Qubada Nizami parkı

Qubanın Nizami parkındakı qəribə heykəllər - onların müəllifi kimdir?

3039
(Yenilənib 10:09 11.09.2021)
Bəzi məlumatlara görə, adıçəkilən istirahət yeri 1946-cı ildə alman əsirləri tərəfindən inşa olunub. Parkda Azərbaycanın dahi şairi Nizami Gəncəvinin abidəsi ucaldılıb.

BAKI, 11 sentyabr — Sputnik. Artıq neçə gündür ki, sosial şəbəkələrdə Quba şəhərindəki Nizami parkında yerləşən, dahilərin şərəfinə ucaldılmış abidələr haqqında söz-söhbətlər səngimir. Məsələ bundadır ki, sosial şəbəkə istifadəçiləri parkda dahi şəxsiyyətlərin şərəfinə qoyulan heykəllərin heç birinin ədiblərə bənzəmədiyini bildirirlər. Heykəllərin ya qeyri-peşəkarlar tərəfindən hazırlandığı, ya da onlar üçün lazımi qədər vəsait ayrılmadığı iddia olunur. Sakinlər arasında həmin abidələrə hətta "raxit heykəllər" deyə ad da qoyulub.

  • Qubada Nizami parkı
    © Sputnik / Leyla Abdullayeva
  • Qubada Nizami parkı
    © Sputnik / Leyla Abdullayeva
  • Qubada Nizami parkı
    © Sputnik / Leyla Abdullayeva
  • Qubada Nizami parkı
    © Sputnik / Leyla Abdullayeva
  • Qubada Nizami parkı
    © Sputnik / Leyla Abdullayeva
1 / 5
© Sputnik / Leyla Abdullayeva
Qubada Nizami parkı

Məsələni araşdırmaq üçün əməkdaşımız Quba şəhər icra nümayəndəsi Elvin Hüseynov ilə əlaqə saxlayıb. O, Sputnik Azərbaycan-a açıqlamasında bildirib ki, heykəllər əvvəlki icra hakimiyyəti başçısının dövründə hazırlanıb və nə səbəbdən belə hazırlanması heç kəsə məlum deyil:

"Park köhnə olsa da, heykəllər 2011-ci ildə qoyulub. Həmin dövrdə rayonun icra başçısı Rauf Həbibov olub. Hazırda onun işlədiyi dövrdə çalışanlardan az işçi qalıb. Həmin işçilər də heykəllərin kim tərəfindən hazırlanmasından xəbərsizdirlər. Biz yenə də bu məsələ ilə bağlı araşdırma aparıb lazımi tədbirlər görməyə çalışacağıq".

Qeyd edək ki, Quba şəhərində Nizaminin adını daşıyan park şimal bölgəsində ən qədim parklardan hesab olunur.  Bəzi məlumatlara görə, adıçəkilən istirahət yeri 1946-cı ildə alman əsirləri tərəfindən inşa olunub. Parkda Azərbaycanın dahi şairi Nizami Gəncəvinin abidəsi ucaldılıb. Abidənin ətrafında xiyaban boyu Nizaminin əsərlərindən səhnələri əks etdirən barelyeflər quraşdırılıb.

Həmçinin oxuyun:

İlham Əliyev və Mehriban Əliyeva Bakıda “Gənclik” parkının açılışında iştirak ediblər

3039
Teqlər:
Quba
 Şuşada Bülbülün ev-muzeyi, arxiv şəkli

Bülbülün Şuşadakı ev-muzeyinə direktor təyin olunub

9
(Yenilənib 22:41 23.09.2021)
Avqustun 29-da Xalq artisti Bülbülün Şuşa şəhərindəki ev-muzeyinin bərpa işlərindən sonra açılışı olub. Azərbaycan Prezidenti İlham Əliyev və birinci xanım Mehriban Əliyeva açılış mərasimində iştirak ediblər.

BAKI, 23 sentyabr — Sputnik. Bülbülün Şuşadakı ev-muzeyinə direktor təyin olunub. Sputnik Azərbaycan xəbər verir ki, bu vəzifəyə tanınmış telejurnalist Fəxrəddin Hacıbəyli təyinat alıb. Bununla bağlı mədəniyyət naziri Anar Kərimov müvafiq əmr imzalayıb.

