GMO

GMO: yeyək, yeməyək?

68
(Yenilənib 11:53 07.08.2015)
Genetik modifikasiya olunmuş məhsullar ətrafında baş verən hadisələr dünyanı çoxdan real qarşıdurma meydanına çevirib

GMO: yeyək, yeməyək?
Genetik modifikasiya olunmuş məhsullar daim qlobal qida məsələsinin həlli və onların insan sağlamlığı üçün təhlükəsi xəbərdarlıqları arasında tarazlanır. Hələ ki, GMO tərəfdarları yalnız onların sayəsində insanları qidalandırmağın mümkün olduğunu, rəqibləri isə gələcək nəsil haqda düşünməyin vacibliyini bildirirlər. 

Sağlamlığa zərər olmadan qidalanmaq – müasir dünyada demək olar ki, bir nömrəli məsələdir. Bəlkə də, bunun öhdəsindən laboratoriyalarda hər hansı bir regionun təbii hava şəraitinə uyğunlaşdırılmış xüsusi becərdilən bitkilər gələ bilər. Bu cür məhsullar az yağışlı Afrikada ərzaq problemini həll edə bilər. Elə Afrikanın özündə də çoxları məhz genetik modifikasiya olunmuş məhsulların sürətlə artan əhalinin qida təminatı problemini ətraf mühitə minimal zərərlə həll edəcəyi haqda danışır. “Yaşıl Patrul” ictimai təşkilatının ekoloji proqramlar direktoru Roman Pukalov deyir ki, “GMO insan və ətraf mühit üçün həqiqətənmi təhlükəsizdir?” sualında bir əmma var:

“Burada, təhlükəsizlik prezumpsiyası var. Əgər bu məhsulların təhlükəsizliyi sübut olunmayıbsa, insanın onları istifadə edib-etməmək seçimi olmalıdır. Məcburi sertifikatlaşdırma, məhsullarda maksimal limitlər lazımsız şeylərdir. Mən onların istifadəsindən imtina etməyi məsləhət görürəm. Təcrübələrə kənardan baxmaq yaxşıdı”.

Lakin Afrika sakinlərinin kənardan nəzarət etmək kimi seçimi nəzərdə tutulmayıb. Onlara GMO əleyhidarlarının tədqiqatlarını da oxumurlar. Bir çox alimlər uzun müddətdir transgen bitkilərin insan sağlamlığına zərərli olduğunu və fermerləri, hətta bəzən ölkələri GMO istehsalçılarından asılı vəziyyətə saldığını deyirlər. Afrika qapalı dairəyə düşüb: inkişaf etmiş ölkələr faktiki olaraq orada real aclığın artmasına səbəb olublar, indi də Afrika ölkələrinə genetik cəhətdən modifikasiya olunmuş toxum və digər məhsullardan istifadə etməyi yeridirlər. Timiryazev Kənd Təsərrüfatı Akademiyasının dosenti İqor Abakumov danışır:

“Məlum olduğu kimi, qida tək yeyinti məhsulu deyil, həm də strateji silahdır. Bu, fərdi insanı, onun ailəsini aclıq təhlükəsi ilə qarşı-qarşıya qoyan təsir silahıdır. Sonra bu silah ölkə və qitələrə qarşı istifadə olunur. Elə Afrikanı götürək. Orada hansı ölkələr aclıq keçirir? Hansılarının ki istehsalı və ya xüsusilə qiymətli təbii ehtiyatları var. Onların üzərində qəyyumluq edən ölkələrə onlara özbaşına istehsal ilə məşğul olma imkanı vermək sərfəli deyil. Buna görə də, məhsul oraya kənardan gətizdirilir. Məhsulu oraya gətirmək və ya becərmək üçün yeni növlər lazımdır. Məsələn, quraqlıq, istilik və ya gündəlik temperatur dəyişməsinə davamlı olan genetik modifikasiya olunmuş növlər”.

Roman Pukalov eləcə də qeyd edib ki, qida artımını çoxaltmaq üçün başqa yollar da var. Lakin lazımi resursları olan ölkələr onlardan çox vaxt istifadə etmirlər.

