Malayziyada zəlzələ nəticəsində həlak olanların sayı 19-a çatıb

9
(Yenilənib 19:26 07.06.2015)
Malayziyanın şərqində baş vermiş güclü zəlzələ nəticəsində həlak olanların sayı 19-a çatıb. Onlardan 10-nun sinqapurlu məktəblilər olduğu bildirilir.

BAKI, 7 iyun — Sputnik. Malayziyanın şərqində baş vermiş güclü zəlzələ nəticəsində həlak olanların sayı 19-a çatıb. Onlardan 10-nun sinqapurlu məktəblilər olduğu bildirilir.

Bu barədə Malayziyanın Ranau şəhəri polis idarəsi rəisinin müavini məlumat verib. Onun dediyinə görə, xilasedicilər 13 meyit aşkar ediblər. Onlardan 10-nun vətəndaşlığı müəyyən edilib. Bunlar Kinabulu dağına yay tətilini keçirməyə gələn sinqapurlu məktəblilərdir. Digər həlak olanlar barədə məlumat sonra veriləcək.

Güclü yeraltı təkanlar nəticəsində daha 20 nəfərin xəsarət aldığı bildirilir. Onlardan birinin vəziyyəti daha ağırdır. İlkin məlumatlara görə, zəlzələ nəticəsində xəsarət alanlar arasında Çin, Malayziya, Filippin və Yaponiya vətəndaşları var. Xilasedicilər 18 saat müddətində dağın çətin keçilən yerlərində ilişib qalmış 137 turisti xilas edə biliblər.

İyunun 6-da Sabah ştatında 6 bal gücündə zəlzələ baş verib. Zəlzələnin episentri Ranau şəhərindən 19 kilometr şimal-qərbdə, ocağı 10 kilometr dərinlikdə yerləşib. Yeraltı təkanlar nəticəsində Kinabulu dağında yerləşən turistlər üçün kurorta ciddi ziyan dəyib.

9
Teqlər:
məktəblilər, meyit, ciddi ziyan, kurort, episentr, yay tətili, polis idarəsi, turist, yeraltı təkanlar, Zəlzələ, Ranau şəhəri polis idarəsi, Ranau şəhəri, Sabah ştatı, Yaponiya, Filippin, Çin, Kinabulu dağı, Malayziya
Əlaqədar
Günün üçüncü zəlzələsi
Şamaxı və İsmayıllıda zəlzələ oldu
ABŞ-da zəlzələ olub
Yaponiyada güclü zəlzələ baş verib
Solomon adalarında 6,9 bal gücündə zəlzələ baş verib
Yaponiyada qoruyucu maskada olan insanlar

Avropanın "ağ siyahısı": yaponları oradan silirlər

1
(Yenilənib 00:58 27.01.2021)
Avropa Birliyi sərhədlərini Yaponiya vətəndaşlarının üzünə bağlamağa hazırlaşır. Bu ölkənin "ağ siyahı"dan çıxma ehtimalı yüksəkdir

BAKI, 27 yanvar - Sputnik. Avropa Birliyi ölkələrinə gəlməyə icazəsi olan insanların siyahısından Yaponiya vətəndaşları çıxarıla bilər.

Sputnik Azərbaycan bildirir ki, Avropa Birliyinin bu niyyəti barədə Bloomberg öz mənbələrinə istinadən yazır. 

Agentliyin məlumatına görə, bu qərar Yaponiyada koronavirusa yoluxmanın artması ilə bağlıdır.  

Mənbə bildirib ki, Avropa Birliyinin yenilənmiş "ağ siyahısı"nda cəmi yeddi ölkə olacaq və yalnız bu ölkələrin vətəndaşları AB-yə üzv ölkələrə səyahət edə biləcəklər. 

Siyahıdakı "xoşbəxtlər" isə Avstraliya, Çin, Yeni Zelandiya, Ruanda, Sinqapur, Cənubi Koreya və Tailanddır. COVID-19-a yoluxma sayının kəskin artması səbəbindən Böyük Britaniya bu siyahını yanvarın 1-dən tərk edib. 

1
Teqlər:
Koronavirus, qadağa, Avropa Birliyi, vətəndaşlar, Yaponiya
Mövzu:
Yeni tip koronavirus pandemiyası
Tərəzi, kökəlmək, köklük

Diabetə qalib gəlməyin çox asan yolu

3
(Yenilənib 00:44 27.01.2021)
Diabetə on iki həftə ərzində qalib gəlmək mümkündür. Amerikalı alimlərin araşdırmasına görə, minimal karbohidratlı pəhriz həm sağaldır, həm də arıqladır

BAKI, 27 dekabr - Sputnik. On iki həftə boyunca minimal karbohidrat pəhrizinə riayət edən insanlar ikinci tip diabetə qalib gəlmək şansını təxminən 30% artırırlar. 

Sputnik Azərbaycan bildirir ki, bu barədə Diabetes.co.uk portalı Texasın A&M Universitetinin (ABŞ) əməkdaşlarının araşdırmalarına istinadən yazır.

Tədqiqatda 1357 nəfər iştirak edib. Yaşları 47 ilə 67 arasında dəyişən bu şəxslərin əksəriyyəti artıq çəki və ya piylənmədən əziyyət çəkib. Onlar on iki həftə ərzində minimal karbohidrat pəhrizinə riayət ediblər. Bundan 6 ay və bir il sonra isə mütəxəssislər tədqiqatda iştirak edənlərin səhhətlərini təkrar yoxlamadan keçiriblər. 

Qeyd olunur ki, pasiyentlər nişastalı karbohidratlardan (daha çox kartof və makaronda olur) imtina ediblər. Alimlər belə nəticəyə gəliblər ki, 6 aydan sonra bu qrup insanların xəstəliyin əlamətlərini azaltmaq şansları digər pəhrizlərə riayət edənlərlə müqayisədə daha çoxdur. 

Elmi tədqiqatın müəllifləri qeyd ediblər ki, gələcəkdə onlar kalorilərə nəzarətlə bağlı da bir sıra tədqiqatlar aparmaq niyyətindədirlər. Bununla onlar minimal karbohidratlı pəhrizin arıqlamağa və diabetin remissiyasına davamlı müsbət təsir göstərdiyinə əmin olmaq istəyirlər.

* Minimal karbohidratlı pəhriz - sutkada 100-150 qramdan artıq olmayan karbohidratın qəbul olunmasını nəzərdə tutan qida rejimidir. Bundan başqa, burada istifadə olunan karbohidratın əksər hissəsi böyük miqdarda lifə malik tərəvəz və tam buğdaların payına düşməlidir. 

Bu pəhriz həm diabet xəstələrinə, həm də arıqlamağa çalışan idmançılara məsləhət görülür. O, qanda şəkərin miqdarını tənzimləmək üçün əla üsul sayılır.

3