Senior US administration official said that Ukraine's membership in NATO is not being considered by the alliance.

NATO sammitinin əsas hədəfi Rusiyadır

51
(Yenilənib 00:20 09.07.2016)
Politoloq Azər Rəşidoğlu hesab edir ki, Rusiya bu məsələyə seyrçi qala bilməz.

BAKI, 8 iyul-Sputnik. Polşanın paytaxtı Varşavada NATO sammiti başlayıb. Sammitdə alyansın təhlükəsizliyinin gücləndirilməsi və NATO sərhədlərindən kənarda stabilliyin təmin edilməsi ilə bağlı qərarlar qəbul ediləcək.

NATO liderləri 2 günlük görüşdə Estoniya, Latviya, Litva və Polşaya rotasiya əsasında çoxmillətli taborun göndərilməsini razılaşdıracaqlar. Müttəfiqlər kiber müdafiənin, mülki hazırlığın, ballistik raketlər əleyhinə müdafiənin gücləndirilməsi istiqamətində addımlar atacaq, stabilliyin təmin edilməsi üçün alyansın İraqdakı təlim missiyasını genişləndirmək və onun Mərkəzi Aralıq dənizi bölgəsindəki rolunu artırmaqla bağlı da razılıq əldə edəcəklər.

NATO-nun Varşava sammitinin iştirakçıları
© REUTERS / Kacper Pempel
Sammitdə İŞİD əleyhinə qlobal koalisiyanın dəstəklənməsi üçün havadan erkən xəbərdarlıq və nəzarət təyyarələrinin (AWACS) göndərilməsi təsdiqlənəcək.

Politoloq Azər Rəşidoğlu "Sputnik"ə açıqlamasında bildirib ki, keçirilən sammit jest xarakteri daşıyır: "Polşa və Baltikyani ölkələrin NATO-ya açılması Cənubi Qafqazı da Avro-Atlantik məkana inteqrasiyaya sövq edir. Artıq Gürcüstanın bu alyansla daha sıx əməkdaşlığı və orada qərbyönlü siyasi hakimiyyətin bərqərar olması prosesinə başlandığı görünür. Bu, MDB məkanına təsirini göstərəcək və Avro-Atlantik məkanına inteqrasiya meyilləri güclənəcək".

Ekspert hesab edir ki, NATO sammitinin əsas hədəfi Rusiyadır. "Bu baxımdan, Rusiya bu məsələyə seyrçi qala bilməz. Odur ki, bu istiqamətdə hər-hansı bir addım atarkən ölkənin maraqlarının buna nə dərəcədə cavab verdiyini düşünmək lazım gəlir", — deyə o əlavə edib.

Azər Rəşidoğlunun sözlərinə görə, sammitin Azərbaycan diplomatiyasına birbaşa təsiri olmayacaq: "Güman edirəm ki, Azərbaycan birmənalı şəkildə ortaya mövqe qoymayacaq və açıq qapı, balanslaşdırılmış diplomatiya siyasətini davam etdirəcək. Yəni Azərbaycan prezidentinin Varşavada NATO sammitində iştirak etməsi Avro-Atlantik məkana inteqrasiya meyillərindən xəbər verir.

Buna baxmayaraq, yaxınlarda Rusiya xarici işlər naziri Lavrovun Azərbaycana səfəri, həmçinin Azərbaycan və Rusiya prezidentlərinin görüşü nəzərdə tutulub. Geosiyasi müstəvidə rəsmi Bakı balans siyasətini davam etdirir. Yəni, həmin sammitin Azərbaycan diplomatiyasına birbaşa təsirinin olacağını ehtimal etmirəm, amma ümumillikdə MDB məkanında anti-rusiya meyillərinin güclənəcəyini və Avro-Atlantik məkana inteqrasiya tendensiyasının artan xətt üzrə inkişaf edəcəyini proqnozlaşdıra bilərik".

Qeyd edək ki, sammitdə Azərbaycan prezidenti İlham Əliyev də iştirak edir. Tədbir çərçivəsində Dağlıq Qarabağ münaqişəsinin müzakirəsi gözlənilir.

51
Teqlər:
Avroatlantik, Litva, MDB, Estoniya, Varşava, Politoloq Azər Rəşidoğlu, Polşa, NATO, Gürcüstan, Dağlıq Qarabağ, Sergey Lavrov, Latviya, İlham Əliyev, Rusiya
Əlaqədar
NATO-nun sammiti başlayıb
NATO sammitində Qarabağ münaqişəsinin müzakirəsi gözlənilir
NATO Rusiyanın "qulağının dibinə" yaxınlaşdı
"NATO daxilində böhran başladığının şahidi olacağıq"
Rusiyadan NATO-ya ismarıc: "Şərəf sözü veririk ki..."

