Kartof qızartması

Dünya əhalisinin sayının azaldılmasına hədəflənmiş qida

2175
(Yenilənib 22:02 12.10.2015)
Amerikalı alimlər təsdiqləyiblər ki, qızardılmış kartof insanların sağlamlığını sıradan çıxarmaq üçün strateji qidadır.

BAKI, 24 sent-Sputnik. Amerikalı alimlər təsdiqləyiblər ki, qızardılmış kartof insanların sağlamlığını sıradan çıxarmaq üçün yaxşı vasitə, daha doğrusu, strateji qidadır. Amerikanın Dondurulmuş Qidalar İnstitutunun (The American Frozen Food Institute (AFFI)) mütəxəssislərinin qeydinə görə, qızardılmış kartof dünya əhalisinin sayının azaldılmasında müstəsna rol oynayan qidalardan biridir. "Eyni zamanda bu qida insanların psixologiyasında elə möhkəm yer tutub ki, artıq insanlar onun zərərləri barədə eşitmək belə istəmirlər" — deyə institutun əməkdaşı Braynn Horn (Brynn Horne) bildirib. 

"Daha əvvəllər insanlar bu qidanı dadlı olduğu üçün kəşf etmişdilər və onun ziyanlarından xəbərsiz idilər. Amma sonra, dünya əhalisinin artımının qarşısını almaq üçün dünyanın beyin mərkəzlərində müxtəlif üsullar düşünüldü. Bu üsullardan biri də bu prosesi qidaların "köməyi" ilə etmək idi. Mövcud və əhali arasında populyar olan qidaların xarakteri öyrənildi və yeni növ ziyanlı qidaların istehsalı planlaşdırıldı. Və qızardılmış formada istifadə edilən kartof da beyin mərkəzlərinin məkrli planları üçün vazkeçilməz vasitə idi. Həm ucuz, həm dadlı, həm də populyar. Fast food restoranlar şəbəkəsi isə bu qidanı öz menyularının şahı elan etdilər. Dondurulmuş, paketlənmiş, istifadəsi rahat olan və dadlandırılmış kartof çeşidləri (frozen potatoes, frozen chips və s.) xüsusilə uşaq və gənclərin sevimlisinə çevrildi." — amerikalı mütəxəssis əlavə edib.
Həkimlərin əksəriyyəti də ən ziyanlı qidaların siyahısına fikirləşmədən qızardılmış kartofu daxil edirlər.
Bunun bir neçə səbəbi var. Əslində kartof faydalı və hətta müalicəvi tərəvəzdir. Lakin qızardılma zamanı onun faydalı xüsusiyyətləri itir, ziyanı isə kosmik sürətlə artır.
— Qızardılmış kartofun qlikemik indeksi çox yüksəkdir. Bu indeks təxminən 95 təşkil edir (100 — ən yüksək indeksdir). Belə qidaların qəbulu qanda şəkərin sürətlə qalxmasına və sürətlə də düşməsinə səbəb olur. Şəkər qanda sürətlə düşəndə insan güclü aclıq hiss edir və onun iştahası artır.
Yüksək qlikemik indeksi olan qidalar piylənməyə səbəb olur.
— Qızardılma zamanı yağdan istifadə olunur. Yağın yanması nəticəsində "polifenol" maddələri ifraz olunur. Bu maddələr istənilən yağın (bitki yağı, kərə yağı, piy) yanması zamanı əmələ gəlir. Polifenol güclü kanserogen (xərçəng əmələ gətirən) təsirə malikdir.
— Digər qızardılmış qidalar kimi, qızardılmış kartof həzm sisteminə çox mənfi təsir edir — həzm prosesləri çətinləşdirir, mədənin selikli qişasını qıcıqlandırır və s. Məhz bu səbəbdən məd-bağırsaq sistemi pozulmaları olan insanlar üçün qızardılmış qidaların qəbulu əks-göstərişdir. Lakin tam sağlam insanlara da belə qidalar yalnız ziyan vura bilər.
— Bütün qızardılmış qidalar susuzluğun artmasına səbəb olur. Belə qidalardan sonra insan çoxlu miqdarda su içir. Bu xüsusilə axşam saatlarında yolverilməzdir ki, bunun nəticəsində insanın böyrəkləri həddən artıq yüklənir. Bu isə öz növbəsində arterial təzyiqin qalxmasına, ödemlərə səbəb ola bilər.
Beləliklə, hamının sevimlisi olan qızardılmış kartof əslində çox ziyanlı qidadır. Nəzərinizə çatdıraq ki, fast-food kafelərdə və restoranlarda (McDonalds, KFC və s.) yediyimiz və ya evdə bişirdiyimiz qızardılmış kartof orqanizm üçün eyni dərəcədə ziyanlıdır.

