Иран

Konqressmenlər İranla sazişin əleyhinədirlər

16
(Yenilənib 11:16 23.07.2015)
Dan Rorabaker: Bu saziş ABŞ-ın İranın molla rejimi ilə mübarizə aparmaq və bu ölkədə demokratiya və insan hüquqlarının tərəfdarı olan qüvvələri dəstəkləmək imkanlarını məhdudlaşdırır.

BAKI, 23 iyul — Sputnik. Beynəlxalq "altılıq"la İran arasında bağlanan nüvə sazişi İslam Respublikasının Koreya Xalq Demokratik Respublikası və Pakistan kimi nüvə silahı əldə etməsini istisna etmir.

Sputnik xəbər verir ki, ABŞ-ın Nümayəndələr Palatasının Beynəlxalq Komitəsinin respublikaçı üzvü Dan Rorabaker belə deyib.  

Dünən Konqressdə dövlət katibi Con Kerri, energetika naziri Ernest Monis və maliyyə naziri Ceykob Lyunun iştirakı ilə İranla sazişə dair dinləmələrin bağlanışı olub. Senatın və Nümayəndələr Palatasının əksər üzvü sənəd əldə olunana qədər onu sərt tənqid etmişdilər və ona səs verməyəcəklərini bildirmişdilər.

"Saziş İranın nüvə silahı istehsal etməsinin qarşısını alır, lakin onu məsələn, Pakistandan və Şimali Koreyadan almasına mane olmur.Bu sazişlə heç cür bunun qarşısını almaq mümkün olmayacaq." — deyə Rorabaker müzakirələrin sonunda jurnalistlərə bildirib.

"Bu saziş yaxşı deyil. Uzunmüddətli perspektivdə bu sülhü möhkəmlətməyə qadir deyil." — deyə Rorabaker əlavə edib. O, həmçinin vurğulayıb ki, indi ABŞ-ın İranın molla rejimi ilə mübarizə aparmaq və bu ölkədə demokratiya və insan hüquqlarının tərəfdarı olan qüvvələri dəstəkləmək imkanları məhdudlaşıb. Konqresmenin fikrincə, məhz İrandakı molla rejimi dünyadakı sülhə təhlükə yaradır.

Bazar ertəsi BMT-nin Təhlükəsizlik Şurası İranın nüvə proqramına beynəlxalq nəzarətin həyata keçirilməsi, onun dinc məqsədlər üçün istifadəsi və İranın nüvə silahı yaratmaması barədə qətnamə qəbul edib. İran və "altılıq" (BMT-nin Təhlükəsizlik Şurasının 5 üzvü və Almaniya) ölkələrinin 20 aylıq danışıqlardan sonra iyulun 14-də Vyanada qəbul etdiyi sənəd baxılmaq üçün ABŞ-ın Təhlükəsizlik Şurasındakı nümayəndə heyətinə təqdim edilib. 

İyulun 20-dən etibarən ABŞ Konqressinin sənədə münasibətini bildirmək üçün 60 gün vaxtı var. Senat və Nümayəndələr Palatasında 2/3 səs çoxluğu ilə qəbul edilmədiyi və fikir ayrılığı olduğu halda ABŞ prezidentinin Konqresin qərarına veto qoymaq hüququ var.

16
Teqlər:
Beynəlxalq altılıq, Böyük altılıq, nüvə anlaşması, İran ilə ABŞ, Con Kerri, Ceykob Lyun, Ernest Monis, Dan Rorabaker, İran İslam Respublikası, İran

Cəbhəyanı ərazilərdə onlarla tank piyada əleyhinə mina, bombacıqlar aşkarlandı

16
Mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

BAKI, 26 noyabr - Sputnik. Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Beyləqan, Füzuli, Goranboy, Göygöl, Tərtər rayonları ərazisində mərmilərin aşkar olunması barədə Daxili İşlər Nazirliyinin ″102″ Xidməti-Zəng mərkəzi sistemindən 38 və Fövqəladə Hallar Nazirliyinin Böhran Vəziyyətlərində İdarəetmə mərkəzindən 7 müraciət daxil olub.

