Azərbaycanda orta tunc dövrünə aid qəbristanlıq aşkar edilib

Azərbaycanda orta tunc dövrünə aid qəbristanlıq aşkar edilib

636
(Yenilənib 12:22 13.08.2015)
Qəbristanlıq Naxçıvan Muxtar Respublikasının Kəngərli rayonunda yerləşən Şahtaxtı arxeoloji abidələr kompleksində arxeoloji tədqiqatlar zamanı aşkar edilib.

BAKI, 13 avq-Sputnik. Azərbaycanda orta tunc dövrünə aid qəbristanlıq aşkar edilib.

Bu barədə Sputnik-ə açıqlamasında Azərbaycan Milli Elmlər Akademiyasının (AMEA) Arxeologiya və Etnoqrafiya İnstitutunun aparıcı elmi işçisi, tarix üzrə fəlsəfə doktoru Qəhrəman Ağayev bildirib.

Onun sözlərinə görə, qəbristanlıq Naxçıvan Muxtar Respublikasının Kəngərli rayonunda yerləşən Şahtaxtı arxeoloji abidələr kompleksində arxeoloji tədqiqatlar zamanı aşkar edilib. Belə ki, burada aparılan qazıntılar zamanı 2014-cü ildə labirint tipli unikal e.ə. III minilliyə, tunc dövrünə aid qəbir abidə tapılıb.

Arxeoloq bildirib ki, Azərbaycanda arxeoloji qazıntılar zamanı bu tip abidə ilk dəfə idi aşkar edilirdi: “Məzarda birindən digərinə keçmək üçün qapılar olduğundan biz qəbir abidəyə labirint adını verdik. Düzdür o qəbirlərdə aparılan qazıntı zamanı sadəcə oradan e.ə üçüncü minilliyə aid bir küp tapa bildik”.

Ağayev əlavə edib ki, bu il aparılan qazıntılar zamanı maraqlı abidələrlə üzləşiblər: "Qazıntılar zamanı daha bir neçə tunc dövrünə aid qəbir aşkar etmişik və onları açmağı planlaşdırırıq. Ümumiyyətlə, qazıntılar zamanı bəlli oldu ki, bura tunc dövründə böyük bir yaşayış məskəni olub. Elə bu yaşayış məskəninin 15 hektara yaxını isə qəbristanlıq olub.”

  • Azərbaycanda orta tunc dövrünə aid qəbristanlıq aşkar edilib
    Azərbaycanda orta tunc dövrünə aid qəbristanlıq aşkar edilib
    AMEA
  • Azərbaycanda orta tunc dövrünə aid qəbristanlıq aşkar edilib
    Azərbaycanda orta tunc dövrünə aid qəbristanlıq aşkar edilib
    AMEA
  • Azərbaycanda orta tunc dövrünə aid qəbristanlıq aşkar edilib
    Azərbaycanda orta tunc dövrünə aid qəbristanlıq aşkar edilib
    AMEA
1 / 3
AMEA
Azərbaycanda orta tunc dövrünə aid qəbristanlıq aşkar edilib

Şahtaxtı arxeoloji abidələr mərkəzinin bölgədə olan digər arxeoloji mərkəzlərdən fəqri barədə danışan Ağayev bildirib ki, Şahtaxtı arxeoloji abidələr kompleksi nəinki Azərbaycanda, Qafqazda, Yaxın Şərqdə, bəlkə də dünyada yeganə arxeoloji abidədir ki, burada eneolit dövründən bu günə kimi intensiv yaşayış olub: “Əhali 8 min il öncə, mis-daş dövründə bu ərazidə məskunlaşıb və bu gün də həmin ərazidə yaşayır. İntensiv yaşayış olduğundan abidədə bütün mədəni təbəqələr üst-üstə yerləşir. Builki qazıntıların son nəticəsi ərazinin stratoqrafiyasını dəqiqləşdirməyə imkan verdi. Yəni əldə olunan faktlar bizə Şahtaxtı yaşayış yerinin yaşının daha qədim dövrə — Eneolit dövrünə aid olmasını təsdiqlədi”.

Arxeoloq onu da əlavə edib ki, ərazi zəlzələnin episentri olan coğrafi bir məkan olsa da, bura intensiv yaşayış məkanı olub və zəlzələlərin olmasına baxmayaraq, insanlar buranı tərk etməyib və bugünə kimi də yaşayış davam edir.

Arxeoloqun sözlərinə görə, bütün regionda unikal abidə hesab olunan Şahtaxtı arxeoloji kompleksini qorumaq üçün ərazi açıq muzey elan olunmalıdır: “Qədim Şahtaxtı kəndi Azərbaycana böyük tarixi şəxsiyyətlər bəxş edib. Böyük İpək Yolunun kənarında, Azərbaycanla İran arasındakı sərhəd-keçid məntəqəsinin yaxınlığında yerləşən bu abidənin açıq muzey kimi nümayiş etdirilməsi çox vacibdir. Bura açıq muzey kimi fəaliyyət göstərsəydi, elmi baxımla yanaşı, turizm baxımından da böyük əhəmiyyət daşıyardı. Buranın açıq muzey kimi fəaliyyət göstərməsi eyni zamanda buranın sosial-iqtisadi durumuna da müsbət təsir göstərə bilər”.

Şahtaxtı arxeoloji kompleksində kəşfiyyat xarakterli ilk qazıntı işləri 1936-cı ildə aparılıb və abidənin son tunc, erkən dəmir dövrünə aid olması müəyyənləşdirilib. 1978-1987-ci illərdə AMEA Arxeologiya və Etnoqrafiya İnstitutunun Naxçıvan Elm Mərkəzi ilə birlikdə apardıqları arxeoloji qazıntılar abidənin daha qədim dövrlərə aid olmasını aşkar edib.

