Reklamlar metroya qayıtdı

Reklamlar metroya qayıtdı

1
(Yenilənib 11:59 31.07.2015)
"Bakı Matropoliteni" reklam verən şirkətlərlə münasibəti indi başqa formada qurub

Reklamlar metroya qayıtdı
2014-cü ilin fevral ayında "Bakı Matropoliteni" QSC yaradıldıqdan sonar metrolardakı mağazalar söküldü, reklam lövhələri yığışdırıldı. 

Bir müddət əvvəl metro keçidlərində bəzi yönümlü ticarət obyektlərinin açılışına icazə verildi. İndi isə 15 aylıq fasilədən sonra reklam lövhələri bərpa olunur. Artıq bir neçə metrostansiyalarda reklam lövhələrinin quraşdırılmasına başlanılıb. 

"Bakı Matropoliteni" QSC-nin mətbuat xidmətinin rəhbəri Nəsimi Paşayev “Sputnik”ə açıqlamasında reklam lövhələrinin yenidən bərpa olunması ilə bağlı fikirlərini bölüşüb. Nəsimi Paşayev "Bakı Matropoliteni" QSC yaradılarkən reklam lövhələrinin yığışdırlmasını belə izah etdi:

“Həmin vaxt reklam vasitələri nəzarətsiz idi. Xaos höküm sürürdü. 10-15 il əvvəl quraşdırılan reklam lövhələrinə heç bir texniki qulluq göstərilməmişdi, çox bərbad vəziyyətdə idilər. Həmçinin sərnişinlərin zövqünə pis təsir edirdi. Vaqonlarda olan manitorlar, səslər insanları narahat edirdi. O vaxt qərara gəlindi ki, reklam vasitələri yığışdırılsın. Biz o zaman da bəyan etmişdik ki, reklam vasitələrindən yenidən istifadə olunacaq. Amma müasir vasitələrdən istifadə olunmalıdır, ən əsası da sərnişinlərin hərəkətinə, təhlükəsizliyinə maneçilik törətməyən reklam vasitələri olmalıdır”.

Artıq reklamların bərpa edilməsi ilə “Bakı Matropoliteni” QSC-də yeni struktur yaradılıb. Bu struktur reklam yerləşdirmək istəyən şirkətlərlə birbaşa əlaqə qurur. Arada heç bir əlaqələndirici reklam şirkəti yoxdur:

“O vaxtdan sonra müəyyən işlər görürdük, hazırlıq işləri aparırdıq. Artıq stansiyaların platformalarının divarlarında işıqlı reklam lövhələri vurulub. Onlar müasir şəkildə, təmiz, səliqəli formada hazırlanıb. Əvvəlkilərdən fərqli olaraq indi Bakı Metroploiteni reklam verən şirkətlə birbaşa fəaliyyət göstərir. Arada heç bir reklam şirkəti, əlaqələndirici yoxdur. Bu haqda qərar verilib və artıq Bakı Metropolitenində bu işi görən struktur var”. 

Reklamların qiymətinə gəlincə isə Nəsimi Paşayev qiymətlərin mütəlif olduğunu, stansiyaya, reklamın yerləşdiriləcəyi yerə görə dəyişdiyini deyir:

“Təbii ki, reklam verəcək şirkətlərin seçəcək yeri var. Hər stansiyanın özünün qiyməti var. Reklamların vurulması üçün müxtəlif yerlər təklif olunur. Məsələn, platformalar, eskalatorların divarlarında, keçidlərdən istifadə edərək şirkətlər öz məhsullarını reklam edə bilərlər. Təbii ki, burada qiymətlər fərqlidir. İstənilən reklam verən şirkət bizə yaxınlaşdıqda qiymətləri bilir. “Dərnəgül” və “28 May” stansiyalarında əlbətdə ki, reklamın qiyməti fərqlidir. Sərnişin sıxlığına, yerləşdiyi əraziyə, platforma divarları, eskalatorun divarlarını hər birinin qiymətləri var. Eyni zamanda hər bir reklam vasitəsinə görə də qiytmtlət fərqlənir”.

Qeyd edək ki, metroda görüntülü və çap reklamları, ticarət köşkləri 2014-cü ilin aprelində, metropolitenin o zamankı rəisi Tağı Əhmədov vəzifədən uzaqlaşdırılandan sonra dayandırılmışdı. 


1
Azərbaycan Milli Məclisinin Səhiyyə, Gənclər və idman komitələrinin üzvü, tibb üzrə elmlər doktoru, tanınmış ürək-damar cərrahı Rəşad Mahmudov

Millət vəkili: “Əhalimiz təhlükənin sovuşmadığını dərk etməlidir”

13
(Yenilənib 09:46 30.05.2020)
Milli Məclisin Səhiyyə komitəsinin sədr müavini Rəşad Mahmudov deyir ki, ölkəmizdə koronavirusun ikinci dalğası ola bilər və buna hazır olmalıyıq
Rəşad Mahmudov: “Vətəndaşlarımıza tövsiyəm budur ki, arxayınlaşmasınlar”

“Azərbaycanda son günlərin statistikası pandemiyanın “ikinci dalğası”nın yetərincə real olacağını göstərir”. Sputnik Azərbaycan xəbər verir ki,  bunu Trend-ə Milli Məclisin Səhiyyə komitəsinin sədr müavini Rəşad Mahmudov deyib.