 

2175
Teqlər:
kartof, frozen chips, frozen potatoes, Brynn Horne, The American Frozen Food Institute (AFFI), The American Frozen Food Institute (AFFI), Brynn Horne

Füzulidə minaya düşən şəxslərin meyitləri ailələrinə təhvil verilib

6
(Yenilənib 21:18 28.11.2020)
Agentliyin mütəxəssisləri tərəfindən ərazidə aparılmış tədqiqat zamanı 90-BL-558 dövlət qeydiyyat nişanlı “Toyota” markalı avtomobilin 2 ədəd tank əleyhinə minaya düşdüyü məlum olub.

BAKI, 28 noyabr - Sputnik. 2020-ci il 28 noyabr tarixində saat 15:10 radələrində Füzuli rayonunun işğaldan azad olunmuş Aşağı Seyidəhmədli kəndində mülki əhalinin girişi qadağan olunan təhlükəli ərazidə mina hadisəsi baş verib. Bu barədə Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) məlumat daxil olub.

ANAMA-dan Sputnik Azərbaycan-a verilən məlumata görə, agentliyin mütəxəssislərindən ibarət əməliyyat-axtarış qrupu dərhal həmin əraziyə göndərilib, aparılmış xilasetmə əməliyyatı zamanı xüsusi təhlükəsizlik zolağı açılaraq Hacıyev Şakir Məhərrəm oğlu, Hacıyev Firuddin Məhərrəm oğlu, Hüseynov Zülfüqar Adışirin oğlu və Adilzadə Zibeydə Şakir qızının meyitləri ərazidən götürülərək aidiyyəti üzrə təhvil verilib.

Agentliyin mütəxəssisləri tərəfindən ərazidə aparılmış tədqiqat zamanı 90-BL-558 dövlət qeydiyyat nişanlı “Toyota” markalı avtomobilin 2 ədəd tank əleyhinə minaya düşdüyü məlum olub.

"Agentlik tərəfindən bir daha bildiririk ki, işğaldan azad olunmuş ərazilər mina və partlamamış hərbi sursatlardan (PHS) təmizlənməmiş həmin ərazilərə təhlükəsizlik səbəbindən mülki şəxslərin girişi qəti qadağandır", - ANAMA bildirib. 

6
Teqlər:
mina, Füzuli rayonu, Füzuli, ANAMA
Türkiyə Böyük Millət Məclisinin sədri Mustafa Şentop

Atatürkün Naxçıvanla bağlı arzusu həyata keçirilir - TBMM-in spikeri

13
Mustafa Şentop: "Dövlətimizin banisi Qazi Mustafa Kamal Atatürkün Naxçıvan sərhəd qapısına verdiyi əhəmiyyət və sərhəd qapısını açıq tutmaq üçün göstərdiyi cəhd illər sonra səmərəsini verdi".

BAKI, 28 noyabr - Sputnik. Qardaş Azərbaycanın Qarabağ və digər işğal altında olan bölgələri birmənalı  hərbi qələbə ilə geri almasından sonra ölkəmiz və Orta Asiyada yaşayan qardaşlarımız arasında birbaşa quru yolu və dəmiryolu əlaqələrinin təmin olunması imkanı yaranıb. 

Sputnik Azərbaycan Anadolu Agentliyinə istinadla xəbər verir ki, bu sözləri Türkiyə Böyük Millət Məclisinin (TBMM) sədri Mustafa Şentop deyib.

O, bu məsələdə Mustafa Kamal Atatürkün Naxçıvanla bağlı mövqeyini də yada salıb:

"Dövlətimizin banisi Qazi Mustafa Kamal Atatürkün Naxçıvan sərhəd qapısına verdiyi əhəmiyyət və sərhəd qapısını açıq tutmaq üçün göstərdiyi cəhd illər sonra səmərəsini verdi. Ölkə olaraq bunun sevincini yaşayırıq".

TBMM-in spikeri onu da qeyd edib ki, məqsəd Orta Asiyadakı türk cümhuriyyətləri ilə əlaqələri daha da genişləndirməkdir:

"Tarixi İpək Yolunu daima birlikdə canlandıracaq, Orta Asiyada yaşayan qardaşlarımızla iqtisadi, mədəni, siyasi və hərbi əlaqələrimizi təkmilləşdirəcəyik. Ölkəmizdə həyata keçirdiyimiz kommunikasiya investisiyalarını və bu mövzudakı podratçı təcrübəmizi Orta Asiyaya daşıyacağıq". 

13
Teqlər:
Naxçıvan, Mustafa Kamal Atatürk, Atatürk, Mustafa Şentop, Türkiyə Böyük Millət Məclisi, Orta Asiya