Politoloq: Türkiyə terrorla təkbaşına mübarizə aparır

37
(Yenilənib 12:57 03.08.2015)
Elxan Şahinoğlu: İŞİD ABŞ-ın problemidir və onunla mübarizəni də ABŞ özü aparmalıdır.

BAKI, 3 avqust – Sputnik. Türkiyədə koalisiya hökumətinin qurulması üçün siyasi partiyalar arasında müzakirələr davam edir. Əsas danışıqlar seçkilərdə 41 % səs toplayan AKP ilə 25 % səs yığan CHP arasında aparılır. Artıq müzakirələrin 3 raundu geridə qalıb. Bugün isə sonuncu, dördüncü dəfə heyətlər arası görüşlər keçiriləcək. Əgər danışıqlarda müsbət irəliləyiş əldə olunsa, bundan sonrakı mərhələdə liderlər görüşəcəklər. Qeyd edək ki, bir çox mövzuda hələ də üzərində razılıq əldə olunmayan məqamlar mövcuddur.

Atlas Araşdırmalar Mərkəzinin rəhbəri, politoloq Elxan Şahinoğlu Sputnik-ə verdiyi açıqlamada deyib ki, müharibə vəziyyətində seçkilərə getmək Türkiyəyə sərf etmir və böyük ehtimalla koalisiya hökuməti qurulacaq. “MHP koalisiyada yer almayacağını öncədən bildirmişdi. Ona görə də AKP-CHP koalisiyası daha real görünür. Partiyalar özləri də bilirlər ki, bu cür şəraitdə ölkə hökumətsiz qalmamalıdır. Çünki Türkiyə iki cəbhədə müharibə aparır. Daxildə terror hadisələrinin sayı hər gün artaraq davam edir. Buna görə də hesab edirəm ki, koalisiya qurulacaq.”

Politoloq Elxan Şahinoğlu qurulacaq hər hansı koalisiya hökumətinin uzunömürlü olmayacağını iddia edib.

 politoloq Elxan Şahinoğlu \ Политолог Эльхан Шахиноглы
sputnik.az
politoloq Elxan Şahinoğlu \ Политолог Эльхан Шахиноглы

“Koalisiya hökuməti qurulsa belə, ömrü uzun olmayacaq. Biri-birinə tərs siyasi xətt izləyən partiyaların sonadək bərabər olması qeyri-səmimi olardı. Sadəcə olaraq, hazırki böhran vəziyyəti bitənədək bu bərabərlik davam edəcək.” — deyə politoloq əlavə edib.

Türkiyənin İŞİD və PKK ilə mübarizəsinə də toxunun Elxan Şahinoğlu, türk ordusunun əsas diqqəti PKK-ya yönəltdiyini deyib: “İŞİD bir türk əsgərini şəhid etdi və layiqli cavabını aldı. Hazırda isə Türkiyə hökuməti əsas diqqəti PKK terrorçularına yönəldib. Onların Şimali İraqdakı mövqelərinə havadan ağır zərbələr endirilir. İŞİD-ə gəlincə, bu təşkilat ABŞ-ın problemidir və onlarla mübarizəni də ABŞ özü aparmalıdır. Çünki İŞİD-in yaranmasının kökü İraq müharibəsinə dayanır.” 

Politoloq, NATO və ABŞ-ın Türkiyəyə sözdə dəstək verdiyini, faktiki olaraq Türkiyənin terrorla təkbaşına mübarizə apardığını qeyd edib.


37
Teqlər:
Türkiyənin İŞİD və PKK ilə mübarizəsi, Türkiyədə koalisiya hökuməti, PKK, MHP, CHP, AKP, İŞİD, politoloq Elxan Şahinoğlu, Elxan Şahinoğlu, Türkiyə
Mövzu:
Türkiyənin terror əleyhinə mübarizəsi (21)
Avropa Liqasının qrup mərhələsinin 2-ci tutu çərçivəsində Qarabağ - Vilyareal matçı

"Qarabağ" azarkeşlərini məyus etdi

33
(Yenilənib 23:52 29.10.2020)
Azərbaycanın "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

BAKI, 29 oktyabr — Sputnik. "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

Sputnik Azərbaycan xəbər verir ki, görüş Türkiyənin İstanbul şəhərindəki "Başakşehir Fatih Terim" stadionunda baş tutub.

