İmtahan

Altı şimal rayonunda 10 min 908 şagird imtahan verəcək

15
(Yenilənib 12:43 10.06.2015)
İyunun 11-də Tələbə Qəbulu üzrə Dövlət Komissiyası (TQDK) tərəfindən keçiriləcək növbəti buraxılış imtahanlarında şimal regionunda yerləşən altı rayonun orta ümumtəhsil müəssisələrinin 10 min 908 şagirdi iştirak edəcək.

BAKI, 10 iyun — Sputnik. İyunun 11-də Tələbə Qəbulu üzrə Dövlət Komissiyası (TQDK) tərəfindən keçiriləcək növbəti buraxılış imtahanlarında şimal regionunda yerləşən altı rayonun orta ümumtəhsil müəssisələrinin 10 min 908 şagirdi iştirak edəcək.

Sputnik xəbər verir ki, bu barədə Azərtac-a TQDK-nin Xaçmaz Regional Bölməsindən məlumat daxil olub. Buraxılış imtahanlarında iştirak edəcək məktəblilərin 6 min 286 nəfəri 9-cu sinif, 4 min 622 nəfəri isə 11-ci sinif şagirdidir.

IX sinfin buraxılış imtahanlarında Qubadan 1911, Şabrandan 666, Qusardan 1126, Xaçmazdan 1947, Xızıdan 144, Siyəzəndən isə 492 nəfərin iştirakı nəzərdə tutulur. Həmçinin həmin gün Qubada 1264, Şabranda 473, Qusarda 934, Xaçmazda 1490, Xızıda 101, Siyəzəndə 360 nəfər XI sinif şagirdi də imtahanda iştirak edəcək.

Şagirdlərin buraxılış imtahanlarının keçirilməsi üçün qeyd olunan 6 rayonda ümumilikdə 16 imtahan mərkəzi ayrılıb.

TQDK-nın Xaçmaz Regional Bölməsinin müdiri Elmir Şirinov AZƏRTAC-a müsahibəsində bildirib ki, rayon mərkəzindən uzaqda yerləşən yaşayış məntəqələrinin şagirdlərinin rahatlığını təmin etmək üçün bu il Qusarın Yuxarı Zeyxur, Qubanın Zərdabi kənd tam orta məktəblərində, eləcə də Xudat şəhər 4 saylı məktəb-liseydə imtahan mərkəzləri yaradılıb.

Şimal bölgəsində keçirilən buraxılış imtahanlarına 43 imtahan rəhbəri və 531 nəzarətçi müəllim cəlb olunub.

IX sinif şagirdləri üçün imtahan saat 10-da, XI sinif şagirdləri üçün isə saat 15–də başlanacaq. Şagirdlər imtahana gələrkən şəxsiyyəti təsdiq edən sənədin əslini və imtahana buraxılış vərəqəsini mütləq özləri ilə gətirməlidirlər.

15
Teqlər:
abituriyent, Tələbə Qəbulu üzrə Dövlət Komissiyası, TQDK, Azərbaycan
Avropa Liqasının qrup mərhələsinin 2-ci tutu çərçivəsində Qarabağ - Vilyareal matçı

"Qarabağ" azarkeşlərini məyus etdi

31
(Yenilənib 23:52 29.10.2020)
Azərbaycanın "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

BAKI, 29 oktyabr — Sputnik. "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

Sputnik Azərbaycan xəbər verir ki, görüş Türkiyənin İstanbul şəhərindəki "Başakşehir Fatih Terim" stadionunda baş tutub.

Komandalar oyunun birinci hissəsini heç-heçə başa vurublar. İkinci hissədə isə "Qarabağ"ın oyunçusu Kvabena Ovusu fərqlənib. O, 78-ci dəqiqədə hesabı açıb. Lakin Ağdam klubunun azarkeşlərinin sevinci uzun çəkməyib. 2 dəqiqə sonra "Vilyarreal" Yeremi Pinonun vurduğu qolla hesabı bərabərləşdirib. Matçın 84-cü dəqiqəsində Pako Alkaser Ağdam klubunu cəzalandırıb. "Vilyarreal" ikinci qolla önə çıxıb. 

Oyuna əlavə edilən dəqiqələrdə "Vilyarreal" 3-cü topu "Qarabağ"ın qapısından keçirib. Üçüncü topu da 90+6-cı dəqiqədə penaltidən Pako Alkaser vurub.

Beləliklə, "Qarabağ"-"Vilyarreal" matçında oyun ispan klubunun qələbəsi ilə başa çatıb.

Bu oyunun nəticəsi olaraq xallarını 6-ya çatdıran "Vilyarreal" qrupda liderliyini möhkəmlədib. "Qarabağ" isə 1 xalla 3-cü pillədə qalıb.

31
Türkiyə Böyük Millət Məclisinin sədri Mustafa Şentop

Azərbaycan Türkiyə spikerləri: "Bu iki qardaş xalq həmişə bir-birinin yanında olacaq"

19
(Yenilənib 23:27 29.10.2020)
Türkiyə Böyük Millət Məclisinin Sədri Mustafa Şentop Türkiyənin bundan sonra da Azərbaycanın yanında olacağını və Azərbaycan torpaqlarının tezliklə tamamilə düşmən tapdağından azad olunacağı günü səbirsizliklə gözlədiklərini diqqətə çatdırıb.

BAKI, 29 oktyabr — Sputnik. Oktyabrın 29-da Milli Məclisin Sədri Sahibə Qafarova Türkiyə Böyük Millət Məclisinin Sədri Mustafa Şentopla telefonla danışıb.

Sputnik Azərbaycan-ın məlumatına görə, Milli Məclisin Sədri türkiyəli həmkarına 29 oktyabr - Cümhuriyyət Günü münasibətilə təbriklərini çatdırıb, qardaş türk xalqına tərəqqi və firavanlıq arzulayıb.

Milli Məclisin Sədri qardaş Türkiyə Respublikasının Ermənistan-Azərbaycan Dağlıq Qarabağ münaqişəsi ilə bağlı ölkəmizə göstərdiyi dəstəyə görə bir daha minnətdarlığını bildirib, iki qardaş xalqın həmişə bir-birinin yanında olacağına əminliyini ifadə edib.

Sahibə Qafarova Ermənistanın son dövrlər döyüş meydanında məruz qaldığı uğursuzluqlarla barışmayaraq mülki əhalini hədəfə aldığını və bunun insanlıq əleyhinə yönələn müharibə cinayəti olduğunu ifadə edib.

Sahibə Qafarova telefon söhbətinin sonunda bildirib ki, bütün Azərbaycan xalqı öz dövlətinin və Prezidentinin yanındadır. "Möhtərəm Prezidentimiz İlham Əliyevin rəhbərliyi ilə Azərbaycanda bərqərar olmuş güclü idarəçilik sistemi, iqtidarla xalq arasında mövcud olan sarsılmaz birlik Dağlıq Qarabağ məsələsinin tamamilə həllini təmin edəcək".

Təbriklər və xoş sözlər üçün təşəkkürünü bildirən Türkiyə Böyük Millət Məclisinin Sədri Mustafa Şentop Türkiyənin bundan sonra da Azərbaycanın yanında olacağını və Azərbaycan torpaqlarının tezliklə tamamilə düşmən tapdağından azad olunacağı günü səbirsizliklə gözlədiklərini diqqətə çatdırıb.

19