Smartfonlar

İnkişafda olan bazarlar birinci rübdə smartfonların satışını artırıb

9
(Yenilənib 00:22 30.05.2015)
"Gartner” analitik şirkətinin məlumatına görə, 2015-ci ilin birinci rübündə dünyada smartfonların son istifadəçilərə satışı natural ifadədə 19,3 faiz artaraq 336 milyon ədədə çatıb.

BAKI, 29 may — Sputnik. "Gartner” analitik şirkətinin məlumatına görə, 2015-ci ilin birinci rübündə dünyada smartfonların son istifadəçilərə satışı natural ifadədə 19,3 faiz artaraq 336 milyon ədədə çatıb.

Artıma Çin istisna olmaqla inkişaf etməkdə olan bazarlarda smartfonlara yüksək tələbat xidmət edib. Asiya-Sakit okean, Şərqi Avropa, Yaxın Şərq və Şimali Afrika ölkələrində ötən rübdə artım tempi 40 faiz təşkil edib.

İnkişaf etməkdə olan bazarlarda rəqabətdə qalib yerli brendlər və Çin istehsalçıları olub: yanvar-martda onlarda smartfonların satışı orta hesabla 73 faiz yüksəlib, ümumi bazar payı 38 faizdən 47 faizədək artıb.

Bununla yanaşı, “Apple” şirkəti xüsusilə Çində nəzərəçarpacaq nəticələr nümayiş etdirib. Burada “iPhone” satışları 72,5 faiz artıb ki, bu da şirkətə “Xiaomi” şirkətini üstələməyə və ilk dəfə Çində smartfonların satışı üzrə lider olmağa imkan verib. Hazırda Çin “Apple” üçün ən böyük satış bazarı hesab olunur. Ekspertlər qeyd edir ki, bu ölkədə satış həcmi Şimali Amerikadan çoxdur.

Tədqiqatda qeyd olunan rəqəmlərə görə, ötən rübdə dünya istehlakçıları 81,1 milyon “Samsung” smartfonu və 60,1 milyon “Apple” smartfonu aldığı halda bir il əvvəl göstərici müvafiq olaraq 85,5 və 43 milyon qurğu səviyyəsində olub. Şirkətlərin bazar payı müvafiq olaraq 24,2 və 17,9 faiz təşkil edib. 2014-cü ilin yanvar-martında bu göstərici 30,4 və 15,3 faizə bərabər olub.

“Samsung” şirkətinin satışları illik hesablamada azalsa da, ekspertlər rüblük dinamikanın yaxşılaşmasını bildirirlər. Belə ki, ötən rübə nisbətdə tələbat 11 faiz artıb. Cənubi Koreya istehsalçısının yeni qabaqcıl "Galaxy S6” və “Galaxy Alpha” modellərinin bazara çıxması ilə azalma tempinin aşağı düşəcəyi gözlənilir.

Smartfonların satış həcminə görə nəhəng istehsalçılar sırasına analitiklər "Lenovo”, “Huawei” və “LG Electronics” şirkətlərini də daxil ediblər. Ötən rübdə bu şirkətlər müvafiq olaraq 18,9, 18,1 və 15,4 milyon qurğu satıblar. Bunu nəzərə alaraq onların payı müvafiq olaraq 5,6, 5,4 və 4,6 faiz təşkil edib.

Əməliyyat sistemləri baxımından smartfonlar bazarında liderlik “Android” sisteminə məxsusdur, lakin platformanın payı 1,9 faiz — 78,9 faizədək azalıb. Yaxın izləyici “iOS”, əksinə, ardıcıl olaraq üç rübdür artım nümayiş etdirir. Ötən rübdə ABŞ istehsalçısının bazar payı 17,9 faiz olub (+2,6 faiz bənd).

Həmçinin qeyd olunur ki, “Windows” mobil əməliyyat sisteminin payı zəif olaraq qalır: yanvar-martda satılan smartfonların yalnız 2,5 faizi (8,3 milyon ədəd) bu sistemin idarəetməsi ilə işləyib. Lakin “Blackberry” sisteminin nəticələri daha aşağı — 1,3 milyon qurğu və ya 0,4 faiz olub. 

9
Teqlər:
nəhəng istehsalçılar, əməliyyat sistemləri, satış həcmi, göstərici, dinamika, smartfon, Huawei, Lenovo, LG Electronics, iPhone, Gartner, Xiaomi, Apple, Asiya-Sakit okean, Yaxın Şərq, Şərqi Avropa, Şimali Afrika, Şimali Amerika, Çin
Elektrik yarımstansiyası, arxiv şəkli

Azərbaycanda yeni istilik elektrik stansiyalarının tikilməsinə ehtiyac yaranıb

7
(Yenilənib 00:22 21.10.2020)
"Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

BAKI, 21 oktyabr — Sputnik. "Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

Sputnik Azərbaycan xəbər verir ki, bunu Energetika naziri Pərviz Şahbazov 20 oktyabr - Azərbaycan energetiklərinin peşə bayramı günü münasibətilə rəsmi mətbuatda dərc etdirdiyi məqalədə bildirib.

Onun sözlərinə görə, bu ilin 9 ayı ərzində elektrik enerjisinin istehsalı ötən ilin müvafiq dövrü ilə müqayisədə 0,8% azalaraq, 19,4 milyard kVt·st təşkil edib.

