US dollars

İnşaat şirkətindən oğurladığı 450 min dolları yeyə bilmədi

25
(Yenilənib 15:05 26.08.2015)
DİN “Renessans-İnşaat” MTK-nın ofisindən içərisində 450 000 ABŞ dolları olan seyfi oğurlayan Bakı şəhər sakinini həbs edib.

BAKI, 26 avq — Sputnik. Bakıda şirkətdən yarım milyon dollara yaxın pul oğurlayan şəxs tutulub.

Sputnik Daxili İşlər Nazirliyinin saytına istinadən xəbər verir, Baş Cinayət-Axtarış İdarəsi, Bakı şəhər Baş Polis İdarəsinin Cinayət-Axtarış İdarəsi və Binəqədi Rayon Polis İdarəsinin 5-ci Polis Bölməsinin əməkdaşlarının həyata keçirdikləri əməliyyat-axtarış tədbirləri nəticəsində avqustun 1-də "Renessans-İnşaat" MTK-nın ofisindən içərisində 450 000 ABŞ dolları olan seyfi oğurlayan Bakı şəhər sakini, əvvəllər məhkum olunan Ə.Əhmədov tutulub.

Olayla əlaqəsi olan digər bir nəfərin isə şəxsiyyəti müəyyən edilib.

25
Teqlər:
əməliyyat-axtarış tədbirləri, əməliyyat-axtarış tədbiri, "Renessans-İnşaat" MTK, 5-ci Polis Bölməsi, Binəqədi Rayon Polis İdarəsi, Cinayət-Axtarış İdarəsi, Bakı şəhər Baş Polis İdarəsi, Baş Cinayət-Axtarış İdarəsi, Daxili İşlər Nazirliyi
Türkiyə Prezidenti Rəcəb Tayyib Ərdoğan, arxiv şəkli

Türkiyənin məşhur aktyoru Ərdoğanı sərt tənqid edib - VİDEO

1
(Yenilənib 22:35 26.01.2021)
Türkiyədə solçu fikirləri ilə tanınan İlyas Salman Rəcəb Tayyib Ərdoğanı sərt tənqid edib və ondan heç vaxt mükafat almayacağını deyib

BAKI, 26 yanvar — Sputnik. Türk kinosunun tanınmış komediya aktyoru İlyas Salman ötən gün qatıldığı televiziya proqramında gündəmi alt-üst edən çıxış edib.

Sputnik Azərbaycan Türkiyə mətbuatına istinadən xəbər verir ki, Türkiyədə solçu fikirləri ilə tanınan İlyas Salman: "Rəcəb Tayyib Ərdoğan mənə mükafat verəcəyini desə və mükafatla bərabər böyük miqdarda pul da verəcəyini bilsəm, onun əlindən mükafat almağa getmərəm", - deyib.

​Yeşilçam filmlərinin tanınmış aktyoru axirət inancı olmadığını söyləyib: "Ölümdən qorxmuram. Çünki axirətə, cənnət və cəhənnəmə inanmıram. Əgər cənnət və cəhənnəm varsa, mən cəhənnəmi seçirəm. Çünki orada cəhənnəm zəbanilərinin qaynadığı qazanların istisində oturmaq niyyətindəyəm".

Məlumat üçün bildirək ki, aktyor ötən əsrin 70-80-ci illərində Türkiyədə çəkilmiş filmlərin əksəriyyətində rol alıb. "Çöpçüler kralı", "Banker Bilo", "Şaşkın Ördek", "Deliye Her gün Bayram", "Ben Milyoner Değilim", "İbişo", "Aptal Aşık" və s. filmlərdə çəkilən aktyorun əsas tərəf-müqabili Kamal Sunal olub.

1
: İnsanın kölgəsi, arxiv şəkli

Hökumət qərarı sərtləşdirdi, 40 min avroluq maska oğurlandı

3
(Yenilənib 22:03 26.01.2021)
Almaniya hökuməti maskaların taxılması ilə bağlı qərarı sərtləşdirdikdən sonra ölkədə böyük oğurluq baş verib.

BAKI, 26 yanvar - Sputnik. Almaniyanın Güterslo şəhərindəki anbardan dəyəri 40 min avro olan on konteyner maska oğurlanıb.

Sputnik Azərbaycan bildirir ki, bu barədə yerli polis məlumat yayıb. Məlumata görə, oğrular FFP2 tipli maskaların olduğu anbara girərək on konteyner maskanı oradan çıxarıblar.

Almaniyada yanvar ayından etibarən mağazalarda və ictimai nəqliyyatda FFP2, FFP3 və КN95/N95 maskalarının taxılması məcburi elan edilib. Evdə tikilən maskaları taxmaq isə qadağandır, çünki onlar koronavirusdan etibarlı şəkildə qorumur.

3
Teqlər:
oğurluq, Almaniya, maska