Nabranda sahil qırağı

Ağdaşda sudan meyiti tapılan iki yeniyetmə qızla bağlı ilginc təfərrüatlar

2054
(Yenilənib 18:39 07.09.2021)
Qızların kanalın kənarındakı xırda ağaclardan, otlardan tutaraq sudan çıxmaq cəhdlərini göstərən əl nişanələrinin olması, onların intihar etmədikləri, ehtiyatsızlıq səbəbindən suya düşərək boğulduğu ehtimalını artırır.

BAKI, 7 sentyabr — Sputnik. Ötən gün Ağdaşda sudan meyiti tapılan iki yeniyetmə qızla bağlı bəzi təfərrüatlar ortaya çıxıb.

Sputnik Azərbaycan-ın bölgə müxbiri xəbər verir ki, Ağdaş şəhər sakini Fatimə Usubova ailənin tək övladı olub. Ağdaş şəhər 3 saylı tam orta məktəbin 8-ci sinif şagirdi olan Fatimə məktəbə getmək üçün dərs vəsaitlərini, eləcə də geyimləri aldırıbmış. 13 yaşlı Fatimənin dayısı Vüsal Zeynalovun sözlərinə görə qızlar səhər saatlarında evdən namaz qılmaq adına çıxıblar.

Onların sakit təbiətli, dərslərini yaxşı oxuyan, mehriban, tərbiyəli uşaqlar olduğunu deyən Zeynalov, bacısı qızının təbiətcə çox qorxaq uşaq olduğunu qeyd edib. O, eyni zamanda qızların intihar etməsi ehtimalının da az olduğunu bildirib:

"Onların çəkdiyi son videodan da görünür ki, qızlar danışaraq, gülərək Ləki su kanalının kənarı ilə gediblər. Ola bilsin, qızlardan biri kanalın kənarında video, ya da şəkil çəkdirmək istəyərkən ayağı sürüşərək suya düşüb. O biri qız da ona kömək etmək istəyərkən kanala düşüb və onlar köməksiz vəziyyətdə suda boğularaq ölüblər. Qızların kanalın kənarındakı xırda ağaclardan, otlardan tutaraq sudan çıxmaq cəhdlərini göstərən əl nişanələrinin olması, onların intihar etmədikləri, ehtiyatsızlıq səbəbindən suya düşərək boğulduğu ehtimalını artırır. Amma təbii ki, bunlar bizim ehtimallardır. Ən doğru və düzgün məlumatın hüquq-mühafizə orqanlarının araşdırmasından sonra üzə çıxacağına ümid edirik" .

Sudan meyiti çıxarılan digər qız - 15 yaşlı Arifə Niftəliyeva isə Ağdaş rayon musiqi məktəbində təhsil alırmış.

Qızlardan biri ötən gün, digəri isə bu rayonda dəfn olunub.

Xatırladaq ki, ötən gün iki yeniyetmə qızın meyiti Ağdaş şəhərinin İstiqlal küçəsindən keçən Ləki su kanalından tapılıb. FHN-nin əməkdaşları hadisə yerindən 50 metr aralıda cəsədləri sudan çıxararaq aidiyyəti üzrə təhvil veriblər

Hadisə ilə bağlı Ağdaş rayon prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb. Cinayət işi üzrə bütün halların tam, hərtərəfli və obyektiv araşdırılmasını təmin etmək məqsədi ilə istintaq tədbirləri davam etdirilir. Hadisənin dəqiq səbəbləri və təfərrüatları araşdırmaların sonunda bəlli olacaq.

2054
Stefan Kuntz, arxiv şəkli

Türkiyə milli futbol komandasının yeni baş məşqçisi məlum oldu

6
(Yenilənib 22:54 20.09.2021)
Stefan Kuntz Almaniyanın 21 yaşdan aşağı futbolçulardan ibarət milli komandasının baş məşqçisi olub və 1995-1996-cı illərdə Beşiktaş komandasının tərkibində çıxış edib.

