Torpaq sürüşməsi

Ekoloji fəlakət gözlənilir: Azərbaycan sürüşəcək

213
(Yenilənib 12:08 24.08.2015)
Yağan yağışlar sürüşmə zonalarında aktivliyi artıracaq.

BAKI, 24 avq – Sputnik. Azərbaycanın bəzi ərazilərində torpaq sürüşmələrinin aktivləşəcəyi ehtimal olunur.

Sputnik xəbər verir ki, bunu Trend-ə açıqlamasında Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin Geoloji Planlama Ekspedisiyasının baş geoloqu Ələmdar Piriyev deyib.

Onun sözlərinə görə, nazirliyin apardığı mütəmadi monitorinqlər göstərir ki, bəzi rayonlarda sürüşmə qaçılmazdır.

O, bunu rayonlarda son günlər intensiv yağan yağışlarla əlaqələndirib: “Sürüşməni aktivləşdirən yağan yağışlardır. Bilirsiniz ki, son günlər bəzi rayonlarımıza intensiv yağışlar yağır. Bu isə təbii ki, sürüşmə zonalarında aktivliyi artırır. Azərbaycanın Abşeron, Zığ, Astara, Muğanlı, İsmayıllı və Xınalıq yolu daim sürüşmənin aktiv olduğu bölgələrdir. Yəni bu ərazilərə yağış yağan kimi cüzi də olsa sürüşmələr başlayır”.

Sürüşmənin təbii proses olduğunu və bunun qarşısını almağın mümkünsüzlüyünü qeyd edən Ə.Piriyev bildirib ki, nazirlik ekzogen proseslərin baş verməməsi üçün həmin ərazilərdə iynə yarpaqlı ağaclar əkir.

Nazirlik rəsmisi sürüşmələrin aktivliyini azaltmaq üçün əhalini də diqqətli olmağa çağırdı: “Ekologiya və Təbii Sərvətlər Nazirliyi sürüşmələrin aktivliyini azaltmaq məqsədilə bir sıra tədbirlər həyata keçirir. Amma burada əhalinin də üzərinə çox böyük məsuliyyət düşür. Gərək sürüşmə zonasında yaşayan insanlar ağacları qırmasınlar, kanalizasiya və çirkab sularını kor-koranə axıtmasınlar. Bütün bunlara riayət olunarsa, cüzi də olsa sürüşmə aktivliyi azalmış olar”.

213
Teqlər:
baş geoloq, Torpaq sürüşməsi, Geoloji Planlama Ekspedisiyası, Ekologiya və Təbii Sərvətlər Nazirliyinin Milli Geoloji Kəşfiyyat Xidməti, Ekologiya və Təbii Sərvətlər Nazirliyi, Ələmdar Piriyev, Azərbaycan
Rusiya Prezidenti Vladimir Putin, arxiv şəkli

Putin 2019-cu ildə bu qədər qazanıb

4
Nəqliyyat vasitələri arasında Putinin adına iki QAZ 21M ("Volqa") avtomobili, bir "Niva" avtomobili və bir "Skif" avtomobil qoşqusu var.

BAKI, 15 avqust — Sputnik. Rusiya Prezidenti Vladimir Putin 2019-cu ildə gəlirlərinin həcmini açıqlayıb. Sputnik Azərbaycan xəbər verir ki, prezidentin bəyannaməsi Kremlin saytında dərc edilib.

2019-cu ildə Putin 9,726 milyon rubl (təxminən 133 min dollar) qazanıb. Prezidentin mülkiyyətində sahəsi 77 kvadrat metr olan mənzil və qaraj (18 kvadrat metr) var. Bundan başqa, Vladimir Putinin adına 153,7 kvadrat metr sahəsi olan mənzil və 18 kvadrat metr sahəsi olan qaraj yeri var. Bu daşınmaz əmlak prezidentin istifadəsindədir.

Nəqliyyat vasitələri arasında Putinin adına iki QAZ 21M ("Volqa") avtomobili, bir "Niva" avtomobili və bir "Skif" avtomobil qoşqusu var.

Bir il əvvəl Vladimir Putin 8,64 milyon rubl (təxminən 118 min dollar) qazanıb. 2019-cu ildə də o, iki mənzil, qaraj və maşın yerini bəyan edib. Prezidentin avtomobil parkında bir il ərzində yenilik olmayıb.

4
Bakıda avtobus, arxiv şəkli

Şənbə-bazar ictimai nəqliyyat açılacaqmı?

5
(Yenilənib 13:54 15.08.2020)
"Lakin hələlik göründüyü kimi bütün addımlar mərhələli şəkildə atılır" - Prezidentin köməkçisi Hikmət Hacıyev.

BAKI, 15 avqust — Sputnik. "Qadağalar həftə sonları üçün hələlik qüvvədədir".  Sputnik Azərbaycan xəbər verir ki, bu barədə Azərbaycan Respublikası Prezidentinin köməkçisi, Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev deyib.

O bildirib ki, qarşıdan gələn həftələrdə bu məsələ müzakirə oluna bilər: "Lakin hələlik göründüyü kimi bütün addımlar mərhələli şəkildə atılır".

 

5