F.Hacıbəyli artıq ev-muzeyinin direktoru kimi fəaliyyətə başlayıb. O, 02.09.2021-ci tarixli əmrlə ev-muzeyinin direktoru təyin edilib.

Qeyd edək ki, avqustun 29-da Xalq artisti Bülbülün Şuşa şəhərindəki ev-muzeyinin bərpa işlərindən sonra açılışı olub. Azərbaycan Prezidenti İlham Əliyev və birinci xanım Mehriban Əliyeva açılış mərasimində iştirak ediblər.

Ev muzeyi 1982-ci ildən fəaliyyət göstərir. Bülbül bu evdə anadan olub və uşaqlıq illərini burada keçirib. Ümummilli lider Heydər Əliyevin göstərişi əsasında 1982-ci ildə Bülbülün doğulduğu və yaşadığı evin muzeyə çevrilməsi barədə qərar qəbul edilib. Bina 1982-1983-cü illərdə təmir olunub. Ev-muzeyi Şuşanın işğalından sonra ermənilər tərəfindən dağıdılıb.

Bu il yanvarın 14-də Şuşaya səfəri zamanı ev-muzeyində olan Azərbaycan Prezidenti İlham Əliyevin tapşırığına əsasən, muzeydə təmir-bərpa və yenidənqurma işləri aparılıb. Ev muzeyi Bülbülün oğlu, Azərbaycanın Rusiyadakı səfiri, görkəmli bəstəkar Polad Bülbüloğlunun vəsaiti hesabına təmir-bərpa edilib.

Bərpa zamanı evin divarlarında daş üzərində yonulmuş yazılarda evin tikilmə tarixinin qeyd edildiyi aşkarlanıb. Divarın üzərində yeni aşkar olunmuş yazıda binanın 1788-ci ildə inşa olunduğu qeyd edilib. Ev-muzeyinin həyəti əvvəlki görkəmini saxlamaqla bərpa olunub. Muzeyin həyətində Bülbülün yeni hazırlanan büstü ucaldılıb. Eyni zamanda burada vaxtilə olan və erməni vandalizminə məruz qalan büstü də saxlanılır.

Muzeydə Bülbülə aid olan eksponatlar, əşyalar, sənədlər toplanıb. Bundan başqa, ev-muzeyində quraşdırılan böyük monitorda görkəmli musiqiçinin ifa etdiyi əsərlər, onunla bağlı audio və videoyazılar, məlumatlar 7 dildə nümayiş olunur.

Həmçinin oxuyun:

Şuşa yaxın iki-üç aya tamam dəyişəcək: Xüsusi nümayəndə görülən işlərin hesabatını verdi

9
Teqlər:
Bülbül
Nikol Riçi, arxiv şəkli

Dünya şəhrətli ulduzun saçları ad günündə alışıb

7
(Yenilənib 22:37 23.09.2021)
Məşhur müğənni həmin anları 5,2 milyon izləyicisi olan "Instagram" hesabında da paylaşıb. İfaçının bu paylaşımına qısa müddətdə 1,5 milyona yaxın baxış gəlib.

BAKI, 23 sentyabr — Sputnik. Dünya şöhrətli ulduz Nikol Riçi doğum gününü sevdikləri ilə birlikdə qeyd edərkən uğursuz hadisə ilə üzləşib. Sputnik Azərbaycan verir ki, tortun üzərindəki şamları söndürmək üçün əyilən məşhurun saçları alovlanıb. O, qısa müddətli panikadan sonra saçlarını xilas edib.

2000-ci illərin ilk yarısında çılğın həyatı ilə gündəmdə olan və evlənib uşaq sahibi olduqdan sonra sakit həyatına davam edən Nikol Riçi, 40 yaşını qeyd edərkən yaşadığı bu hadisənin görüntülərini sosial media hesabında yayımlayıb.

Məşhur müğənni həmin anları 5,2 milyon izləyicisi olan "Instagram" hesabında da paylaşıb. İfaçının bu paylaşımına qısa müddətdə 1,5 milyona yaxın baxış gəlib.

Məşhur müğənni sənət fəaliyyətinə 2003-cü ildən başlayıb. Məşhur pop kralı Maykl Cekson onun xaç atasıdır.

7
Teqlər:
məşhur, müğənni, ad günü