“Google” yeni “Alphabet” şirkətini yaratdığını elan edib

BAKI, 11 avq-Sputnik. ABŞ-ın “Google” korporasiyası bütün xidmətlər üçün yeni “Alphabet” şirkətinin yaradıldığını elan edib. Şirkətin qurucusu Larri Peycin sözlərinə görə, korporasiyanın yeni strukturu brendləri idarə etmə üzrə mövcud sxemi sadələşdirəcək.

Sputnik BBC-yə istinadən xəbər verir ki, “YouTube” və “Android” kimi tanınmış brendlər də, həmçinin internet axtarış sistemi kimi tanınan “Google” brendi altında fəaliyyət göstərəcək. İnvestisiya və tədqiqat bölməsi “Alphabet” şirkətinin idarəsi altına keçəcək. Yeni plana əsasən, Larri Peyc “Alphabet” şirkətinin icraçı direktoru olacaq, Sundar Piçayi isə “Google”nin idarə sədri vəzifəsinə keçəcək. “Google”nin həmtəsisçisi Serqey Brin “Alphabet” şirkətinin prezidenti vəzifəsini icra edəcək.