Pekin

2022-ci ilin qış Olimpiadası Pekində keçiriləcək

677
(Yenilənib 18:28 31.07.2015)
Çin paytaxtının xeyrinə BOK-un 44 üzvü, Qazaxıstan şəhərinin xeyrinə isə 40 üzvü səs verib.

BAKI, 31 iyul – Sputnik. Pekin 2022-ci ilin qış Olimpiadasına və Paralimpiya oyunlarına ev sahibliyi edəcək. Tədbirlərin keçirilmə yeri Beynəlxalq Olimpia Komitəsinin (BOK) Kuala-Lumpurda keçirilən 128-ci sessiyasında müəyyənləşib. Bu barədə məlumat BOK-un saytında yer alıb. 

Olimpiada-2022-nin keçirilməsinə Alma-Ata da iddia edib. Amma Çin paytaxtının xeyrinə BOK-un 44 üzvü, Qazaxıstan şəhərinin xeyrinə isə 40 üzvü səs verib. 

Tədbirlərin üç yerdə keçirilməsi planlaşdırılır. Pekinin mərkəzində açılış mərasimi, fiqurlu konkisürmə, şort-trek, xokkey, kerling və sürətli konkisürmə yarışları keçiriləcək. Pekinin şimal-qərb rayonu Yantsində dağ xizəkçiləri, bobsleyçilər, kirşəçilər, skeletonistlər yarışacaqlar. Çjantszyakouda isə xizək, tramplindən xizəklə tullanma, biatlon, fristayl və soubord yarışları olacaq. 

Çin tarixdə ilk dəfədir ki, qış oyunlarını qəbul edəcək. 2008-ci ildə Pekində yay Olimpiadası keçirilmişdi. Bu baxımdan Çin paytaxtı həm yay, həm də qış Olimpiadasını təşkil edən ilk şəhərdir. Eyni zamanda Olimpia oyunları üç dəfə dalbadal Asiyada keçiriləcək (Pxençxana — 2018 və Tokio —2020).

 

677
Teqlər:
Pekin 2022, Pekin olimpiadası
Dövlət Gömrük Komitəsinin sədri Səfər Mehdiyev, arxiv şəkli

Səfər Mehdiyev: Ötən il idxalın 59 faizi gömrük rüsumundan azad edilib

0
(Yenilənib 14:36 04.03.2021)
Ötən il Azərbaycanda idxalın 41 faizi gömrük rüsumuna cəlb edilib, idxal əməliyyatlarının dəyəri isə 10 milyard 730,7 milyon dollar olub.

 

BAKI, 4 mart — Sputnik. 2020-ci ildə idxalın 59 faizi gömrük rüsumundan azad olunub.

Sputnik Azərbaycan xəbər verir ki, bu barədə Dövlət Gömrük Komitəsinin sədri Səfər Mehdiyev deyib.

O bildirib ki, keçən il idxalın 41 faizi gömrük rüsumuna cəlb edilib, 59 faizi isə rüsumdan azad olunub:

"Belə ki, idxal rüsumundan azad olunan malların dəyəri 6 milyard 331 milyon 856 min ABŞ dolları, rüsuma cəlb olunanların dəyəri isə 4 milyard 398 milyon 864 min dollar təşkil edib".

Qeyd edək ki, ötən il Azərbaycanda idxal əməliyyatlarının dəyəri 10 milyard 730,7 milyon dollar olub.

0
Qaradağlı kəndi

Füzulinin Qaradağlı kəndindən görüntülər - VİDEO

3
(Yenilənib 14:33 04.03.2021)
Müdafiə Nazirliyi Ermənistanın işğalından azad olunan Füzuli rayonunun Qaradağlı kəndindən videogörüntülər yayıb.

BAKI, 4 mart — Sputnik. Azərbaycan Müdafiə Nazirliyi Ermənistanın işğalından azad olunan Azərbaycan kəndlərinin videogörüntüsünü yaymaqda davam edir. 

Sputnik Azərbaycan xəbər verir ki, bu dəfə Nazirlik Füzuli rayonunun Qaradağlı kəndindən yeni videogörüntülər paylaşıb.

Sputnik Azərbaycan həmin görüntüləri təqdim edir.

Qeyd edək ki, kənd Ermənistan Respublikası Silahlı Qüvvələri tərəfindən 2 oktyabr 1992-ci ildə işğal edilmişdi.

Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə razılaşıblar.

Bəyanata görə, Ağdam rayonu 2020-ci il noyabrın 20-də, Kəlbəcər rayonu noyabrın 25-də (ilkin olaraq noyabrın 15-i nəzərdə tutulurdu), Laçın rayonu isə dekabrın 1-də Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılmalıdır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

3