Soxulcan zülallı kekslər: Gələcəyin yeməyi beləmi görünür?

516
(Yenilənib 11:55 03.08.2020)
Latviya alimləri qeyri-adi keks reseptini işləyib hazırlayıblar. Soxulcanlı şirniyyatın necə göründüyünü isə videomuzda izləyin.

Ənənəvi inqrediyentlərə Latviya alimləri soxulcanlardan alınmış zülal əlavə ediblər.

“Bir alim kimi, bu soxulcanların zülal mənbəyi kimi qida məhsullarında istifadə edilə biləcəyi mənim üçün çox maraqlı gəldi”, - deyə Latviya Kənd Təsərrüfatı İnstitutunun dosenti İlqa Qedrovitsa bizə danışıb.

Bir çox ölkənin sakinləri artıq çoxdan həşərat və müxtəlif qurd növlərinə yemək kimi baxırlar. Onlar bunları “ənənəvi” ətin alternativi kimi görürlər. Riqalı alimlərin işi sayəsində bu alternativlərin siyahısı arta bilər. 

516

Politoloq: “Avropa Amerikaya görə Çinlə münasibətlərini pozmaq istəmir”

11
(Yenilənib 00:43 03.08.2020)
Politoloq Fikrət Sadıxov deyir ki, Birləşmiş Ştatlar Çinin nə daxili, nə də xarici siyasətini qəbul etmək istəyir
Fikrət Sadıxov: “Çinlə münasibətləri pozmaq Avropa ölkələrinin marağında deyil”

“ABŞ Pekinə qarşı sərtləşdirmə siyasətini bütün müttəfiqləri üçün uyğun hesab edir”. Bunu ABŞ dövlət katibi Maykl Pompeo deyib.

Politoloq Fikrət Sadıxov Sputnik Azərbaycan-a deyir ki, ölkələrin bir-birinə olan münasibətləri sərtləşdirmək və yumşaltmaq istəyi prioritetlərdən asılı olan məqamdır:

“ABŞ-ın Çinə qarşı sərt münasibəti göstərir ki, bu ölkə rəsmi Pekinin nə daxili, nə də xarici siyasətini qəbul etmək istəyir. ABŞ Çinin beynəlxalq münasibətlər sistemində tutduğu kursdan narazıdır. Amma bu, o demək deyil ki, ABŞ-ın müttəfiqləri də bu yolla getməlidirlər. Çin kimi bir güclə münasibətləri pozmağın hansısa Avropa ölkəsinin maraqları çərçivəsində olduğunu düşünmürəm”.

Fikrət Sadıxovun geniş şərhinə audiofaylda qulaq asa bilərsiniz

11

Salyanda zəncirvari qəza: yaralılardan biri baş həkimdir

0
Yaralılardan kəllə-beyin travması alan “Toyota Prado” markalı avtomobilin sürücüsü  Vidadi Əliyevin vəziyyəti ağır olduğundan Bakı şəhərinə - Mərkəzi Klinik Xəstəxanasına yola salınıb

BAKI, 4 avqust — Sputnik. Salyanda baş verən zəncirvari qəzada 3 nəfər xəsarət alıb.

Sputnik Azərbaycan APA-ya istinadən bildirir ki, hadisə bu gün günorta saatlarında Salyan rayonunun Kərimbəyli kəndində qeydə alınıb. “Daewoo”, “Toyota Prado” və  “VAZ 2107” markalı avtomobillərinin toqquşması nəticəsində 3 nəfər - Bakı sakini, 1960-cı il təvəllüdlü Əliyev Vidadi Qamət oğlu, 1990-cı il təvəllüdlü Həsənova Lalə İslam qızı və 1982-ci il təvəllüdlü Talıbov Zöhür Nadir oğlu müxtəlif dərəcəli bədən xəsarətləri ilə Şirvan Şəhər Xəstəxanasına yerləşdiriliblər.

Yaralılardan kəllə-beyin travması alan “Toyota Prado” markalı avtomobilin sürücüsü  Vidadi Əliyevin vəziyyəti ağır olduğundan Bakı şəhərinə - Mərkəzi Klinik Xəstəxanasına yola salınıb.

Qeyd edək ki, Vidadi Əliyev Respublika Cüzam xəstəxanasının baş həkimidir.

Faktla bağlı araşdırma aparılır.

0