Bəşər Əsəd və Cavad Zərif

Cavad Zərif Bəşər Əsədlə görüşüb

14
(Yenilənib 14:09 13.08.2015)
Suriyada 2011-ci ilin martından, yəni vətəndaş müharibəsinin başlamasından bugünədək 300 mindən artıq insanın Əsəd ordusu tərəfindən qətlə yetirildiyi bildirilir.

BAKI, 13 avq – Sputnik. Livan səfərini tamamlayaraq Suriyaya keçən İranın xarici işlər naziri Cavad Zərif, Bəşər Əsədlə görüşüb.

Görüşdə artıq beşinci ilinə qədəm qoyan vətəndaş müharibəsi müzakirə olunub. Bəşər Əsəd, dəstəklərinə görə İran dövlətinə təşəkkür edib.

Öz növbəsində Cavad Zərif, rəsmi Tehranın bundan sonra da Bəşər Əsədi dəstəkləməyə davam edəcəyini söyləyib.

Suriyada 2011-ci ilin martından, yəni vətəndaş müharibəsinin başlamasından bugünədək 300 mindən artıq insanın Əsəd ordusu tərəfindən qətlə yetirildiyi bildirilir.

 

14
Teqlər:
Cavad Zərif və Bəşər Əsəd, Bəşər Əsəd, Cavad Zərif
Azərbaycan hərbçiləri, arxiv şəkli

Müzəffər Ordumuz artıq Kəlbəcərdə!

74
(Yenilənib 01:14 25.11.2020)
Bölmələrimizin bu istiqamətdə hərəkətini təmin etmək məqsədilə mühəndis işləri başa çatdırılıb, qoşunların hərəkət marşrutu üzrə çətin keçilən dağ yolları minalardan təmizlənir və istifadəyə hazır vəziyyətə gətirilir.

BAKI, 25 noyabr - Sputnik. Azərbaycan Respublikası, Rusiya Federasiyası Prezidentləri və Ermənistan Respublikası baş nazirinin imzaladığı üçtərəfli Bəyanata əsasən, Azərbaycan Ordusunun bölmələri noyabrın 25-də Kəlbəcər rayonuna daxil olub.

Sputnik Azərbaycan bildirir ki, məlumatı Azərbaycan Müdafiə Nazirliyi yayıb. Bölmələrimizin bu istiqamətdə hərəkətini təmin etmək məqsədilə mühəndis işləri başa çatdırılıb, qoşunların hərəkət marşrutu üzrə çətin keçilən dağ yolları minalardan təmizlənir və istifadəyə hazır vəziyyətə gətirilir.
Gün ərzində Kəlbəcərdən foto və video materiallar təqdim olunacaq.

74
Teqlər:
Azərbaycan ordusu, Qarabağ, Kəlbəcər rayonu

Ərdoğan Qarabağa görə Putinə zəng vurdu

43
(Yenilənib 00:03 25.11.2020)
Həmçinin Türkiyə Prezidenti Ermənistan tərəfinin razılaşmada göstərilən məsuliyyətlərindən yayınmasına izn verilməməsinin vacibliyini də qeyd edib.

BAKI, 24 noyabr - Sputnik. Türkiyə Prezidenti Rəcəb Tayyib Ərdoğan rusiyalı həmkarı Vladimir Putinə zəng vurub.

Sputnik Azərbaycan Anadolu agentliyinə istinadən bildirir ki, iki ölkənin liderləri Türkiyə ilə Rusiya arasında ticari həcmin artırılması, Dağlıq Qarabağ, Suriya və Liviyadakı vəziyyəti müzakirə ediblər.

Ərdoğan Dağlıq Qarabağda Türkiyənin Rusiya ilə birlikdə quracağı Müştərək Mərkəzin qısa zamanda fəaliyyətə başlamasını gözlədiklərini vurğulayıb.

Həmçinin Türkiyə Prezidenti Ermənistan tərəfinin razılaşmada göstərilən məsuliyyətlərindən yayınmasına izn verilməməsinin vacibliyini də qeyd edib.  

Ərdoğan Minsk qrupu həmsədrlərinin sülh üçün atılan addımları tənqid etmələrini anlamadığını da dilə gətirib.   

43
Teqlər:
telefon zəngi, Vladimir Putin, Rəcəb Tayyip Ərdoğan, Azərbaycan, Rusiya, Türkiyə, Qarabağ