636
Teqlər:
Naxçıvanda orta tunc dövrünə aid qəbristanlıq, orta tunc dövrünə aid qəbristanlıq, Tunc dövrünə aid qəbristanlıq, Arxeologiya və Etnoqrafiya İnstitutu, Azərbaycan Milli Elmlər Akademiyası, AMEA, Milli Elmlər Akademiyası, Qəhrəman Ağayev, Naxçıvan, Azərbaycan
Koronavirusa qarşı peyvənd Pfizer-BioNTech, arxiv şəkli

İcbari Tibbi Sığorta üzrə Dövlət Agentliyi ÜST-ə etirazını bildirdi

11
Agentlik: Azərbaycanın “Pfizer-BioNTech” vaksinlərini əldə edəcək 18 ölkə siyahısına daxil edilməməsi aydın deyil

BAKI, 4 mart - Sputnik. İcbari Tibbi Sığorta üzrə Dövlət Agentliyi (Agentlik) Azərbaycanın COVAX platforması çərçivəsində “Pfizer-BioNTech” vaksinlərini əldə edəcək 18 ölkə siyahısına daxil edilməməsi barədə Ümumdünya Səhiyyə Təşkilatının (ÜST) qeydi ilə razı deyil.

Agentlikdən bildirilib ki, ÜST tərəfindən verilən məlumatda 29 yanvar tarixinədək COVID-19 peyvənd proqramına başlamış iştirakçı ölkələr “Pfizer-BioNTech” peyvəndinin birinci müstəsna paylanma mərhələsinə daxil edilmədiyi qeyd olunub:

“Bu əsaslandırma aydın deyil və bununla bağlı müddəalar heç bir hüquqi sənəddə və rəsmi yazışmalarda öz əksini tapmayıb. Azərbaycan ÜST-ün tövsiyələrini nəzərə alaraq vaksinasiya strategiyasını təsdiqləyib və vaksinlərin qəbulu üçün bütün texniki tələbləri yerinə yetirib.

Ötən il yaradılmış COVAX platformasının “SARS-CoV-2” virusuna qarşı vaksinlərin hazırlanması təşəbbüsünü yüksək qiymətləndirən və bu əməkdaşlığa ilk qoşulan 50 ölkədən biri də məhz Azərbaycan Respublikasıdır”.

Məlumatda qeyd olunub ki, Azərbaycan vaksinlərin dünya ölkələri arasında ədalətlilik və həmrəylik prinsipləri ilə bölgüsünün tərəfdarıdır:

“Təəssüflə qeyd etmək istərdik ki, təcrübədə bunun əksini görürük.

Bir daha vurğulayırıq ki, Azərbaycan ilk gündən ÜST-ün tövsiyələrinə uyğun fəaliyyət göstərməklə yanaşı, COVID-19-la mübarizə çərçivəsində həyata keçirilən əməkdaşlıqlara öz töhfəsini vermişdir və vətəndaşlarının sağlamlığı üçün qarşıya qoyulmuş bütün öhdəlikləri yerinə yetirməyə bu gün də davam edir”.

Bildirilib ki, COVAX-la yazışmalarda Azərbaycanın bu vaksinləri infrastruktur baxımından qəbul etməyə tam hazır olduğu bildirilib:

“Bu gün COVAX layihəsi faktiki olaraq öz öhdəliklərini yerinə yetirə bilmir. Vaksinlərin düzgün paylaşdırılmasında ədalətsiz yanaşma birbaşa bu layihənin icrasında ciddi problemlərin olmasından xəbər verir.  Hesab edirik ki, COVAX layihəsi çərçivəsində bu proses nəzarətdə saxlanılmalı və istehsalçı şirkətlər qarşısında konkret tələblər qoyulmalıdır. 

Agentlik mövqeyini COVAX-a göndərilən rəsmi məktubda bildirib və təşəbbüskar qurumları qərara yenidən baxmağa çağırıb”.

11
Rusiya Prezidenti Vladimir Putin, arxiv şəkli

Vladimir Putin "daha bir sarayı" haqda

10
(Yenilənib 23:34 04.03.2021)
Daha əvvəl Navalnının komandası yaydığı filmdə iddia olunur ki, Rusiya Prezidenti Qara dəniz sahilində özünə 100 milyard rubl həcmində saray tikdirib.

BAKI, 4 mart — Sputnik. Rusiya Prezidenti Vladimir Putin "Biz birlikdəyik" ümumrusiya qarşılıqlı yardım aksiyasının iştirakçıları ilə görüşü zamanı "daha bir saray" haqqında zarafat edib. Bu barədə Sputnik Azərbaycan "RİA Novosti"-yə istinadən xəbər verir.

Belə ki, görüş zamanı prezidentlə əlaqəyə Leninqrad vilayətindən qız çıxıb. O, bildirib ki, Sterlnidən (Rusiya Federasiyası Prezidentinin İşlər üzrə idarəsi, "Konqreslər sarayı"nın yerləşdiyi yer) iki kilometr aralıda yerləşir.

"Yaxşı, əla. Daha bir saray kimi görünür, ona görə gələcəyəm. Amma onu mənim adıma yazmayın", - deyə Putin zarafatla deyib.

Qeyd edək ki, daha əvvəl Navalnının komandası yaydığı filmdə iddia olunur ki, Rusiya Prezidenti Qara dəniz sahilində özünə 100 milyard rubl həcmində saray tikdirib. Putin isə öz növbəsində bəyan edib ki, materialda göstərilən heç bir şey nə ona, nə də onun qohumlarına məxsus deyil".

10