Kepler-452b

İnsanın yaşaya biləcəyi yeni planet tapıldı

1446
(Yenilənib 13:07 24.07.2015)
NASA Günəş sistemindən kənarda daha bir ekzoplanet – ölçüləri və xüsusiyyətləri Yer kürəsinə bənzəyən “Kepler-452 b” planeti aşkarladığını bütün dünyaya elan edib.

BAKI, 23 iyul — Sputnik. Amerika Kosmik Agentliyi – NASA çox mühüm elmi kəşfə imza atıb.

İKT.lent.az-ın xəbərinə görə, kosmik agentlik Günəş sistemindən kənarda daha bir ekzoplanet – ölçüləri və xüsusiyyətləri Yer kürəsinə bənzəyən “Kepler-452 b” planeti aşkarladığını bütün dünyaya elan edib. Bu kəşf alimlərin həmin planetdə həyatın mövcud olması və yerdəki insanların oraya köçürülməsinin mümkünlüyü barədə müzakirələr aparmasına əsas yaradır.

“Kepler-452 b” Günəşə bənzəyən ulduzun yaxınlığında yerləşir. Ulduza qədər olan məsafə və onun ölçüsü planetdə maye halında suyun olduğunu və beləliklə, həyatın mövcudluğunu söyləməyə imkan verir. Lakin hər şey planetin atmosferinin nədən ibarət olduğu və orada temperaturun səviyyəsindən asılıdır. Alimlər hələlik bu barədə heç nə bilmir.

“Kepler-452 b”ni işıqlandıran ulduzun təxminən 6 milyard yaşı var və o, Günəşdən 1,5 milyard il böyükdür. Ulduz nə qədər böyükdürsə, deməli, onu əhatə edən planetlərə daha çox enerji verir. “Biz “Kepler-452 b”yə Yerin böyük qardaşı kimi baxa bilərik. Bizə inanılmaz şəkildə ilham verən odur ki, bu planet öz ulduzunun ətrafında Yerdən daha çox – 6 milyard il keçirib. Bu isə həyatın əmələ gəlməsi üçün yetərli imkandır, bir şərtlə ki, orada bunun üçün bütün şərait və inqredientlər mövcud olsun”, — deyə NASA-nın tədqiqat mərkəzinin aparıcı analitiki Con Cenkins deyib.

“Kepler-452 b” Yerin ölçülərinə uyğun gələn ilk planetdir. O, öz günəşi ətrafında 385 gündən bir fırlanır və Yerdən təxminən 1400 işıq il uzaqdadır. Planet öz günəşindən Yerin Günəşdən aldığı enerjidən 10% daha çox enerji alır.

Qeyd edək ki, alimlər “Kepler” teleskopunun köməyi ilə Günəş sistemindən kənarda daha öncə də Yerə oxşayan planetlər aşkarlayıblar. 2014-cü ildə NASA Yerin ölçüləri ilə müəyyən qədər uyğun gələn ilk planetin — “Kepler-186 f”in aşkarlandığını açıqlamışdı. Bu planet Yerdən 500 işıq ili uzaqdadır, öz “günəşi” ətrafında 130 gündən bir dövr edir və Yerin Günəşdən aldığı enerjinin üçdə biri qədər enerji alır. “Kepler-186 f”in kütləsi və tərkibi bəlli deyil. 2011-ci ildə alimlər Yerdən kiçi daha bir planet (“Kepler-20 e”) aşkarlayıb. Lakin orada suyun mövcud olmasını qeyri-mümkün edəcək dərəcədə istilik var.

1446
Teqlər:
Kepler teleskopu, Kepler, Yer 2.0, yeni planet, yeni dünya, Kepler-452b, Kepler-452 b, Amerika Kosmik Agentliyi, NASA
Müğənni Rəsul Əfəndiyev

"Ay anası olanlar..." Azərbaycanlı müğənnidən təsirli mahnı - VİDEO

2
(Yenilənib 16:48 08.03.2021)
Rəsul Əfəndiyevin analara həsr etdiyi yeni layihəsində əsas rolu teleaparıcı, Azərbaycanın Əməkdar artisti Nailə İslamzadə canlandırıb

BAKI, 8 mart - Sputnik. Müğənni Rəsul Əfəndiyev bütün analara həsr etdiyi mahnısını təqdim edib. 

Müğənni Sputnik Azərbaycan-a bildirib ki, "Ana" mahnısının sözlərini Rafael Qədirov, musiqisini isə Fərid Kərimli yazıb. Mahnının lentə alınmasında kamançaçı Elnur Kərimov, Kənan Tərlanoğlu (ud) və balabançı Nurlan Bəkirov da iştirak ediblər. 

Klipin ssenarisi Kənan Bayramova məxsusdur. Klipdə əsas, ana obrazını Azərbaycanın Əməkdar artisti Nailə İslamzadə yaradıb. Qəhrəmanların obrazı üzərində dizayner Afaq İsmayılzadə işləyib. 

"Ana hər birimizin həyatında vacıb insandır. Həmişə yanımızdadır, nə etsək, dəstək olur. Onların simasında bütün Azərbaycan qadınlarını təbrik edirəm", - Əfəndiyev deyib. 

Rəsul Əfəndiytev gənc ifaçılar arasında özünəməxsus yer tutur. O, Xalq artisti Aygün Kazımova ilə duetindən sonra məşhurlaşdı, hazırda da Kazımova ilə işbirliyini davam etdirir.

2
Teqlər:
8 Mart Beynəlxalq Qadınlar Günü, müğənni, ana, mahnı, video, klip
Bəşər Əsəd, arxiv şəkli

Əsəd ailəsi koronavirusa yoluxdu

4
(Yenilənib 16:29 08.03.2021)
Suriyada koronavirus pandemiya elan olunandan (11.03.2020) indiyədək 15981 nəfər COVID-19-a yoluxub, 1063 nəfər vəfat edib

BAKI, 8 mart - Sputnik. Suriyanın prezidenti Bəşər Əsəd və xanımı Əsma Əsəd koronavirusa yoluxublar. 

Sputnik Azərbaycan bildirir ki, bu barədə Suriya prezidentinin dəftərxanası məlumat yayıb. 

"Prezident Əsəd və xanım Əsma Əsəd PCR test veriblər, nəticə müsbət olub", - məlumatda deyilir. 

Qeyd olunur ki, Bəşər Əsəd və xanımının vəziyyəti yaxşı, stabildir.

Suriyada koronavirus pandemiya elan olunandan (11.03.2020) indiyədək 15981 nəfər COVID-19-a yoluxub, 1063 nəfər vəfat edib. 4544 nəfər müalicə alır.   

4
Teqlər:
Koronavirus, Suriya, Əsma Əsəd, Bəşər Əsəd
Mövzu:
Yeni tip koronavirus pandemiyası