ANAMA-dan Sputnik Azərbaycan-a verilən məlumata görə, daxil olmuş 45 çağırış əsasında agentliyin xüsusi mobil çevik əməliyyat qrupları tərəfindən Daxili İşlər Nazirliyinin əməkdaşları ilə birlikdə 28 operativ və təxirəsalınmaz əməliyyat çıxışı həyata keçirilib.

Aparılmış əməliyyat-axtarış tədbirləri zamanı 71 ədəd partlamamış hərbi sursat (PHS), 2 ədəd tank əleyhinə mina, 42 ədəd piyada əleyhinə mina, 4 ədəd bombacıq və 40 ədəd partlamış mərmi qalıqları aşkar olunub.

Agentliyin partlayış qrupu tərəfindən 26 ədəd mina və partlamamış hərbi sursat (PHS), 4 ədəd bombacıq zərərsizləşdirilib, mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

16
Məktəbdə dərs prosesi, arxiv şəkli

Ümumi təhsil pilləsi nələri əhatə edəcək?

9
(Yenilənib 23:41 25.11.2020)
Ümumi təhsil pilləsi məktəbəhazırlıq mərhələsini, ibtidai, ümumi orta və tam orta təhsil səviyyələrini əhatə edəcək.

BAKI, 25 noyabr — Sputnik. Azərbaycan Respublikasında ümumi təhsil pilləsi məktəbəhazırlıq mərhələsini, ibtidai, ümumi orta və tam orta təhsil səviyyələrini əhatə edəcək.

Sputnik Azərbaycan-ın məlumatına görə, bu, Prezident İlham Əliyev tərəfindən bu gün təsdiqlənən "Təhsil haqqında" qanuna dəyişiklik edilməsi barədə qanunda əksini tapıb.

Qanuna əsasən, Ümumtəhsil məktəbi ibtidai, ümumi orta və tam orta məktəb formasında ayrı-ayrılıqda da təşkil oluna bilər.

Həmçinin, qanunda göstərilib ki, İbtidai təhsilin məqsədi təhsilalanlara oxu, yazı və hesablama bacarıqları, vətənpərvərlik və Azərbaycan xalqının dəyərlərinə, dövlət rəmzlərinə hörmət hissi aşılamaq, onlarda insan, cəmiyyət və təbiət haqqında ilkin biliklər, şəxsiyyətin formalaşdırılmasına yönəlmiş həyati bacarıqlar, sadə əmək vərdişləri, məntiqi təfəkkür elementləri, bədii-estetik keyfiyyətlər və digər xüsusiyyətlər formalaşdırmaqdan ibarətdir.

Eyni zamanda ümumi orta təhsilin məqsədi təhsilalanlarda nitq, yazı və ünsiyyət mədəniyyətinin, sağlam həyat tərzinin formalaşdırılmasını, onların dövlətə və dövlətçiliyə, Azərbaycan xalqının dəyərlərinə və ümumbəşəri dəyərlərə sədaqət ruhunda tərbiyə olunmasını, insan hüquq və azadlıqlarına hörmətlə yanaşmasını, idrak fəallığının və məntiqi təfəkkürünün inkişafını, müvafiq təhsil proqramı üzrə əldə etdiyi bilikləri tətbiq etmək, müasir informasiya-kommunikasiya texnologiyalarından istifadə etmək, cəmiyyətdə baş verən hadisələri dəyərləndirmək, öz gələcək həyat yolunu və fəaliyyət istiqamətlərini müəyyənləşdirmək, müstəqil öyrənmə və qərar qəbuletmə bacarığını, peşə seçiminə və əmək fəaliyyətinə hazırlığını təmin etməkdən ibarətdir.

9