Elxan Şahinoğlu: Ən real koalisiya AKP-MHP arasında ola bilər

46
(Yenilənib 01:59 14.07.2015)
Politoloq: Türkiyədəki koalisiya danışıqlarının uğurlu olacağına inanmıram

BAKI, 13 iyul-Sputnik. Bu gündən etibarən Türkiyənin baş naziri Əhməd Davudoğlu koalisiya hökumətinin qurulması ilə bağlı siyasi partiyalarla rəsmi danışıqlara başlayır. 

“Atlas” Araşdırmalar Mərkəzinin rəhbəri Elxan Şahinoğlu bu danışıqların nə ilə nəticələnəcəyinə dair proqnozları Sputnik-lə bölüşüb: “Koalisiya hökumətinin qurulması ilə bağlı tərəflərin irəli sürdüyü təkliflər kifayət qədər ağırdır. Əgər nəticə uğursuz olarsa, Türkiyə prezidenti Rəcəb Tayyib Ərdoğan hökuməti qurmaq üçün mandatı seçkidə qalib gələn ikinci partiyaya verə bilər və bunun da uğurlu olacağına inanmıram.”

 politoloq Elxan Şahinoğlu \ Политолог Эльхан Шахиноглы
sputnik.az
politoloq Elxan Şahinoğlu \ Политолог Эльхан Шахиноглы

Politoloq hesab edir ki, əslində Ərdoğan koalisiyanın qurulmasında maraqlı deyil və bunu onun bəyanatlarından da görmək olar: “ O, daha çox vaxtından əvvəl seçkilərin keçirilməsində maraqlıdır. Hesab edir ki, yenidən seçki keçirilərsə, o zaman, AKP daha çox səs toplayacaq və yekunda təkbaşına hökuməti quracaq. Belə olan təqdirdə, konstitusiyada nəzərdə tutulan dəyişikliklərlə bağlı referendumun da keçirilməsinə nail ola biləcəklər. Ona görə də prezident koalisiyanın qurulmasında maraqlı görünmür.”

Politoloq bildirib ki, hələ vaxta 45 gün var və nəticədə hər hansı koalisiyanın qurulması istisna deyil. “Ən real koalisiya AKP-MHP arasında ola bilər. Çünki bu hər iki partiya sağçıdır və bir sıra məsələlərdə mövqeləri üst-üstə düşür” — deyə Şahinoğlu vurğulayıb.

Politoloqun fikrincə, qurulan koalisiya uzunmüddətli olmayacaq: “Türkiyənin son 20-30 illik tarixində elə bir koalisiya olmayıb ki, o, sonadək uğurlu fəaliyyət göstərsin və üzərinə düşən missiyanı yerinə yetirsin.”

Vaxtından öncə seçkilərə gəldikdə isə politoloq düşünür ki, siyasi partiyalar vaxtından əvvəl seçkilərin keçirilməsində maraqlı görünmürlər. “Artıq insanlar yorulublar. Həm də partiyaların bu dəfə seçkidən necə çıxacağı bəlli deyil. Ötən seçkidəki kimi yeni sürprizlər ola bilər. Necə ki, heç kimin gözləmədiyi halda HDP seçkidə böyük uğur əldə etdi və 13% səs topladı.” – deyə Şahinoğlu əlavə edib.

 

46

İlham Əliyev: "Milli iradəmizin zəfər çaldığı gün - 20 Yanvar"

14
1990-cı il yanvarın 19-dan 20-nə keçən gecə Sovet İttifaqı Kommunist Partiyası Mərkəzi Komitəsinin baş katibi Mixail Qorbaçovun əmri ilə qoşun hissələri Bakıya və Azərbaycanın bir neçə rayonuna yeridilib.

BAKI, 20 yanvar - Sputnik. Prezident İlham Əliyevin "Facebook" səhifəsində 20 Yanvar faciəsinin 31-ci ildönümü ilə əlaqədar paylaşım edilib.

Sputnik Azərbaycan-ın məlumatına görə, paylaşımda deyilir: "Milli iradəmizin zəfər çaldığı gün - 20 Yanvar".

14
Аллея Шехидов в Баку

20 Yanvar faciəsindən 31 il ötür

9
(Yenilənib 00:10 20.01.2021)
Yanvar faciəsi ümumxalq hüznü olmaqla yanaşı, həm də Azərbaycan xalqının iradəsinin sarsılmazlığını, mətinliyini göstərdi.

BAKI, 20 yanvar - Sputnik. Azərbaycanda 1990-cı il yanvarın 20-də baş vermiş faciədən 31 il keçir.