GMO ətrafında baş verən hadisələr dünyada çoxdan real qarşıdurma meydanına çevrilib. GMO-ın tərəfdarları və əleyhdarları öz fikirlərini müdafiə etməkdən yorulmayaraq öz təqsirsizliklərinə sübut toplayırlar. Lakin, hər hansı aclıq çəkən Afrika ailəsi üçün bu cür mübahisələrin heç bir əhəmiyyəti yoxdur.

 

68
(4:00 / 27.26Mb / просмотров видео: 374)

Cəbrayıl Zəngilan rayonlarının işğaldan azad olunan kəndlərinin videogörüntüsü yayıldı

198
(Yenilənib 23:47 25.10.2020)
Müdafiə Nazirliyi Cəbrayıl və Zəngilan rayonlarının işğaldan azad olunan kəndlərinin videogörüntüsünü yayıb.

Müdafiə Nazirliyi Cəbrayıl və Zəngilan rayonlarının işğaldan azad olunan kəndlərinin videogörüntüsünü yayıb. Sputnik Azərbaycan həmin görüntünü təqdim edir.

Sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb. Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli, Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.
Müdafiə Nazirliyinin məlumatına görə, Azərbaycan Ordusunun uğurlu əks-hücum əməliyyatları nəticəsində Füzuli-Cəbrayıl istiqamətində Qaraxanbəyli, Qərvənd, Kənd Horadiz, Yuxarı Abdurrəhmanlı, Böyük Mərcanlı və Nüzgar kəndləri işğaldan azad edilib.
Oktyabrın 3-də isə Azərbaycan Silahlı Qüvvələri strateji cəhətdən əhəmiyyətli daha bir yaşayış məntəqəsini - dövlət başçısının həmin gün Sugovuşan tarixi adını qaytardığı Madagiz kəndini azad edib. Həmin gün Tərtər rayonunun Talış kəndinin, Cəbrayıl rayonunun Mehdili, Çaxırlı, Aşağı Maralyan, Şəybəy və Quycaq kəndlərinin və Füzuli rayonunun Aşağı Əbdürrəhmanlı kəndinin azad edildiyi məlum oldu.

Oktyabrın 4-də Azərbaycan ordusu Cəbrayıl şəhərini və Cəbrayıl rayonunun doqquz kəndini - Karxulu, Şükürbəyli, Yuxarı Maralyan, Çərəkən, Daşkəsən, Horovlu, Dəcəl, Mahmudlu, Cəfərabadı azad edib.
Oktyabrın 5-də Azərbaycan ordusu Cəbrayıl rayonunun Şıxalıağalı, Məzrə və Sarıcalı kəndlərini azad edib.
Oktyabrın 9-da Hadrut qəsəbəsi, Çaylı, Yuxarı Güzlək, Gorazıllı, Qışlaq, Qaracallı, Əfəndilər, Süleymanlı, Sur kəndləri işğaldan azad edilib.
Oktyabrın 14-də Füzuli rayonunun Qaradağlı, Xatunbulaq, Qarakollu, Xocavənd rayonunun Bulutan, Məlikcanlı, Kəmərtük, Təkə, Tağaser kəndləri işğaldan azad edilib.
Oktyabrın 15-də Azərbaycan Ordusu tərəfindən Füzuli rayonunun Arış, Cəbrayıl rayonunun Doşulu, Xocavənd rayonunun Edişə, Düdükçü, Edilli, Çiraquz kəndləri işğaldan azad olunub.
Oktyabrın 16-da Xocavənd rayonunun Xırmancıq, Ağbulaq, Axullu kəndləri işğaldan azad edilib.
Oktyabrın 17-də Füzuli rayonunun Qoçəhmədli, Çimən, Cuvarlı, Pirəhmədli, Musabəyli, İşıqlı, Dədəli kəndləri və Füzuli şəhəri işğaldan azad olunub.

