Расим Алиев

Jurnalistin ölümünü niyə siyasiləşdirirlər?

31
(Yenilənib 11:44 12.08.2015)
Azər Həsrət: “Bəzi qüvvələr dərhal hərəkətə keçmək istədi”

Jurnalistin ölümünü niyə siyasiləşdirirlər?
“Avropa Şurasının Baş Katibi Torbyorn Yaqlandın jurnalist Rasim Əliyevin ölümü ilə əlaqədar açıqlaması cinayət işinin mahiyyətinə uyğun olmayaraq, onun siyasiləşdirilməsinə xidmət edir”. Bunu XİN-in Mətbuat Xidmətinin rəhbəri Hikmət Hacıyev Avropa Şurasının Baş katibi Torbyorn Yaqlandın jurnalist Rasim Əliyevin ölümü ilə əlaqədar açıqlamasına münasibət bildirərkən deyib. Onun sözlərinə görə, mərhum Rasim Əliyevin daşıdığı jurnalist fəaliyyəti də açıqlamada düzgün göstərilməyib: “Təəssüflər olsun ki, bəzi dairələr tərəfindən Azərbaycanda baş verən hər bir cinayət işinin məqsədyönlü şəkildə siyasiləşdirilməsi artıq adət halını alıb.

Jurnalist Rasim Əliyevin ölümü ilə əlaqədar cinayət işinin araşdırılması üçün hüquq-mühafizə orqanları tərəfindən zəruri əməliyyat-istintaq hərəkətləri davam etdirilir. Cinayət işi üzrə təqsirkar bilinən şəxslər məhkəmənin qərarı ilə qanun qarşısında ən layiqli cəzalarını alacaqlar.

Azərbaycanda dövlət qurumları və vətəndaş cəmiyyəti arasında sıx dialoq mövcuddur və bu özünü insan hüquqları daxil olmaqla, bütün mühüm məsələlərin müzakirəsində aydın şəkildə göstərir. AŞ-nın nümayəndələri də bu cür dialoqu səciyyələndirən görüşlərdə iştirak etdiyi halda, AŞ Baş katibinin bundan xəbərsiz olması təəccüb doğurur”-, deyə Xarici İşlər Nazirliyinin rəsmisi bildirib.

Mətbuat Şurasının İdarə Heyətinini üzvü Azər Həsrət də hesab edir ki, Rasim Əliyevin vəfat etməsini siyasiləşdirmək yolverilməzdir:

“Təbiidir ki, bəzi siyasi qüvvələr, xüsüsən də, Azərbaycanda qarışıqlıq, xaos yaratmaq məqsədi güdən siyasi qüvvələr isdtənilən hadisədən yararlanmaq istəyirlər. Bu jurnalistin də vəfat etməsi o qüvvələrin əlinə  bir  bəhanə vermiş oldu. Onlar istədilər ki, dərhal hərəkətə keçib Azərbaycanda qarışıqlıq yaratsınlar, amma Azərbaycan hakimiyyəti, şəxsən cənab prezident  özü məsələyə dərhal reaksiya verdi,baş verənləri nəzarət altına götürdü. Jurnalistin döyülməsi və eyni zamanda vəfat etməsi faktının  araşdırılması ilə bağlı öz tapşırıqlarını verdi”.

Azər Həsrət bildirir ki, bu hadisələrdən sui-istifadə eləmək istəyən qüvvələr olsa da, onların məqsədlərinə çatması mümkün deyil:

“Hadisələrin inkişafı, xüsusən də, dövlətin dərhal hərəkətə keçməsi həmin qüvvələrin əl-qolunu bağladı. Bu gün Azərbaycanda jurnalistin vəfatından sui-istifadə edərək xaos,qarışıqlıq yaratmaq istəyən qüvvələrin öz istəyinə çatması sadəcə olaraq mümkün deyil”. 

Azərbaycanın Xarici İşlər Nazirliyi Avropa Şurası və bütün digər dairələri Rasim Əliyevin ölümü ilə nəticələnən bu faciəni və onunla əlaqədar açılmış cinayət işinin siyasiləşdirilməsi cəhdlərindən kənar durmağa çağırır. Azərbaycan Prezidenti də bu faktı ölkədə söz və məlumat azadlığına, kütləvi informasiya vasitələrinin müstəqil fəaliyyətinə təhlükə və təhdid kimi qiymətləndirərək qeyd edib ki, demokratik prinsiplərin mühüm tərkib hissəsi olan KİV azadlığının təmin edilməsi Azərbaycan dövlətinin ali məqsədi və prioritet vəzifələrindən biridir. Bu prinsipin pozulması dövlətin maraqlarına və həyata keçirilən siyasətin mahiyyətinə tamamilə ziddir və yolverilməzdir. Azərbaycan Prezidenti məsələni şəxsi nəzarətində saxlayacağını və cinayətkarların tapılaraq qanuna uyğun şəkildə cəzalandırılacağını diqqətə çatdırıb.

 Avqustun 8-də jurnalist Rasim Əliyev "Qəbələ" futbol komandasının oyunçusu Cavid Hüseynovun qohumları tərəfindən hədələndiyini və döyüldüyünü bildirmişdi. Ağır bədən xəsarəti alan jurnalist 1 saylı Şəhər Kliniki Xəstəxanasına yerləşdirilmişdi. Sosial mediada verilən məlumatlara görə, jurnalistin döyülməsinə səbəb onun Cavid Hüseynovun kiprli jurnalistə qarşı hərəkətini "Facebook" səhifəsində tənqid etməsi göstərilib. Rasim Əliyev cərrahi əməliyyat olunsa da onun həyatını xilas etmək mümkün olmayıb. Onu döyənlərdən biri Cavid Hüseynovun bibisioğlu Elşən İsmayılov olub və onun polisə təslim olduğu bildirilir.