1990-cı il yanvarın 19-dan 20-nə keçən gecə Sovet İttifaqı Kommunist Partiyası Mərkəzi Komitəsinin baş katibi Mixail Qorbaçovun əmri ilə SSRİ Müdafiə Nazirliyi, Dövlət Təhlükəsizlik Komitəsi və Daxili İşlər Nazirliyinin qoşun hissələri Bakıya və Azərbaycanın bir neçə rayonuna yeridilib, dinc əhali ağır texnikadan və müxtəlif tipli silahlardan atəşə tutularaq kütləvi qətlə yetirilib. Sovet ordusunun xüsusi təyinatlı dəstələrinin və daxili qoşunların iri kontingentinin Bakını zəbt etməsi xüsusi qəddarlıq və misli görünməmiş vəhşiliklə müşayiət edilib. Fövqəladə vəziyyətin tətbiqi əhaliyə elan olunanadək hərbçilər 82 nəfəri amansızcasına qətlə yetirib, 20 nəfəri ölümcül yaralayıb. Fövqəladə vəziyyət elan edildikdən sonra isə bir neçə gün ərzində Bakı şəhərində 21 nəfər öldürülüb. Fövqəladə vəziyyətin elan olunmadığı rayon və şəhərlərdə - yanvarın 25-də Neftçalada və yanvarın 26-da Lənkəranda daha 8 nəfər qətlə yetirilib.

Beləliklə, qoşunların qanunsuz yeridilməsi nəticəsində Bakıda və ətraf rayonlarında 131 nəfər öldürülüb, 744 nəfər yaralanıb. Həlak olanların arasında qadınlar, uşaqlar və qocalar, həmçinin təcili yardım işçiləri və milis nəfərləri olub.

Qoşunların qanunsuz yeridilməsi həm də dinc əhali arasında kütləvi həbslərlə müşayiət olunub. Əməliyyatların gedişi boyunca paytaxt Bakı və respublikanın digər şəhər və rayonlarından 841 nəfər qanunsuz həbs edilib, onlardan 112-si SSRİ-nin müxtəlif şəhərlərindəki həbsxanalara göndərilib. Hərbi qulluqçular tərəfindən 200 evə, 80 avtomobilə, o cümlədən təcili yardım maşınlarına atəş açılıb, yandırıcı güllələrin törətdiyi yanğınlar nəticəsində külli miqdarda dövlət və şəxsi əmlak məhv edilib.

1990-cı il yanvar qurbanları simvolik olaraq “20 Yanvar şəhidi” adlanır. Ümumilikdə, Azərbaycanın 150 nəfər “20 Yanvar şəhidi” var.

Yanvar faciəsi ümumxalq hüznü olmaqla yanaşı, həm də Azərbaycan xalqının iradəsinin sarsılmazlığını, mətinliyini göstərdi. Sovet ordusunun amansızlığına və qəddarlığına, Bakıda fövqəladə vəziyyət tətbiq edilməsinə baxmayaraq, Azərbaycan xalqı yanvarın 22-də paytaxtın “Azadlıq” meydanında 20 Yanvar şəhidlərinin dəfni ilə əlaqədar matəm yürüşü keçirib. Şəhidlər xiyabanındakı dəfn mərasimində 2 milyona yaxın insan iştirak edib. Xalqın tələbi ilə Azərbaycan SSR Ali Sovetinin fövqəladə sessiyası çağırılıb və Bakı şəhərində fövqəladə vəziyyətin ləğv edilməsi haqqında qərar qəbul edilib, lakin xalqın qəzəbindən qorxuya düşən respublikanın əksər rəhbər vəzifəli şəxsləri həmin sessiyada iştirak etməyib.

1994-cü il martın 29-da 20 Yanvar faciəsinə ali qanunvericilik orqanı – Milli Məclis səviyyəsində ilk dəfə hüquqi-siyasi qiymət verilib.

O vaxtdan 20 yanvar Azərbaycanda hər il Ümumxalq hüzn günü kimi qeyd olunur. Hər il yanvarın 20-də rəsmi şəxslər, sıravi vətəndaşlar Şəhidlər xiyabanında 20 Yanvar faciəsi qurbanlarını ziyarət edirlər.

Xüsusi tədbirlər planına uyğun olaraq, ziyarətçilərin təhlükəsizliyini təmin etmək məqsədilə yanvarın 20-si saat 07:00-dan mərasim başa çatanadək Şəhidlər xiyabanı istiqaməti üzrə küçə və prospektlərdə nəqliyyat vasitələrinin hərəkəti məhdudlaşdırılacaq.

Bu istiqamətdə şəxsi avtomobillərdən mümkün qədər az istifadə edilməsi, ictimai nəqliyyata üstünlük verilməsi tövsiyə olunur.

Yanvarın 20-də Bakı vaxtı ilə saat 12.00-da ölkə ərazisində şəhidlərin xatirəsi bir dəqiqəlik sükutla yad ediləcək, gəmilər, avtomobillər və qatarlar səs siqnalları verəcək. Həmin gün ölkə ərazisində matəm əlaməti olaraq Azərbaycanın dövlət bayraqları endiriləcək.

Dünya ictimaiyyətinin diqqətini Qanlı Yanvar faciəsinə yönəltmək üçün Azərbaycanın xarici ölkələrdəki səfirlikləri, diplomatik nümayəndəlikləri, Azərbaycan icmaları tərəfindən də müvafiq tədbirlər həyata keçirilir.

9