Millət vəkili bildirib ki, ölkəmizdə koronavirusun ikinci dalğası ola bilər və buna hazır olmalıyıq:

“Hökumətimiz, dövlət qurumlarımız və həkimlərimizin son dərəcə gərgin əməyi nəticəsində virusa yoluxma halları və onun miqyası maksimal dərəcədə azalıb. Bununla belə, vətəndaşlarımıza bir daha tövsiyəm budur ki, arxayınlaşmasınlar, sanitar-gigiyenik qaydalara ciddi riayət etsinlər, karantin rejimi çərçivəsində hərəkət etsinlər və yayılan şayiələrə də uymasınlar. Karantin rejiminin yavaş-yavaş yumşaldılması, məhdudiyyətlərin xeyli qisminin aradan qaldırılması hələ həyatımızın tam normal axara düşməsi demək deyil. Dünyada sanitar-epidemioloji vəziyyət və bu sahədə beynəlxalq ekspertlərin rəyini nəzərə alsaq, biz arxayın olmamalıyıq. Təhlükə tam aradan sovuşmayıb və bunu əhalimiz də düzgün dərk etməlidir”.

Rəşad Mahmudovun fikirlərinə audiofaylda qulaq asa bilərsiniz

13
Azad İstehlakçılar Birliyinin (AİB) sədri Eyyub Hüseynov

Pandemiya şəraitində çimərliklər necə fəaliyyət göstərməlidir ekspert şərh edir

29
(Yenilənib 10:38 29.05.2020)
Azad İstehlakçılar Birliyinin sədri Eyyub Hüseynov deyir ki, bu il çimərliklərdə qiymətlərin bahalaşacağını gözləyir
Eyyub Hüseynov: “Çimərliklərdə karantin qaydaları tətbiq edilməlidir”

Çimərliklərdən istifadə ilə bağlı qaydalar hazırlanır. Bunu Nazirlər Kabineti yanında Operativ Qərargahın keçirdiyi brifinqində Bakı Şəhər İcra Hakimiyyətinin (BŞİH) başçısı Eldar Əzizov bildirib.

Azad İstehlakçılar Birliyinin sədri Eyyub Hüseynov Sputnik Azərbaycan-a deyir ki, bu il çimərlik sezonu mütləq açılmalıdır:

“Təəssüf ki, çimərliklərdən istifadə edən vətəndaşlarımız intizamsızlıq edirlər. İnsanlar xəbərdarlıqlar edilməsinə baxmayaraq, çirkli çimərliklərə getməyə davam edirlər. Pandemiyaya görə, bu il çimərliklərdə qiymətlərin bahalaşacağını gözləyirəm. Çimərliklərdə karantin qaydaları mütləq şəkildə tətbiq edilməlidir”.

Eyyub Hüseynovun geniş şərhinə audiofaylda qulaq asa bilərsiniz

 

29
Əlaqədar
Bəzi yerlərdə dəniz suyunda çirklənmə göstəriciləri normadan yüksəkdir
Çimərkən də koronavirusa yoluxmaq olur?
Turistləri çimərliklərdə koronavirusa yoluxmaqdan müdafiə etməyin yolu tapılıb
Çimərliklər üçün də yol tapıldı – Elektron sistem olacaq
Salam, dəniz. Ötən il sağollaşdığımız kimisən: çirkli, hirsli...
Нож в руке, фото из архива

Bərdədə bıçaqlanan icra başçısının keçmiş müavini imiş

4
(Yenilənib 19:13 30.05.2020)
Oğlu ilə bacısı oğlunu sakitləşdirmətə çalışan ataya üç bıçaq zərbəsi vurulub. Bacıoğlu dayıya rəhm etməyib.

Musa Muradlı, Sputnik Azərbaycan

BAKI, 30 may - Sputnik. Bərdə rayonunun Şərəfli kəndində məişət zəminində bıçaqlama hadisəsi baş verib. Sputnik Azərbaycan-ın əldə etdiyi məlumata görə, kənd sakinləri Şamil Qasımov və Orxan Fərəcbəyli arasında yaranan mübahisə əlbəyaxa davaya çevrilib. Orxan Fərəcbəyli bıçaqdan istifadə etmək istəyərkən Şamil Qasımovun atası Məzahir Qasımov araya girərək onları aralaşdırmağa çalışıb. Bu zaman Fərəcbəyli dayısı Məzahir Qasımova 3 bıçaq zərbəsi vurub.

Hadisə vaxtı yaralanan Məzahir Qasımov Bərdə rayon Mərkəzi Xəstəxanasına yerləşdirilib. Yaralı Məzahir Qasımovun vəziyyəti qənaətbəxşdir.

Faktla bağlı Bərdə Rayon Polis Şöbəsində cinayət işi başlanıb. Hadisəni törədən O.Fərəcbəylini saxlamaq hələlik mümkün olmayıb.

Onu da qeyd edək ki, Məzahir Qasımov 2005-2010-cu illərdə Bərdə rayon İcra Hakimiyyəti Başçısının I müavini vəzifəsində çalışıb. Hazırda “Azərtoxum” MMC-nin direktorudur.

4