İrlandiya eynicinslilər referendum

İrlandiya eynicinslilərin nikahını referendumla təsdiqlədi

17
(Yenilənib 19:55 25.05.2015)
Referendumda iştirak edən 1,2 milyondan artıq irlandın 62,1 %-i eynicinclilər arasındakı nikahı leqallaşdırmağın lehinə, 37,9 %-i isə əleyhinə səs verib.

BAKI, 25 may — Sputnik. İrlandiya əhalisi eynicinslilər arasındakı nikahı rəsmiləşdirib.

Referendumda iştirak edən 1,2 milyondan artıq irlandın 62,1 %-i eynicinclilər arasındakı nikahı leqallaşdırmağın lehinə, 37,9 %-i isə əleyhinə səs verib.

Sputnik BBC-yə istinadən xəbər verir ki, Dublinin mərkəzində katolik ölkəsində geylərin bərabər hüquqları uğrunda aparılan 40 illik mübarizədən sonra əldə olunan bu "nailiyyəti" coşğunluqla qeyd ediblər. Ümumiyyətlə, ölkə üzrə eynicinslilər arasında nikah tərəfdarlarının 70%-i Dublində yaşayır. İrlandiya paytaxtındakı bütün seçki dairələrində demək olar ki, seçicilərin 79%-i eynicinclilərin nikahını dəstəkləyib.

Dünyanın müxtəlif ölkələrində yaşayan irlandlar bu "tarixi hadisəni" qeyd etmək üçün Dublunə axışıblar. Əllərində göy qurşağını əks etdirən bayraq tutmuş minlərlə adam hadisəni sevinc göz yaşları altında qarşılayıb.

İrland hökumətinin ilk leqal geyi, səhiyyə naziri Leo Varadkar bu referendumu "sosial inqilab" kampaniyası ilə müqayisə edib.

Beləliklə, İrlandiya dünya tarixinə eynicinslilərin nikahına ümumxalq səsverməsi yoluyla icazə verən ilk ölkə kimi düşüb. Ümumilikdə isə İrlandiya eynicinslilərin nikahını leqallaşdıran 13-cü Avropa ölkəsidir. Digər Avropa dövlətləri (Sloveniya, Danimarka, İslandiya, Fransa, Niderland, Norveç, İsveç, Portuqaliya, Belçika, Lüksemburq, İspaniya və Böyük Britaniya) geylərin nikahını milli parlamentlər səviyyəsində qəbul ediblər. Finlandiya bu barədə qanunu 2017-ci ildə qəbul etməyi planlaşdırır. Malta isə yalnız xaricdə bağlanmış belə nikahları qəbul edir. 

 

17
Teqlər:
sosial inqilab, eynicinslilər, nikah, referendum, Leo Varadkar, Avropa, Dublin, İrlandiya
Suqovşan

Su ehtiyatlarının qiymətləndirilməsi sahəsində dönüş yaranır

3
(Yenilənib 12:39 30.11.2020)
Ramiz Məmmədov suvarma sahəsində qabaqcıl, müasir təcrübəyə malik yerli və xarici ölkə fermerlərinə həsr olunmuş müntəzəm televiziya verilişlərinə ehtiyac olduğunu vurğulayıb.

BAKI, 30 noyabr — Sputnik. Azərbaycan Milli Elmlər Akademiyasının akademiki H.Ə.Əliyev adına Coğrafiya İnstitutunun direktoru, akademik Ramiz Məmmədovun ölkənin su təminatı ilə vəziyyətinə aydınlıq gətirən məqaləsi dərc edilib. AMEA-dan Sputnik Azərbaycan-a verilən məlumata görə, Azərbaycanın şirin su ekosistemləri: problemlər və gözləntilər" adlı məqalədə bu ilin yay-payız aylarında Kür çayında yaranmış vəziyyətlə əlaqədar aparılan tədqiqat işlərinin nəticələr yer alıb. Şirin su ilə bağlı problemlərin hələ bir müddət davam edəcəyini proqnozlaşdıran akademik bununla əlaqədar iqtisadiyyatın strateji sahələrinin strukturunda dəyişikliyə ehtiyac olduğunu diqqətə çatdırıb.

Qeyd olunub ki, Türkiyənin təcrübəsindən yararlanaraq, respublikamızın intellektual bazası hesabına "elm-bilik" mərkəzlərinin yaradılması ilə daha az şirin su işlədən emaledici sənayenin, xüsusilə yüksək texnologiyaya əsaslanan sahələrin inkişafını sürətləndirmək olar. Bundan başqa, suvarma sahəsində qabaqcıl, müasir təcrübəyə malik yerli və xarici ölkə fermerlərinə həsr olunmuş müntəzəm televiziya verilişlərinə ehtiyacın olduğu vurğulanıb.

Alim həmçinin bildirib ki, Tərtər çayı üzərindəki Suqovuşan, Araz çayı üzərindəki Xudafərin, Köndələnçaydakı Kaskad su anbarları, bir sıra çaylarımız, vaxtilə qazılmış yüzlərlə subartezian quyuları, İranla müştərək tikilməsi nəzərdə tutulmuş Qız qalası hidroqovşağı su ehtiyatlarının qiymətləndirilməsi və istifadəsi sahəsində bir dönüş yaradacaq.

3
Teqlər:
Kür çayı, təcrübə, Suqovuşan, su

Dağlıq Qarabağda sutka ərzində 100-dən artıq partlayıcı obyekt aşkar edilib video

4
(Yenilənib 11:54 30.11.2020)
Rusiyalı mütəxəssislər Dağlıq Qarabağda rus sülhməramlılarının öhdəliyi altındakı ərazilərdə mühəndis kəşfiyyatı və ərazilərin minalardan təmizlənməsi üzrə işlərini davam etdirir. Daha ətraflı videoda izləyin.

Rusiya sülhməramlılarının əraziləri minalardan təmizləmək ilə məşğul olan mühəndis-istehkamçı hissələri Şuşa-Lısoqorski yolunun təxminən 3 kilometrlik kəsiyini təmizləyib. Sutka ərzində 100-dən artıq partlayıcı obyekt aşkar edilib. Bunlar xüsusi olaraq təchiz edilmiş poliqona aparılaraq məhv edilib.

4