Oktyabrın 18-də Azərbaycan Silahlı Qüvvələri Xudafərin körpüsünün üzərində Azərbaycan bayrağını qaldırıblar.
Oktyabrın 19-da Cəbrayıl rayonunun Soltanlı, Əmirvarlı, Maşanlı, Hasanlı, Alıkeyxalı, Qumlaq, Hacılı, Göyərçin Veysəlli, Niyazqulular, Keçəl Məmmədli, Şahvəlli, Hacı İsmayıllı, İsaqlı kəndləri azad edilib.
Oktyabrın 20-də Füzuli rayonunun Dörd Çinar, Kürdlər, Yuxarı Əbdülrəhmanlı, Qarğabazar, Aşağı Veysəlli, Yuxarı Ayıbasanlı, Cəbrayıl rayonunun Səfərşa, Hasanqayda, Fuğanlı, İmambağı, Ağtəpə, Yarəhmədli, Daş Veysəlli, Xocavəndin Ağcakənd, Mülküdərə, Daşbaşı, Günəşli (Noraşen), Çinarlı (Vəng), Zəngilan rayonunda Havalı, Zərnəli, Məmmədbəyli, Həkəri, Şərifan, Muğanlı kəndləri və Zəngilan şəhəri azad edilib.
Oktyabrın 21-də Füzuli rayonunun Gecəgözlü, Aşağı Seyidəhmədli, Zərgər kəndləri, Cəbrayıl rayonunun Balyand, Papı, Tulus, Hacılı, Tinli kəndləri, Zəngilan rayonunun Mincivan qəsəbəsi, Xurama, Xumarlı, Sarıl, Babaylı, Üçüncü Ağalı, Hacallı, Qırax Müşlan, Üdgün, Turabad, İçəri Müşlan, Məlikli, Cahangirbəyli, Baharlı kəndləri işğaldan azad edilib.
Oktyabrın 22-də Füzuli rayonunun Mollavəli, Yuxarı Rəfədinli, Aşağı Rəfədinli, Cəbrayıl rayonunun Sirik, Şıxlar, Məstəlibəyli, Dərzili kəndləri, Zəngilanın Kolluqışlaq, Malatkeşin, Kənd Zəngilan, Genlik, Vəliqulubəyli, Qaradərə, Çöpədərə, Tatar, Tiri, Əmirxanlı, Qarqulu, Bartaz, Dəlləkli kəndləri və Ağbənd qəsəbəsi işğaldan azad olunub.
Oktyabrın 23-də Qubadlı rayonunun Zilanlı, Kürd Mahrızlı, Muğanlı və Alaqurşaq, Xocavənd rayonunun Dolanlar, Bünyadlı, Cəbrayıl rayonunun Dağ Tumas, Nüsüs, Xələfli, Minbaşılı, Veysəlli, Zəngilan rayonunun Vənədli və Mirzəhəsənli kəndləri işğaldan azad edilib.
198
(1:25 / 11.15Mb / просмотров видео: 1627)

Ermənistan ordusunun atəş nöqtələri məhv edilib - VİDEO

245
(Yenilənib 18:40 25.10.2020)
Azərbaycan silahlı qüvvələri işğalçı ordunun bölmələrinin atəş nöqtələrini məhv etməkdə davam edirlər.

Cəbhənin müxtəlif istiqamətlərində gedən döyüşlərdə Azərbaycan Ordusunun bölmələri öz üstünlüyünü qoruyub. Sputnik Azərbaycan bu barədə Müdafiə Nazirliyinə istinadən məlumat verir.

Oktyabrın 25-də aparılan uğurlu döyüş əməliyyatları zamanı düşmənin 2 artilleriya qurğusu, 2 BM-21 “Qrad”, 1 komanda qərargah maşını, 1 komanda idarəetmə məntəqəsi, 2 yük maşını, 1tank və bir neçə atəş nöqtəsi məhv edilib.

