Bazar

Yarmarkaların bərpası üçün BŞİH-lə danışıqlar aparılır

51
(Yenilənib 16:09 15.07.2015)
Bazarların yeni ünvanları barədə əhaliyə məlumat veriləcək.

BAKI, 15 iyul-Sputnik. Bakı şəhərində fəaliyyəti dayandırılan kənd təsərrüfatı yarmarkaları yaxın vaxtlarda fəaliyyətini yenidən bərpa edəcək.

Bu barədə Sputnik-ə Kənd Təsərrüfatı Nazirliyinin mətbuat xidmətinin rəhbəri Murtuzəli Hacıyev məlumat verib.

Onun sözlərinə görə, hazırda  kənd təsərrüfatı yarmarkalarının yenidən fəaliyyətinin bərpa edilməsi ilə bağlı olaraq Kənd Təsərrüfatı Nazirliyi ilə Bakı Şəhər İcra Hakimiyyəti arasında danışıqlar gedir: “Danışıqlar əsasən Bakı şəhərində kənd təsərrüfatı yarmarkası üçün müvafiq yerlərin ayrılması ilə bağlıdır. Yarmarkalar üçün yeni ünvan və yerlər barədə razılıq əldə olunduqdan sonra ictimaiyyət məlumatlandırılacaq. Biz yeni ünvanlar barədə cəmiyyəti məlumatlandıracayıq.”

Birinci Avropa Oyunları ərəfəsində Bakı şəhərində fəaliyyət göstərən kənd təsərrüfatı yarmarkalarının fəaliyyəti qeyri-müəyyən müddətə dayandırılıb. Bu yarmarkalarda qiymətlər digər bazar və ticarət obyektlərindən fərqli olaraq ucuz olduğundan şəhərin aztəminatlı ailələri daha çox bu yarmarkalardan alış-veriş etməyə üstünlük verirdi. Bu yarmarkaların bağlanması isə paytaxt sakinləri arasında narahatçılığa səbəb olub.

 

 

51
Teqlər:
kənd təsərrüfatı yarmarkaları, yarmarka, bazar, Kənd Təsərrüfatı Nazirliyi, Murtuzəli Hacıyev, Bakı, Azərbaycan

İqtisadi Şuranın 2021-ci ildə ilk iclası keçirilib

3
İclasda sosial-iqtisadi inkişafla bağlı uzunmüddətli strateji hədəflər və cari məsələlərə dair müzakirələr aparılıb.

BAKI, 15 yanvar - Sputnik. Bu gün Azərbaycan Respublikasının Baş naziri, İqtisadi Şuranın sədri Əli Əsədovun sədrliyi ilə Şuranın növbəti iclası keçirilib.

Nazirlər Kabinetinin mətbuat xidmətindən Sputnik Azərbaycan-a verilən məlumata əsasən, iclasda sosial-iqtisadi inkişafla bağlı uzunmüddətli strateji hədəflər və cari məsələlərə dair müzakirələr aparılıb.

3
İmtahan, arxiv şəkli

Nazirlikdən imtahanlarla bağlı açıqlama

5
(Yenilənib 22:45 15.01.2021)
Nicat Məmmədlinin sözlərinə görə, pandemiya şəraitində yazılı imtahanlar olsa da, imtahanlar əsasən şifahi formaya keçib.

BAKI, 15 yanvar — Sputnik. "Pandemiyadan sonra – ola bilər ki, yaz, yaxud da daha sonrakı semestrdə ənənəvi imtahan sessiyasına keçəcəyik". Sputnik Azərbaycan-ın məlumatına görə, bunu Təhsil Nazirliyinin Elm, ali və orta ixtisas təhsili şöbəsininn müdiri Nicat Məmmədli deyib. Onun sözlərinə görə, pandemiya şəraitində yazılı imtahanlar olsa da, imtahanlar əsasən şifahi formaya keçib. "İmtahanların təşkilində güzəştlərin olması ilə bağlı təkliflər edilir. Amma hazırkı pandemiya dövrü bizdən təhsilə daha məsuliyyətli yanaşmağı tələb edir".

Şöbə müdiri bildirib ki, ötən ilin dekabrında imtahan sessiyasının keçirilməsi haqqında əmr imzalanıb: "Sessiya imtahanları onlayn qaydada 4 həftə ərzində keçiriləcək. Əslində keçən ilin son semestrindən dərslər onlayn keçirilir. Bu, bütün təhsil sistemi üçün bir çağırışdır. Əsas vacib məsələ bir çox hallarda imtahanların formalarının keçirilməsi idi. Bundan əvvəl imtahanlar daha çox yazılı şəkildə keçirilirdi".

5