Vitse-spiker ermənilərin toy çadırını atəşə tutmasına reaksiya verdi

12
Bunula qarşı tərəf insanlıqdan nə qədər kənar bir mövqedə olduğunu göstərir.

BAKI, 2 sent-Sputnik. Erməni hərbi bölmələrinin toy çadırını atəşə tutması onu göstərir ki, bu münaqişənin mövcudluğu, region üçün, dünya üçün  çox böyük təhlükə olaraq qalır.

Sputnik xəbər verir ki, bunu Milli Məclis sədrinin müavini, ATƏT Parlament Assambleyasında Azərbaycan nümayəndə heyətinin rəhbəri Bahar Muradova ötən gün Tərtər rayonunda ermənilər tərəfindən azərbaycanlıların toy çadırının atəşə tutulması faktına münasibət bildirərkən deyib.

Onun sözlərinə görə, dünənki insident onu göstərir ki, atəşkəs rejiminin mövcud olmasına baxmayaraq heç də insanlar dinc dövr yaşamırlar və hər gün təmas xəttində bu cür təxribatlar insan həyatına, onların əmlakına ziyanla nəticələnir. "Ona görə də ATƏT-in Minsk qrupunun həmsədrləri təmas xəttində gündə baş verən insidentlərdən danışmaqdansa, bütövlükdə münaqişənin həllinə diqqəti yönəltməlidir", — deyə B. Muradova bildirdi.

Belə hadisələrin çox ciddi narahatçılıq doğurduğunu qeyd edən B. Muradovanın fikrincə toy çadırına atəş açmaqla qarşı tərəf insanlıqdan nə qədər kənar bir mövqedə olduğunu göstərir: " Bu onu göstərir ki, bu münaqişənin mövcudluğu, region üçün, dünya üçün  çox böyük təhlükə olaraq qalır və ATƏT-in Minsk qrupunun həmsədrləri təmas xəttində gündə baş verən insidentlərdən danışmaqdansa, bütövlükdə münaqişənin həllinə diqqəti yönəltməlidir. Çünki biz hər zaman görürük ki, münaqişədən söhbət gedərkən yalnız bu insidentlərin aradan qaldırılması yollarının, mexanizmlərinin tapılmasına daha çox diqqət yetirilir. Hətta belə bir diqqət olduğu halda da bu insidentlər davam edir. Nəzərə alsaq ki, təmas xətti Azərbaycan ərazisindən keçir, bizim vətəndaşlar daha çox itkiyə məruz qalır, Azərbaycanın tələbində nə qədər haqlı olduğunu bir daha vurğulamaq olar. Minsk qrupunun həmsədrləri öz imkanlarından maksimum istifadə etməlidirlər".

12
Teqlər:
toy, Atəşkəsin pozulması, Ermənistan, Bahar Muradova, Azərbaycan
Əlaqədar
Bahar Muradova: Azərbaycan öz tarixi torpaqlarını qaytaracaq