Davudoğlu bu axşam Ərdoğana hökuməti qura bilmədiyini bəyan edəcək

268
(Yenilənib 13:33 18.08.2015)
Ədalət və İnkişaf Partiyasının (AKP) lideri, baş nazir Əhməd Davudoğlu yeni hökuməti formalaşdırmaq üçün prezidentdən aldığı səlahiyyəti bu axşam geri qaytaracaq.

BAKI, 18 avq-Sputnik. Ədalət və İnkişaf Partiyasının (AKP) lideri, baş nazir Əhməd Davudoğlu yeni hökuməti formalaşdırmaq üçün prezidentdən aldığı səlahiyyəti bu axşam geri qaytaracaq.

Sputnik Türkiyə xəbər verir ki, Davudoğlu bu gün prezident Rəcəb Tayyib Ərdoğanla görüşərək ona hökumət qurmaq üçün atdığı addımlarla bağlı məlumat verəcək və bununla bağlı qarşıya qoyulmuş məqsədə nail olmadığını rəsmən bildirəcək.

Davudoğlu əvvəlcə saat 14-də AKP-nin Mərkəzi Qərarvermə və İcra orqanını toplayacaq. Hökumətqurma prosesinin müzakirəsindən sonra baş nazir saat 19-da Beştəpədə prezidentlə görüşəcək. Görüşdə Davudoğlu 9 iyulda ona həvalə edilmiş hökuməti qurmaq vəzifəsini geri qaytaracaq.      

Davudoğlunun Cümhuriyyət Xalq Partiyası (CHP) və Milliyyətçi Hərəkat partiyalarının (MHP) liderləri ilə apardığı danışıqlarda hər hansı nəticə əldə edilməyib. Hökuməti formalaşdırmaq üçün Konstitusiyada nəzərdə tutulan müddət avqustun 23-də başa çatır. CHP səlahiyyətin Kamal Kılıçdaroğluna verilməsini istəsə də, Ərdoğanın belə bir addıma getməyəcəyi gözlənilir. Avqustun 23-dən sonra prezidentin parlamentdəki partiyaların təmsilçilərindən ibarət müvəqqəti hökumət formalaşdıraraq erkən seçki qərarını elan edəcəyi bildirilir. 

268
Teqlər:
Ədalət və İnkişaf Partiyası, prezident, MHP, CHP, AKP, hökumət, Rəcəb Tayyib Ərdoğan, Türkiyə baş naziri Əhməd Davudoğlu, AKP, Rəcəb Tayyib Ərdoğan, Əhməd Davudoğlu, Türkiyə
Türkiyənin İpsala qəsəbəsində TANAP qaz kəmərinin Avropa ilə birləşən hissəsinin açılış mərasimi

Azərbaycan Türkiyə birgə daha bir uğura imza atdı

1
TANAP tikinti dövründə təhlükəsizlik və keyfiyyət baxımından nail olduğu ən yüksək göstəricilərə və ekosistemlər nəzdində yaratdığı müsbət sosial, iqtisadi və mədəni dəyərlərə görə "İlin layihəsi" elan olunub.

 

BAKI, 20 oktyabr — Sputnik. Trans-Anadolu Qaz Boru Kəmərinin (TANAP) layihə idarəçiliyində qazandığı beynəlxalq uğurlara yenisi əlavə edildi. Layihə, proqram və portfel idarəçiliyi üzrə dünyanın ən böyük peşəkar birliklərindən olan, mərkəzi ABŞ-da yerləşən Layihə İdarəçiliyi İnstitutu (PMI – Project Management Institute) TANAP-ı "İlin layihəsi" kateqoriyasında layihə idarəçiliyi sahəsində nüfuzlu mükafata layiq gördü. Bu barədə SOCAR-dan Sputnik Azərbaycan-a məlumat verilib. Qeyd olunub ki, Azərbaycan və Türkiyənin ən böyük birgə iqtisadi layihələrindən olan və Cənub Qaz Dəhlizinin əsas seqmentini təşkil edən TANAP qürurverici uğurlara imza atmağa davam edir. Dünya üzrə qəbul olunmuş standartlar, sertifikat proqramları, peşəkar icma fəaliyyətləri, elmi araşdırmalar və kurslar vasitəsilə böyük bir şəbəkə yaradan, layihə, proqram və portfel  idarəçiliyi sahəsində peşəkar standartların inkişafını dəstəkləyən, mərkəzi Amerika Birləşmiş Ştatlarında yerləşən Layihə İdarəçiliyi İnstitutu (PMI – Project Management Institute) tərəfindən "İlin layihəsi" kateqoriyasında mükafata layiq görüldü.

TANAP tikinti dövründə təhlükəsizlik və keyfiyyət baxımından nail olduğu ən yüksək göstəricilərə və ekosistemlər nəzdində yaratdığı müsbət sosial, iqtisadi və mədəni dəyərlərə görə "İlin layihəsi" elan olunub. Bu sahədə 50 ildən artıq bir müddətdə fəaliyyət göstərən PMI dünyada müxtəlif sahələr üzrə 2,9 milyon peşəkar üçün texnoloji dəyərlər yaratmaqla yanaşı, layihə idarəçiliyi proseslərində müəyyənləşdirdiyi standartların tətbiqi proseslərində yüksək təşkilati nəticələrə nail olan və cəmiyyətə müsbət təsir göstərən layihələri mükafatlandırır.

 

1
Su-34 təyyarəsi, arxiv şəkli

Rusiyada qırıcı qəzaya uğradı

5
"Su-24" təyyarəsi planlı təlim-məşq uçuşu həyata keçirərkən Xabarovsk diyarında qəzaya uğrayıb. Pilotlar katapult ediblər.

BAKI, 21 oktyabr — Sputnik. Rusiyaya məxsus "Su-34" qırıcısı Xabarovsk diyarında qəzaya uğrayıb. Sputnik Azərbaycan "RİA Novosti"yə istinadən xəbər verir ki, bu barədə Rusiya Müdafiə Nazirliyinin Şərq Hərbi Dairəsinin mətbuat xidməti məlumat yayıb.

"Su-24" təyyarəsi planlı təlim-məşq uçuşu həyata keçirərkən Xabarovsk diyarında qəzaya uğrayıb. Pilotlar katapult ediblər. Onların sağlamlığı üçün təhlükə yoxdur. Ekipaj üzvləri evakuasiya edilib", -deyə Şərq Hərbi Dairəsinin yaydığı məlumatda bildirilir.

Faktla bağlı araşdırmalar başlayıb.

5