BAKI, 20 sentyabr — Sputnik. Türkiyə milli komandasına yeni baş məşqçi təyin olunub. Sputnik Azərbaycan-ın NTV kanalına istinadla verdiyi xəbərə görə, Türkiyə Futbol Fedarasiyası bu məqsədlə alman mənşəli keçmiş futbolçu Stefan Kuntzla razılıq əldə edib.

Federasiyadan verilən açıqlamada "Türkiyə Futbol Fedarasiyası İdarəetmə Heyəti milli komandanın baş məşqçisi vəzifəsi üçün Stefan Kuntzla razılıq əldə edib", – deyə bildirilir.

Yeni baş məqşçi ilə imza mərasimi sabah baş tutacaq.

Qeyd edək ki, Stefan Kuntz Almaniyanın 21 yaşdan aşağı futbolçulardan ibarət milli komandasının baş məşqçisi idi. 1995-1996-cı illərdə isə Beşiktaş komandasının tərkibində çıxış etmişdi.

Xatırladaq ki, Türkiyə Futbol Federasiyası bu günlərdə milli komandanın baş məşqçisi Şenol Günəşlə yollarını ayırıb. Buna səbəb Türkiyə millisinin 2022-ci il Dünya Çempionatının Avropa seçmə oyunları çərçivəsində  G qrupunda Hollandiyaya 6:1 hesabı ilə uduzması olub.

Həmçinin oxuyun:

Şenol Günəş istefaya göndərildi

6
Teqlər:
futbol, Türkiyə, milli
Emmi mükafatı, arxiv şəkli

Daha üç serial "Emmy" mükafatlarının qalibi seçilib

6
(Yenilənib 22:47 20.09.2021)
Ən yaxşı faciəvi serial adı uğrunda "Mandalorian", "Qaqalar", "Bridcerton", "Qulluqçunun nağılı", "Lavkraft ölkəsi", "Duruş", "Bu bizik" ekran əsərləri də mübarizə aparıb.

BAKI, 20 sentyabr — Sputnik. "Tac", "Ted Lasso" və "Kraliçanın addımı" serialları "Emmy" mükafatlarının qalibi seçilib. Sputnik Azərbaycan xarici mediaya istinadla xəbər verir ki, 73-cü mükafatlandırma mərasimi ötən gün Los-Ancelesdə keçirilib.

"Tac" 24 kateqoriya üzrə namizədliyini irəli sürərək ümumi nominasiyalar arasında liderliyini saxlayıb. Bu filmlə bərabər ən yaxşı faciəvi serial adı uğrunda "Mandalorian", "Qaqalar", "Bridcerton", "Qulluqçunun nağılı", "Lavkraft ölkəsi", "Duruş", "Bu bizik" ekran əsərləri mübarizə aparıb.

Məlumat üçün bildirək ki, mükafatların təqdimetmə mərasimləri 1949-cu ildən başlayaraq hər il keçirilir. Lakin 1974-cü ilə qədər yalnız sadəcə "Emmy" mükafatı mövcud idi. Sonralar bu mükafatı gündüz verilişlərinə görə təqdim edilən "Emmy" mükafatından fərqləndirmək məqsədilə adı dəyişdirilərək praym-taym "Emmy" mükafatı adlandırılıb.

Mükafatı üç təşkilat təqdim edir: Amerika televiziya akademiyası (ingiliscə Academy of Television Arts & Sciences) idman verilişləri istisna edilməklə, mükafatı bütün axşam verilişləri üzrə təqdim edir; Amerika Milli Televiziya Akademiyası (ingiliscə National Academy of Television Arts & Sciences) gündüz, idman, xəbərlər və sənədli proqramlar üzrə mükafatı təqdim edir; və Beynəlxalq Televiziya Akademiyası (ingiliscə International Academy of Television Arts & Sciences) ABŞ sərhədlərindən kənarda hazırlanan və yayımlanan televiziya proqramları üzrə təqdim edir.

Həmçinin oxuyun:

Gələcəyimizin varisi olan uşaqlar nəyə baxırlar?

6