Komandalar oyunun birinci hissəsini heç-heçə başa vurublar. İkinci hissədə isə "Qarabağ"ın oyunçusu Kvabena Ovusu fərqlənib. O, 78-ci dəqiqədə hesabı açıb. Lakin Ağdam klubunun azarkeşlərinin sevinci uzun çəkməyib. 2 dəqiqə sonra "Vilyarreal" Yeremi Pinonun vurduğu qolla hesabı bərabərləşdirib. Matçın 84-cü dəqiqəsində Pako Alkaser Ağdam klubunu cəzalandırıb. "Vilyarreal" ikinci qolla önə çıxıb. 

Oyuna əlavə edilən dəqiqələrdə "Vilyarreal" 3-cü topu "Qarabağ"ın qapısından keçirib. Üçüncü topu da 90+6-cı dəqiqədə penaltidən Pako Alkaser vurub.

Beləliklə, "Qarabağ"-"Vilyarreal" matçında oyun ispan klubunun qələbəsi ilə başa çatıb.

Bu oyunun nəticəsi olaraq xallarını 6-ya çatdıran "Vilyarreal" qrupda liderliyini möhkəmlədib. "Qarabağ" isə 1 xalla 3-cü pillədə qalıb.

33
Türkiyə Böyük Millət Məclisinin sədri Mustafa Şentop

Azərbaycan Türkiyə spikerləri: "Bu iki qardaş xalq həmişə bir-birinin yanında olacaq"

19
(Yenilənib 23:27 29.10.2020)
Türkiyə Böyük Millət Məclisinin Sədri Mustafa Şentop Türkiyənin bundan sonra da Azərbaycanın yanında olacağını və Azərbaycan torpaqlarının tezliklə tamamilə düşmən tapdağından azad olunacağı günü səbirsizliklə gözlədiklərini diqqətə çatdırıb.

BAKI, 29 oktyabr — Sputnik. Oktyabrın 29-da Milli Məclisin Sədri Sahibə Qafarova Türkiyə Böyük Millət Məclisinin Sədri Mustafa Şentopla telefonla danışıb.

Sputnik Azərbaycan-ın məlumatına görə, Milli Məclisin Sədri türkiyəli həmkarına 29 oktyabr - Cümhuriyyət Günü münasibətilə təbriklərini çatdırıb, qardaş türk xalqına tərəqqi və firavanlıq arzulayıb.

Milli Məclisin Sədri qardaş Türkiyə Respublikasının Ermənistan-Azərbaycan Dağlıq Qarabağ münaqişəsi ilə bağlı ölkəmizə göstərdiyi dəstəyə görə bir daha minnətdarlığını bildirib, iki qardaş xalqın həmişə bir-birinin yanında olacağına əminliyini ifadə edib.

Sahibə Qafarova Ermənistanın son dövrlər döyüş meydanında məruz qaldığı uğursuzluqlarla barışmayaraq mülki əhalini hədəfə aldığını və bunun insanlıq əleyhinə yönələn müharibə cinayəti olduğunu ifadə edib.

Sahibə Qafarova telefon söhbətinin sonunda bildirib ki, bütün Azərbaycan xalqı öz dövlətinin və Prezidentinin yanındadır. "Möhtərəm Prezidentimiz İlham Əliyevin rəhbərliyi ilə Azərbaycanda bərqərar olmuş güclü idarəçilik sistemi, iqtidarla xalq arasında mövcud olan sarsılmaz birlik Dağlıq Qarabağ məsələsinin tamamilə həllini təmin edəcək".

Təbriklər və xoş sözlər üçün təşəkkürünü bildirən Türkiyə Böyük Millət Məclisinin Sədri Mustafa Şentop Türkiyənin bundan sonra da Azərbaycanın yanında olacağını və Azərbaycan torpaqlarının tezliklə tamamilə düşmən tapdağından azad olunacağı günü səbirsizliklə gözlədiklərini diqqətə çatdırıb.

19