245
Mövzu:
Azərbaycan və Ermənistan arasında müharibə
Автомобили ОБСЕ на линии соприкосновения, фото из архива

Minsk qrupu bəyanat yaydı: Həmsədrlər xarici işlər nazirləri Cenevrədə görüşəcək

0
(Yenilənib 00:52 26.10.2020)
Həmsədrlər və xarici işlər nazirləri Cenevrədə görüşərək, Dağlıq Qarabağ münaqişəsinin sülh yolu ilə həlli üçün lazım olan bütün addımları müzakirə etmək, razılığa gəlmək və həyata keçirməyə başlamaq üçün baza prinsiplərinə uyğun olaraq yenidən bir araya gələcəklər

BAKI, 26 oktyabr - Sputnik. Bu gün ATƏT-in Minsk Qrupunun həmsədrləri bəyanatla çıxış ediblər.

Sputnik Azərbaycan ATƏT-ə istinadla xəbər verir ki, bəyanatda həmsədrlərin 24 oktyabrda Vaşinqtonda Ermənistan xarici işlər naziri Zohrab Mnatsakanyan və Azərbaycanın xarici işlər naziri Ceyhun Bayramovla görüşdükləri, xarici işlər nazirləri və ABŞ Dövlət Katibinin müavini Stiven Bigan ilə birgə iclasda iştirak etdikləri bildirilir. Məlumata görə, ATƏT sədrinin şəxsi nümayəndəsi Anjey Kasprşik də görüşlərdə iştirak edib.

Həmsədrlər tərəfləri öhdəliklərinə uyğun olaraq 10 oktyabrda  Moskvada imzalanmış birgə bəyanatın bütün aspektlərini həyata keçirmək üçün təcili addımlar atmağa çağırıblar və bu öhdəlikləri 18 oktyabrda Parisdə təsdiqlədiklərini qeyd ediblər. 

Həmsədrlər tərəflərə hərbi əməliyyatları dərhal dayandırmağa və ATƏT-in Minsk qrupu həmsədrlərinin himayəsində Dağlıq Qarabağ münaqişəsinin həll olunması üçün əsaslı danışıqları bərpa etməyə çağıran Amerika Birləşmiş Ştatları Prezidenti Donald Tramp, Fransa Prezidenti Emmanuel Makron və Rusiya Prezidenti Vladimir Putinin 1 Oktyabr 2020-ci il tarixli ortaq bəyanatını, həmçinin Amerika Birləşmiş Ştatları Dövlət Katibi Maykl Pompeonun, Fransanın Avropa və Xarici İşlər Naziri Jan-İv Le Drianın və Rusiya Federasiyasının Xarici İşlər Naziri Sergey Lavrovun 5 oktyabrdakı birgə bəyanatını xatırladıblar.

Həmsədrlər və xarici işlər nazirləri intensiv müzakirələr zamanı təcili humanitar atəşkəsin tətbiq olunmasını, atəşkəsin monitorinqinin mümkün parametrlərini və 10 oktyabrdakı birgə bəyanata uyğun olaraq hərtərəfli həll yolunun əsas substantiv elementlərinin müzakirəsinə başlamağı müzakirə ediblər. Həmsədrlər və xarici işlər nazirləri oktyabrın 29-da Cenevrədə görüşərək, Dağlıq Qarabağ münaqişəsinin sülh yolu ilə həllinə nail olmaq üçün lazım olan bütün addımları müzakirə etmək, razılığa gəlmək və həyata keçirməyə başlamaq üçün Azərbaycan və Ermənistan liderləri tərəfindən qəbul edilən baza prinsiplərinə uyğun olaraq yenidən bir araya gəlməyi qəbul ediblər.

Bəyanatı ATƏT-in Minsk qrupunun həmsədrləri- Rusiya Federasiyasından İqor Popov, Fransadan Stefan Viskonti və Amerika Birləşmiş Ştatlarından Andryu Şofer yayıblar.

0
Əlaqədar
Minsk Qrupu həmsədrləri Qarabağ münaqişəsi ilə bağlı bəyanat yayıblar
Minsk qrupu gəlib hesabat versin görək, münaqişə niyə həllini tapmayıb - Türkiyə XİN
Ərdoğan: ATƏT-in Minsk Qrupu Qarabağ münaqişəsinin həllini uzatmağa çalışır
Rusiya prezidenti: Minsk qrupu formatını bir az dəyişmək olar
ABŞ Dövlət Departamenti Qarabağda humanitar atəşkəs barədə bəyan edib