ABŞ polisi BBC müxbirlərini hədələyib

31
(Yenilənib 17:14 27.08.2015)
Frans Ştrasser: Kamerasız və avtomobilsiz digər çəkilişləri apara bilməzdik. Ona görə də mən çəkdiyimiz videonu silməyə qərar verdim.

BAKI, 27 avq – Sputnik. WDBJ7 telekanalının iki nəfər əməkdaşını qətlə yetirən şəxsin intihar etdiyi yerə ilk gələn BBC teleradio şirkətinin iki jurnalisti Virciniya ştatının polisi tərəfindən təhdid edilib. 

Sputnik xəbər verir ki, bu barədə sözügedən jurnalistlər öz tvitter hesablarında məlumat veriblər.

Məlumatda bildirilir ki, polis əməkdaşlarından biri BBC-nin Ağ Ev müxbiri Tara Makkelvi və videojurnalist Frans Strasserə hədə-qorxu gəlməyə başlayıb.

Hüquq-mühafizə orqanlarının əməkdaşı bildirib ki, çəkilən material silinməsə, jurnalistlərin kamerası və avtomobili əllərindən alına bilər. Buna səbəb kimi materialın dəlil olduğu göstərilib.

Ştrasser öz twitter hesabında görüntüləri nəyə görə sildiyini açıqlayıb: “Kamerasız və avtomobilsiz digər çəkilişləri apara bilməzdik. Ona görə də mən çəkdiyimiz videonu silməyə qərar verdim.”

Avqustun 26-da ABŞ-ın Virciniya ştatında WDBJ7 kanalının (CBS-nin regional bölməsi) iki əməkdaşı canlı yayım zamanı öldürülüb. Bu barədə telekanalın saytı məlumat yayıb.

Hadisə 24 yaşlı jurnalist Elison Parker və 27 yaşlı operator Adam Uord Moneta şəhərində çəkiliş apararkən baş verib.

Telekanalın əməkdaşlarını güllələyən şəxs polis gələnədək hadisə yerindən qaçıb. Onun adı və qətlin motivi bilinmir.

Jurnalistlərin güllələnməsinin görüntülərini bu linkdən baxa bilərsiz: http://sputnik.az/video/20150826/401760770.html

31
Teqlər:
jurnalistlərin öldürülməsi, jurnalistlərin qətli, Independent qəzeti, WDBJ7 telekanalı, Tara Makkelvi, Frans Strasser
Pasport, arxiv şəkli

Şəxsiyyət vəsiqəsilə Türkiyəyə səfəri nəzərdə tutan layihə müzakirə olunacaq

2
(Yenilənib 19:39 19.01.2021)
Azərbaycan Respublikası vətəndaşının şəxsiyyət vəsiqəsi Türkiyəyə səyahət edən Azərbaycan vətəndaşları üçün vizadan azad səyahət çərçivəsində etibarlı sərhədkeçmə sənədlərinin siyahısına daxil edilib

BAKI, 19 yanvar — Sputnik. Azərbaycan vətəndaşlarının Türkiyəyə şəxsiyyət vəsiqəsi ilə səyahət etməsini nəzərdə tutan qanun layihəsi Milli Məclisə daxil olub.

Sputnik Azərbaycan xəbər verir ki, bu, Milli Məclisin Beynəlxalq münasibətlər və parlamentlərarası əlaqələr komitəsinin bu gün keçirilən iclasının gündəliyinə daxil edilən "Azərbaycan Respublikası Hökuməti ilə Türkiyə Respublikası Hökuməti arasında qarşılıqlı olaraq vizadan azad etmə haqqında 25 fevral 2020-ci il tarixində Bakı şəhərində imzalanmış Sazişə dəyişikliklər edilməsi haqqında Azərbaycan Respublikası Hökuməti ilə Türkiyə Respublikası Hökuməti arasında 1 saylı Protokol"un təsdiq edilməsi barədə" qanun layihəsində əksini tapıb.

Layihəyə əsasən, Azərbaycan Respublikası vətəndaşının şəxsiyyət vəsiqəsi Türkiyə Respublikasına səyahət edən Azərbaycan Respublikası vətəndaşları üçün vizadan azad səyahət çərçivəsində etibarlı sərhədkeçmə sənədlərinin siyahısına daxil edilib.

Bu məsələ eyni zamanda Türkiyə vətəndaşlarının Azərbaycana səfərinə də şamil olunacaq.

Qanun layihəsi müzakirələrdən sonra plenar iclasa tövsiyə olunub.

2
Осколки стекла, архивное фото

Bakının Heydər Əliyev prospektində baş verən qəza tıxaca səbəb olub

3
Hazırda qəza səbəbindən həmin istiqamətdə nəqliyyat vasitələrinin hərəkətində sıxlıq müşahidə edilir.

BAKI, 19 yanvar - Sputnik. Paytaxtın Nizami rayonu, Heydər Əliyev prospektində (“Koroğlu” metrostansiyasının yaxınlığı) yol-nəqliyyat hadisəsi baş verib.

Bakı Nəqliyyat Agentliyindən verilən məlumata görə, hazırda qəza səbəbindən həmin istiqamətdə nəqliyyat vasitələrinin hərəkətində sıxlıq müşahidə edilir.

3