P.Şahbazov bildirib ki, qarşıdakı illərdə isə elektrik enerjisinə tələbat və istehsal həcmləri ilə bağlı dinamikada əhəmiyyətli dərəcədə artım gözlənilir:

"2025-ci ilə qədər ölkəmizdə elektrik enerjisinə tələbatın 25,5 milyard kVt·st-a qədər artacağı, ixrac da nəzərə alınmaqla elektrik enerjisi istehsalının isə ötən ilə nisbətən 15% artımla 30 milyard kVt·st-a çatacağı proqnozlaşdırılır. Bu istehsal həcmlərinin bir qismi ötən il istismara verilmiş, qoyuluş gücü 409 МVt olan "Şimal-2" elektrik stansiyası, bu il təməli qoyulmuş və 2022-ci ildə istifadəyə verilməsi planlaşdırılan 385 МVt gücündə "Qobu" elektrik stansiyası hesabına əldə ediləcək".

Nazirin fikrincə, həmçinin bu prosesdə "Azərenerji" ASC-nin istehsal güclərinin optimallaşdırılması və bərpası nəticəsində yenidən istismara cəlb edilən 1300 MVt imkan gücündən istifadə ediləcək: "Eyni zamanda, təhlillər göstərir ki, tələbatın tam qarşılanması üçün yeni istilik elektrik stansiyalarının tikilməsinə də ehtiyac var".

7
Su təhcizatı işləri, arxiv şəkli

Həm Azərbaycanın, həm İranın arzusu reallaşır - "Xudafərin" hidroqovşağından şad xəbər

26
(Yenilənib 23:50 20.10.2020)
Azərbaycan və İran arasında birgə həyata keçirilən "Ordubad" və "Marazad" su elektrik stansiyaları layihələri üzrə işlər davam etdirilir.

BAKI, 20 oktyabr — Sputnik. "Xudafərin" hidroqovşağı bəndinin tikintisi demək olar ki, tamamlanıb, "Qız Qalası" hidroqovşağının bəndində isə işlər yekunlaşmaq üzrədir.

Sputnik Azərbaycan xəbər verir ki, bunu Energetika naziri Pərviz Şahbazov deyib.

O vurğulayıb ki, Azərbaycan, İran və Rusiyanın enerji sistemlərinin əlaqələndirilməsi üzrə proses davam edir: "Hər üç ölkənin müvafiq enerji şirkətlərinin razılığı ilə müəyyən edilmiş məsləhətçi şirkət tərəfindən layihənin texniki-iqtisadi əsaslandırılmasının hazırlanmasına başlanılıb. Eyni zamanda, "Azərbaycan Respublikası Hökuməti ilə İran İslam Respublikası Hökuməti arasında Araz çayı üzərində "Xudafərin" və "Qız Qalası" hidroqovşaqlarının və su elektrik stansiyalarının tikintisinin davam etdirilməsi, istismarı, energetika və su ehtiyatlarından istifadə sahəsində əməkdaşlıq haqqında Saziş"dən irəli gələn vəzifələr də yerinə yetirilməkdədir.

"Xudafərin" hidroqovşağı bəndinin tikintisi demək olar ki, tamamlanıb, "Qız Qalası" hidroqovşağının bəndində isə işlər yekunlaşmaq üzrədir. "Xudafərin" hidroqovşağı üzrə tikinti xərclərinin və dəymiş ziyanın hesablanması, habelə su elektrik stansiyalarının qurğu və avadanlıqlarının alınması və quraşdırılması məsələlərinə baxılır. 1,6 milyard kubmetrdən çox sututumuna malik bu hidroqovşaqlar və ümumi qoyuluş gücü 280 meqavat gücündə olan bu stansiyalar Araz çayının su və enerji ehtiyatlarından hər iki tərəfin birgə istifadəsinə imkanlar yaradır".

O bildirib ki, bu layihələr iqtisadi və strateji aspektdən ölkəmiz üçün çox əhəmiyyətlidir:

"Bu layihələrin reallaşması Azərbaycana illik 368 milyon kilovat/saat elektrik enerjisi istehsalı, mövcud 252 min hektar torpaq sahəsi üzrə suvarmanın yaxşılaşdırılması və 8 min hektar yeni əkin sahələrinin suvarılması imkanı yaradacaq. Azərbaycanın suverenliyi, ərazi bütövlüyü əsas götürülməklə 2016-cı ildə bu layihələr üzrə sazişin imzalanması işğal olunmuş ərazilərimizin geri qaytarılacağına böyük inamın ifadəsi idi".

"Bu günlərdə müzəffər Ordumuzun Cəbrayıl şəhəri və rayonunun bıra sıra kəndlərini azad etməsi də Azərbaycan Prezidentinin uzaqgörən siyasətini, həmin ərazilərin bərpası zamanı bu hidroqovşaqlar və stansiyaların istifadəsinə əvvəlcədən hazırlıqla bağlı strateji baxışlarını bir daha nümayiş etdirdi. Azərbaycan və İran arasında birgə həyata keçirilən "Ordubad" və "Marazad" su elektrik stansiyaları layihələri üzrə işlər davam etdirilir", - deyə nazir bildirib.

26
Əlaqədar
İranla Azərbaycan arasında tarixi "Xudafərin Sazişi" imzalandı
İlham Əliyev: Xudafərin körpüsünün üzərində Azərbaycan bayrağı qaldırıldı
Nazirlikdən sərhədlərimizi qoruyanlara Xudafərin naminə zirehli hədiyyə - FOTO
Xudafərin körpüsünün üzərində Azərbaycan bayrağı - VİDEO
Ermənistan Xudafərin istiqamətində əməliyyat keçirməyə qadir deyil - MN