Fransa Xarici İşlər Naziri Laurent Fabius

İmmiqrant axını Avropa liderlərini hərəkətə gətirdi

43
(Yenilənib 17:22 24.08.2015)
Fransa Xarici İşlər Naziri Laurent Fabius qlobal mühacir probleminin həllinə bütün Avropa İttifaqına üzv ölkələrin səy göstərməli olduğunu deyib.

BAKI, 24 avq – Sputnik. Avropaya davam edən immiqrant axını Almaniya kansleri Merkel ilə Fransa prezidenti Hollandı hərəkətə keçirib.

Sputnik Avronyus-a istinadən xəbər verir ki, Berlində keçiriləcək zirvə toplantısında mövzu ilə bağlı birgə həll yolu ilə Ukraynada baş verən böhranın müzakirə edilməsi nəzərdə tutulub.

Ukrayna prezidenti Petr Poroşenkonun da qatılacağı zirvə toplantısında immiqrantların Avropada qeydiyyatdan keçmə məsələsinin də müzakirə edilməsi gözlənilir. Beləliklə, mühacirlər rəsmi və qaçaq sinifinə ayrılacaqlar.

Fransa Xarici İşlər Naziri Laurent Fabius qlobal mühacir probleminin həllinə bütün Avropa İttifaqına üzv ölkələrin səy göstərməli olduğunu deyib.

43
Teqlər:
Almaniya kansleri, Merkel, Angela Merkel, Laurent Fabius, Fransa Xarici İşlər Naziri Laurent Fabius, Almaniya, Fransa
Yerevanda epdimioloji vəziyyət

Ermənistanda koronavirusa yoluxanların sayı 40 minə yaxınlaşır

0
(Yenilənib 13:29 06.08.2020)
Gürcüstanda isə daha 9 nəfərdə koronavirus aşkarlanıb. Bununla da qonşu ölkədə koronavirusa yoluxanların sayı 1206-ya çatıb.

BAKI, 6 avqust — Sputnik. Ermənistanda koronavirusa yoluxanların sayı 39819-a çatıb. Sputnik Ermənistan xəbər verir ki, bu barədə Ermənistanın Xəstəliklərə Nəzarət və Profilaktika üzrə Milli Mərkəzinin yaydığı məlumatda bildirilib.

Məlumatda qeyd olunub ki, son 24 saat ərzində bu virusa yoluxanların sayı daha 233 nəfər artıb.

Ermənistanda son gündə daha 2 nəfər ölüb. Ümumilikdə bu virusdan ölənlərin sayı 772-yə çatıb. Xəstəlikdən sağalanların sayı 31556 olub. Hazırda bu ölkədə 7263 nəfər xəstəxanada müalicə alır.

Gürcüstanda isə daha 9 nəfərdə koronavirus aşkarlanıb. Bununla da qonşu ölkədə koronavirusa yoluxanların sayı 1206-ya çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 18,8 milyonu keçib, 707 mindən çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

0
Karantin zamanı nişan mərasimi, arxiv şəkli

Karantin rejimini pozaraq nişan edənlər aşkarlanıb

0
(Yenilənib 13:25 06.08.2020)
Hər birinin barəsində İnzibati Xətalar Məcəlləsinin müvafiq maddəsi ilə protokol tərtib edilərək cərimə olunublar.

BAKI, 6 avqust — Sputnik. Nazirlər Kabineti yanında Operativ Qərargah tərəfindən qəbul edilən xüsusi karantin rejiminin qaydalarının təmin olunması istiqamətində polis əməkdaşları tədbirləri davam etdirirlər.

Sputnik Azərbaycan Daxili İşlər Nazirliyinin Mətbuat Xidmətinin Lənkəran regional qrupunun məlumatına istinadla xəbər verir ki, Biləsuvar Rayon Polis Şöbəsinə rayonun Təyyarə meydanı adlanan ərazisində yaşayan İ.Əlizadənin xüsusi karantin rejiminin qaydalarını pozaraq gizli şəkildə qızına nişan mərasimi keçirməsi barədə məlumat daxil olub.

Polis əməkdaşları dərhal sözügedən ünvana gəliblər. Məclisin təşkilatçısı və orada iştirak edən 4 nəfər Rayon Polis Şöbəsinə dəvət edilib. Şöbədə və onlarla profilaktik söhbətlər aparılaraq karantin rejiminin qaydaları izah olunub. Hər birinin barəsində İnzibati Xətalar Məcəlləsinin müvafiq maddəsi ilə protokol tərtib edilərək cərimə olunublar.

0