31
Mövzu:
Jurnalist Rasim Əliyevin döyülərək öldürülməsi (22)

Cəbiş müəllim təqdim edir: Əfsanəvi partizan "Armed Mişel” yüz yaşında

1464
(Yenilənib 10:54 21.09.2020)
Cəbrayılovlar ailəsinin iki üzvü müharibənin od-alovundan sağ çıxıb qayıtsa da, ikisi qəhrəmanlıqla həlak olub. Sağ qalanlardan biri isə adını tarixə yazdırmağı bacarıb.

Şəkinin Oxud kəndində yaşayan Cəbrayılovlar ailəsindən İkinci Dünya müharibəsinə könüllü olaraq 4 nəfər yollanıb. Onlardan ikisi müharibənin od-alovundan sağ çıxıb qayıtsa da, ikisi qəhrəmanlıqla həlak olub. Sağ qalanlardan biri isə - Əhmədiyyə Cəbrayılov adını tarixə yazdırmağı bacarıb.

Cəbiş müəllim bu dəfə yüz yaşına çatmış əfsanəvi partizan Əhmədiyyə Cəbrayılov haqqında danışır.

1464
DAİR Otellər və Restoranlar Assosiasiyası İdarə Heyətinin sədri Samir Dübəndi

Ekspert: "Xəzəryanı ölkələrin turizm marşrutu yaratması maraqlı olar"

88
(Yenilənib 09:45 21.09.2020)
DAİR Otellər və Restoranlar Assosiasiyası İdarə Heyətinin sədri Samir Dübəndi deyir ki, Xəzəryanı ölkələrin belə bir turizm marşrutu yaratması maraqlı olar
Samir Dübəndi: “Təşəbbüsün tezliklə reallaşmasını istərdik”

Azərbaycan Turizm Assosiasiyasının təşəbbüsü ilə Türk Dövlətlərinin Turizm Təşkilatı yaradılacaq.

DAİR Otellər və Restoranlar Assosiasiyası İdarə Heyətinin sədri Samir Dübəndi Sputnik Azərbaycan-a deyir ki, Azərbaycan və Türkiyə uzun illərdir belə bir müştərək təşkilatın yaradılmasının təşəbbüskarı olub:

“Keçmiş SSRİ-dən ayrılıb müstəqillik qazanmış ölkələr də müştərək turizm marşrutları işləyib tətbiq edə bilərlər. Xüsusən də Xəzəryanı ölkələrin belə bir turizm marşrutu yaratması maraqlı olar. Zamanla tətbiq olunacaq marşrutun əhatə dairəsinin genişlənməsi türk mədəniyyətinin daha uzaq regionlarda tanınmasına imkan yaradar. Təşəbbüsün tezliklə realizasiya olunmasını istərdik”.

Samir Dübəndinin geniş şərhinə audiofaylda qulaq asa bilərsiniz

88
Belarus Prezidenti Aleksandr Lukaşenko, arxiv şəkli

Aİ-nin Ali Nümayəndəsi: Aleksandr Lukaşenkonun legitimliyini tanımırıq.

0
(Yenilənib 19:02 21.09.2020)
Aİ-nin Xarici siyasət və Təhlükəsizlik məsələləri üzrə Ali Nümayəndəsi Cozep Borrell: Bu gün Aİ-nin Xarici İşlər nazirlərinin görüşündə Belarus rəsmilərinə qarşı sanksiyaların tətbiq olunması ilə bağlı yekdillik olmayıb.

BAKI, 21 sentyabr — Sputnik. Kipr Avropa İttifaqının (Aİ) Belarus rəsmilərinə qarşı sanksiyalarını bloklayıb.

Sputnik Azərbaycan APA-ya istinadla xəbər verir ki, bu barədə Aİ-nin Xarici siyasət və Təhlükəsizlik məsələləri üzrə Ali Nümayəndəsi Cozep Borrell mətbuat konfransında deyib.

O bildirib ki, bu gün Aİ-nin Xarici İşlər nazirlərinin görüşündə Belarus rəsmilərinə qarşı sanksiyaların tətbiq olunması ilə bağlı yekdillik olmayıb.

C. Borrell vurğulayıb ki, blok Belarusla əlaqələrini yenidən nəzərdən keçirəcək, vətəndaş cəmiyyətinə və azad mediaya daha çox maddi dəstək verəcək:

"Biz bu seçkinin saxtalaşdırıldığını bilirik və buna görə də Aleksandr Lukaşenkonun legitimliyini tanımırıq. Belarus xalqının azad, şəffaf və ədalətli seçkilər keçirmək haqqına inanır və Belarus xalqının yanında dayanırıq".

Qeyd edək ki, Aİ-də xarici siyasətlə bağlı qərarlar blokun 27 ölkəsi arasında yekdillik tələb edir.

Xatırladaq ki, Aİ seçkidəki saxtakarlığa, şiddət və təzyiqlərə görə məsuliyyət daşıyan Belarusun yüksək vəzifəli şəxslərinə qarşı sanksiya tətbiq edəcəyini bəyan edib.

0
Teqlər:
Belarus, Avropa ittifaqı, , Aleksandr Lukaşenko
Əlaqədar
Lukaşenko müharibəyə hazırlaşır?
Lukaşenko ilə Mişustinin görüşündə gözlənilməz təklif
İkinci gəliş: Lukaşenko bu dəfə tüninq olunmuş silahla görüldü - FOTO - VİDEO
Lukaşenko Rusiyadadır: Putinlə gələcək münasibətləri aydınlaşdıracaq
Hakimiyyəti heç kimə verməyəcəyəm – Lukaşenko