona inkişaf etməkdə yardım edə bilmir. Müəllimlə çalışmaq imkanı olmayan Səməd internetdə müxtəlif videoçarxlara baxaraq öyrənir.
Посмотреть эту публикацию в Instagram
"Təəssüf ki, valideynlərim mənə rəssamlıq üçün lazım olanları ala bilmirlər, çünki bu ləvazimatlar çox bahadır. Əvvəl ancaq sadə karandaşla çəkməyə başladım. Sonra mənim xaricdə yaşayan dostum tanışları vasitəsilə mənə rəngli karandaşlar göndərdi, indi də onlardan istifadə edirəm. Onun sayəsində öz üzərimdə daha çox işləmək arzusu yarandı", - Səməd deyir.
©
Photo : Courtesy of Samed Iskenderli
Səməd İskəndərli
Gənc istedad qohumlarını, tanışlarını, müxtəlif filmlərin qəhrəmanlarını çəkir. Son işləri isə Vətən müharibəsinin qəhrəmanlarına həsr olunub. Onun sözlərinə görə, hər dəfə şəhidlərin portretlərini yaradanda böyük məsuliyyət hiss edir və çalışır ki, hər yeni işi öncəkindən daha yaxşı alınsın.
Səməd əmindir ki, gələcəkdə məşhur rəssam olacaq və onun əsərlərini hər kəs tanıyacaq.
Teqlər:
Şəkərlə bağlı xərcləri əhəmiyyətli dərəcədə azaltmaq olar
(Yenilənib 23:07 16.01.2021)
"Ölkəmizdə qeydiyyatda olan şəkərli diabet xəstələrinin sayı 272 min nəfərdir. Onların 1850-ni uşaqlar təşkil edir".BAKI, 16 yanvar — Sputnik. "Ölkəmizdə qeydiyyatda olan şəkərli diabet xəstələrinin sayı 272 min nəfərdir. Onların 1850-ni uşaqlar təşkil edir".
Sputnik Azərbaycan-ın məlumatına görə, bunu İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev "Virtual Diabet Məktəbi" layihəsi üzrə Anlaşma Memorandumunun imzalanması mərasimində deyib. O bildirib ki, diabetlə əlaqəli fəsadlaşmaların sayının artması universal tibbi təminat baxımından dövlət büdcəsinə ağır maliyyə yükü yaradır:
"İlkin profilaktik tədbirləri və əhali arasında maarifləndirməni gücləndirməklə xəstəliklə bağlı xərcləri əhəmiyyətli dərəcədə azaltmaq olar. Bu baxımdan Anlaşma Memorandumu mənfi tendensiyanı müsbətə doğru çevirməkdə yeni imkanlar açır".
Agentliyin İdarə Heyətinin sədri deyib ki, hər il dünyada ölümlərin 11.3%-i şəkərli diabetlə bağlı olur.