Alpinist

45 il əvvəl Alp dağlarında itkin düşən iki alpinist tapılıb

984
DNT testi onların 45 il əvvəl itkin düşmüş Miçio Oikava və Masayuki Kobayaşi olduğunu təsdiqləyib.

BAKI, 8 avq-Sputnik. İsveçrədə Alp dağlarında 1970-ci ildə itmiş 2 yapon alpinistin meyiti tapılıb.

APA-nın “BBC News”a istinadən verdiyi məlumata görə, qalıqlar dəniz səviyyəsindən 2,8 km hündürlükdə Matterxorn dağlarının ətəyində aşkar edilib. 

DNT testi onların 45 il əvvəl itkin düşmüş Miçio Oikava və Masayuki Kobayaşi olduğunu təsdiqləyib.

Qeyd olunur ki, qalıqlar alpinistlərin itkin düşdüyü ehtimal edilən ərazidən çox uzaqda tapılıb. Ekspertlərin fikrincə, onların ölüm səbəbi ekspedisiya ərazisində dağ buzlaqlarının aktiv əriməsi ilə olub. 

984
Arxeoloji qazıntılar, arxiv şəkli

Gözlənilməz "kömək"! Sel suları Şamaxıda antik dövrə aid nekropolu üzə çıxardı

1
(Yenilənib 19:10 05.08.2020)
Qeyd edək ki, Şamaxı rayonunun Quşçu kəndi antik və ilk orta əsrlər dövrlərinə aid abidələrlə zəngindir. Vaxtilə burada Qalacıq yaşayış yeri, antik və ilk orta əsrlər dövrünə aid nekropollarda geniş miqyaslı arxeoloji tədqiqat işləri aparılıb.

BAKI, 5 avqust — Sputnik. Bir neçə gün öncə yağan güclü yağış nəticəsində yaranan sel suları Şamaxı rayonu Quşçu kəndi ərazisində antik dövrə aid nekropolun aşkar olunmasına səbəb olub.

Bu barədə Sputnik Azərbaycan-a Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin mətbuat katibi Fariz Hüseynov məlumat verib.

O bildirib ki, sel suları kənd sakini Namiq Mustafayevə məxsus həyətyanı sahədə qədim qəbirlərin üzərini açıb. Kənd sakini bu barədə Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinə məlumat verib.

Onun sözlərinə görə, bununla əlaqədar AMEA-nın Arxeologiya və Etnoqrafiya İnstitutunun Şamaxı Arxeoloji Ekspedisiyasının rəisi Akif Quliyev və rayon üzrə abidə mühafizəçisi Yasin Nuriyev əraziyə baxış keçiriblər. Baxış zamanı məlum olub ki, sel suları nəticəsində vətəndaşa məxsus həyətyanı sahənin yamac hissəsində 9 qəbir üzə çıxıb. Torpaq qəbirlərin üzəri iri sal daşlarla bağlanıbmış. Qəbirlər torpaq səthindən 1,5-1,8 metr dərinlikdə yerləşir.

"Ərazidə aparılan araşdırmalar nəticəsində 10 ədəd müxtəlif ölçülü və biçimli saxsı məmulatlar, saxsıdan olan fiqurlar - bütlər, qrifon, heyvan fiqurları (at, qoç), metal pullar aşkar olunub. Tapıntılar arasında quş başlı insan fiqurlar böyük maraq doğurur. Bu tip qrifonlar Qədim Misirdə müdriklik və elm ilahəsi Totu səciyələndirirdi", -deyə F.Hüseynov qeyd edib.

Qurumun rəsmisi əlavə edib ki, qəbir kamerasından aşkar edilmiş numizmatika materialları nekropolun b.e. I əsrinə aid olduğunu təsdiqləyir. Abidədə aparılacaq arxeoloji tədqiqat işləri bir çox mətləblərə aydınlıq gətirəcək.

Qeyd edək ki, Şamaxı rayonunun Quşçu kəndi antik və ilk orta əsrlər dövrlərinə aid abidələrlə zəngindir. Vaxtı ilə burada Qalacıq yaşayış yeri, antik və ilk orta əsrlər dövrünə aid nekropollarda geniş miqyaslı arxeoloji tədqiqat işləri aparılıb.

1
Rusiya Təhlükəsizlik Şurasının sədrinin müavini Dmitri Medvedev, arxiv şəkli

Medvedyev Belarusa xəbərdarlıq etdi - Kədərli nəticələri olacaq

4
(Yenilənib 19:04 05.08.2020)
Belarus Prezidenti Aleksandr Lukaşenko prezident seçkiləri ərəfəsində xalqa və parlamentə müraciətində bildirib ki, Rusiya Belarusu itirməkdən qorxur.

BAKI, 5 avqust — Sputnik. Belarus rəhbərliyinin Rusiyadan düşmən obrazı düzəltmək və bunun köməyi ilə siyasi nəticələrə nail olmaq cəhdləri kədərli nəticələrə səbəb olacaq. Sputnik Azərbaycan RİA Novosti-yə istinadən xəbər verir ki, bunu Rusiya Təhlükəsizlik Şurasının sədrinin müavini Dmitri Medvedyev bildirib.

Onun sözlərinə görə, Rusiya-Belarus münasibətləri seçki kampaniyasında adi məsələyə dönüb: "Bundan sonra da "istəyir, lap dünya dağılsın. Eybi olmaz, bunu ruslarla həll edəcəyik. Bu yalnız inciklik hissinə səbəb olmur, bu həm də olduqca kədərlidir".

Qeyd edək ki, ötən gün Belarus Prezidenti Aleksandr Lukaşenko prezident seçkiləri ərəfəsində xalqa və parlamentə müraciətində bildirib ki, Rusiya Belarusu itirməkdən qorxur.

"Rusiya bizi itirməkdən qorxur. Çünki bizdən başqa onun həqiqi yaxın tərəfdaşı qalmayıb. Qərb də son zamanlar bizə predmetli maraq göstərir. Çin də öz dostunun sabitliyinə ümid bəsləyir", - deyə Lukaşenko qeyd edib.

O eyni zamanda vurğulayıb ki, hakimiyyətdə kimin olmasından asılı olmayaraq, Rusiya həmişə Belarusun müttəfiqi olacaq: "Belarus və ya Rusiyada kimin hakimiyyətdə olmasından asılı olmayaraq, Rusiya həmişə bizim ən yaxın müttəfiqimiz olub, müttəfiqimizdir və müttəfiqimiz olaraq qalacaq".

4